Hosea 1
1
1Nēs ge ǃKhūb di ǂhôas Hoseab, Beeri ôab kōse ge hāsa, saogubes ǃnâ gu Usiab, Jotammi, Axasi tsî Hiskiab tsîga ge Judab gao-ao i tsîb ge Jerobeammi, Joasi ôaba Israeli gao-ao i ǁaeb ǃnâ.
Hoseab taras tsî ôasan
2ǂGurob ge ǃKhūba Hoseab ǃnâ-u ǃhoa, ob ge Hoseab ǃoa ge mî: “ǃGû, î ǀai-aosa sī ǃgame î ǀaiǀgôana ūhâ, ǃhūb aiǃgû tsî ǃKhūb aisa xu ǀaibē khami.”
3Ob ge Hoseaba Diblaimmi ôas, Gomersa ǃgame tsî aore ǀgôaba ge ǁorabahe. 4Tsîb ge ǃKhūba ǁîb ǃoa ge mî: “Jesreel ti ǀonǂgai bi re, ǂkhari ǁaerob ǀguib, o ta tita gao-aob Jehub omma Jesreeli di ǀaob ǃaroma nî ǀkhao, tsî ta Israelǁaes di gaosisa nî ǀamǀam xuige. 5Tsî i ge nîra ī ǁnātsē ta Israeli khāsa Jesreeli ǃgoaǃnāb ǃnâ nîra khôaǃā ǃkhaisa.”
6Tsîs ge ǁkhawa ǀgamǀkhā tsî tareǀgôasa ge ǁora. Ob ge ǃKhūba Hoseab ǃoa ge mî: “Lo-Ruxama#1:6 Lo-Ruxama: Nēs Hebregowab ǃnâ ǀKhomoǃnâ ti ra ǂâibasen. ti ǁîsa ǀonǂgai re. ǃAruǀî ta Israeli omma ǀkhomxa tamas ka io ǁîna ǀûba tide xuige.” 7Xawe ta ge Judab khoena nî ǀkhomxa, tita ǁîn di ǃKhū tsî Elota ge ǁîna nî ore. ǁÎna ta ge khās tamas ka io gôab, tamas ka io hāgu, tamas ka io hāǃgapi-aogu ǀkha ore tide.
8Ôasasas ge ǀōǀōs khaoǃgâs ge Gomersa ǁkhawa ǀgamǀkhā tsî aoreǀgôaba ge ǁora. 9Ob ge ǃKhūba “Lo-Ammi#1:9 Lo-Ammi: Nēs ge Hebregowab ǃnâ Ti ǁae tamas ti ra ǂâibasen. tits ge ǁîba nî ǀonǂgai, sadu ti ǁae tama tsî ta sadu Elo tama xuige” ti ge mî.
Israels di ǃâubasens
10Israeli khoen ge ǃgôab ǃnâ, hurib di ǃhūb, ǀnōhe tamas ka io ǃgôahe ǁkhā tideb khami nî ī; ǁnā ǃkhais ǁîs tawan “Ti ǁae tama du ge” ti ge mîbahes tawan ge “ûitsama Elob ôan” ti nî mîhe. 11Judab khoen tsî Israeli din ge ǀhaoǀhaohe tsî ǀgui ǂgaeǂgui-ao-e nî ǁgaumâibasen. Tsîn ge ǃhūba nî ūbasen, Jesreeli tsēs kaise nî kai xui-ao.
Currently Selected:
Hosea 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.