Esra 1
1
Koresi ge Jodeǁîna ra mîmā, în ǁaru
1ǂGuro kurib Persiab gao-aob, Koresi ǂgaeǂguis dib ǃnâb ge ǃKhūba kēbo-aob Jeremiab ǃnâ-ub ge mî hâ ina ge ī kai. ǁÎb ge Koresa ge ǂgaoǂgaoǃnâ, îb sao ra mîmāsa xoa tsî sîǂui, îs hoaraga gaosib ǃnâ ǂanǂanhe:#Jer. 25:11; 29:10
2“Nēs ge Persiab gao-aob Koresi di mîmāsa. ǃKhūb, ǀhommi di Elob ge tita hoaraga ǃhūbaib ǂama gao-aodī tsî ge ǁgui-ai, î ta ǁîba Judab ǃnâ, Jerusalems tawa Tempela ǂnubiba.#Jes. 44:28 3Ab Eloba sadu, ǁîb didu hoadu ǀkhā hâ. Sadu ge Jerusalems ǁga ǃgû tsî ǃKhūb, Israeli di Elob, ǁnā Elob Jerusalems ǃnâ ra ǀgoreǀîheb di Tempela ǁkhawa nî ǂnubikhâi. 4ǁÎb khoen di ǀgui-i, ǃkhōsabese hâ-i ga oas ǃaroma huiba ǂhâbao, on ge ǁî-i ǁanǁare-aona ǁî-e nî hui. ǁÎn ge ǁî-e ǃhuniǀurib tsî ǀhaiǀurib, xūn tsî ǀgoan tsî ǁkhāti ǁguibaxūn, Elob di Tempeli Jerusalems ǃnâ hâb tawa i sī nî ǁguiban tsîna nî mā.”
5On ge Judab tsî Benjaminni ǃhaoǃnādi ǂgaeǂgui-aogu, pristergu, Leviǁîgu tsî Elob xa ge ǂgaoǂgaoǃnâhe-i tsîna ge ǂhomisen, ǃgû tsîn ǃKhūb di Tempela ǁkhawa Jerusalems ǃnâ sī nî ǂnubikhâise. 6Hoaraga ǁanǁare-aon ge ǁîna hui tsî ǀhaiǀuri xapan, ǃhuniǀurib, xūn, ǀgoan, ǃgomǀgausa xūn tsî Tempeli di ǁguibaxūn tsîna ge mā.
7Gao-aob Koresi ge ǁkhāti ǁîna Nebukadnesari ge Jerusalems ǃnâ mâ Tempela xu ū tsî ǁîb elogu tempeli ǃnâ mâi hâ i xapan tsîna ge mā-oa. 8ǁÎb ge ǁîna Mitredati, gao-ommi ǁuib di mûǂamaoba ge mā tsîb ge ǁîba ǁîna Sesbasari, Judab di ǂamkhoeba ge ǃgôakhâiba. 9-10Nēb ge ǁîn di ǃgôaba:
| ǃhuniǀuri ǁguibaxapade | ǃnonadisi |
| ǀhaiǀuri ǁguibaxapade | ǀguiǀoadisi |
| nau xapade | ǀgamdisikhoeseǀa |
| ǂkhari ǃhuniǀuri xapade | ǃnonadisi |
| ǂkhari ǀhaiǀuri xapade | hakakaidisi tsî disi |
| nau xapana | ǀguiǀoadisi |
11ǀHaob ain ge koroǀoadisi tsî hakakaidisi ǃhuniǀuri tsî ǀhaiǀuri xapadi tsî nau xūn tsîna ge hâ i. Tsîb ge Sesbasara ǁîn hoana ǁîb tsî nau ǃkhōsaben tsîn ge Babiloniaba xu Jerusalems ǁga a ǃgû, o ge ūsao.
Currently Selected:
Esra 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.