Nehemia 1
1
Nehemiab di ǀgores
1Nēs ge Hakaljab ôab Nehemiab di ǁgaeǂhôasa.
Kislefǁkhâb ǃnâ, ǀgamdisiǁî kurib Persiab gao-aob Artaxerxesi ǂgaeǂguis dib ǃnâ ta ge tita, Nehemiata danaǃās Susas ǃnâ ge hâ i. 2Ti ǃgâsagu di ǀguib, Hananib ge ǀnî aogu ǀkha Judaba xu ge ǀkhī, o ta ge ǁîgu ai Jerusalems xa tsî ǃgâsa Jodeǁîn Babiloniab ǃkhōsisa xu ge oaǀkhīn xa ge dî. 3O gu ge ǁîga ge mîba te, ǁnān ûiǃgau tsî ge ǃhūb ân ǃoa oaǀkhīn, kai ǀkhomǀkhomsasib tsî ǃharaxūb ǃnâ hâ, tsîb Jerusalems ǂnubiǂgoaba khôaǁnâhe tsî dao-amdi âsa khauǃkhūhe hâsa. 4Nēsa ta ge ǁnâu, o ta ge ǂnû tsî ā tsî tsēde ǃoab ǃnâ ge hâ. Tsî ta ge ǂûtama hâ tsî ǀhommi di Elob ǃoa ge ǀgore:
5“ǃKhū, ǀhommi di Elotse, sats ge kai tsî ǃaohesa anu. Satsa ǀnam tsî sa mîmāde ra dīn ǀkhats ge sa ǃgaeǀhaosa ra ǃkhōǀgaipe. 6ǃKhūtse, ti ǀgores, tsēs tsî tsuxuba ta sa ǃgān Israelǁîna ra ǀgorebasa ǁnâu re. Sida Israelǁîda ge sa ǃoagu dī ǁorena ta ge ra ǁguiǁnâ. Tita tsî ti îb omaris dida tsîda on ge ǁkhāti sa ǃoagu ge ǁore. 7Sida ge sats ǃoagu ǂkhabase tanisen tsî sa mîmāde dī tama ge i. Sa ǃgāb Moseb ǃnâ-uts ge mā da ǂhanuba da ge ǁnâuǀnam tama ge i. 8Sa ǃgāb Mosebats ge mîmā mîs xa ǂâi re: ‘Ti ǃoagu du ga ǁnâuǀnamoǃnâo, o ta ge nau ǁaedi ǃnâ nî ǀgaruǀgaru du.#Lev. 26:33 9Xawe tita ǃoa ǃhobasen tsî du ga ti mîmāde ǁnâuǀnam tsî dīo, o ta ge ǃhūbaib hoaragab ǃnâ du ga ǀgarusase hâ, xawe ǁkhawa nî ǀhaoǀhao du. Tsî ta ge ti ǀons nî ǁîs ǃnâ ǀgoreǀîhese ta ge ǁhûiǂui ǃkhaisa ǃoa nî oaǀkhī-ū du.’#Deu. 30:1-5
10“ǃKhūtse, nēn ge sa ǃgān, sa ǂhunuma khoen, sa kai ǀgaib tsî ǁkhāsib ǀkhats ge huiǂuina. 11Ti ǀgores tsî sa ǃgān satsa ra ǃaoǃgân di ǀgoredi tsîna ǁnâu re. Nētsē ǃgâiǃgâxa kai te re, îb gao-aoba ǀkhomxa te re.”
ǁNā tsēdi ǃnâ ta ge ge gao-aob di ǂauxûiǂnâ-ao i.
Currently Selected:
Nehemia 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.