Jr 1
1
Xtiklajik li Hu
1A'an a'in resil li xyehom xb'aanuhom laj Jeremías, ralal laj Jilkías, xkomoneb' laj tij li ke'wank sa' li tenamit Anatot,#1,1 1 R 2,26-27. sa' xteepaleb' laj Benjamín. 2Ak oxlaju chihab' rokik laj Josías,#1,2 2 R 22,3-23,27; 2 Kr 34,8-35,19. ralal laj Amón, chi awab'ejink sa' xb'eeneb' laj Judá naq ki'aatinaak laj Jeremías xb'aan li Qaawa'. 3Ki'aatinaak wi' chik naq laj Johakín,#1,3 2 R 23,36-24,7; 2 Kr 36,5-8. ralal laj Josías, kiwank cho'q awab'ej re Judá, junlaju chihab'aq rokik chi taqlank laj Sedesías,#1,3 2 R 24,18-25,21; 2 Kr 36,11-21. ralal laj Josías, sa' xb'eeneb' laj Judá, naraj naxye toj sa' ro' li po re li chihab' a'an, naq eb' laj Jerusalén ke'k'ame'k aran Babilonia.
Laj Jeremías kib'oqe'k cho'q propeet
4Toja' naq li Qaawa' ki'aatinak wik'in ut kixye we:
5“Naq toj maji' nakatsiyaak chaq rik'in laana',
laa'in ak xinsik' chaq aawu;
naq toj maji' nakatyo'laak,
ak santob'resinb'ilat chaq inb'aan
ut ak xaqab'anb'ilat cho'q xpropeet eb' li tenamit”,#1,5 Is 49,1; Gal 1,15. chan li Yos.
6Ut laa'in kinye: “Toq'ob' wu, at Qaawa',
toj saajin chi us ut ink'a' ninnaw aatinak”.
7Ab'an li Qaawa' kixye we:
“Maaye naq toj saajat.
A' yaal b'ar tatintaqla, laa'at tatxik
ut taaye chixjunil li k'aru tatintaqla wi'.
8Maaxiwa ruheb' li tenamit,
xb'aan naq wankin aawik'in re aakolb'al.
Laa'in, li Qaawa', ninye li waatin”.
9Toja' naq li Qaawa' kixch'e' li xtz'uumal we ut kixye we:
“K'e reetal, anaqwan xink'e li waatin sa' xtz'uumal aawe.
10Chalen anaqwan xink'e aawankil sa' xb'eeneb' li tenamit ut eb' li awab'ej,
re mich'ok ut juk'uk,
re sachok ut t'anok,
re waklesink ut xaqab'ank”, chan.
11Moqon chik li Qaawa' kinraatina chi jo'ka'in: “K'aru yookat chi rilb'al, a Jeremías?”. Kinchaq'ok ut kinye: “Yookin chi rilb'al jun ruq' li che' almeendr, a' li «che' re yo'lenk» nayeemank re”. 12“Yaal li xawil -chan we li Qaawa'-. Xb'aan naq yo'oon wanqin re naq chi'uxq li k'aru xinye”.#1,12 Is 55,10-11; Ez 12,28.
13Li Qaawa' kixye wi' chik we: “K'aru yookat chi rilb'al?”. Kinchaq'ok ut kinye: “Yookin chi rilb'al jun uk'al chi ha' yo chi woqxink ut salso sa' xjayal releb'l iq'”.
14Toja' naq li Qaawa' kixye we:
“Relik chi yaal naq sa' xjayal releb'l iq' taachalq li rahilal
sa' xb'een chixjunil li tenamit a'in.
15Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq'
-chan li Qaawa'-.
Ut eb' li x'awab'ejeb' tole'xk'ojob' li xk'ojarib'aal
tz'aqal sa' rokeb'aal Jerusalén,
ut chirixatq li suttz'ak sutsuukeb' wi' li tenamit sa' xteepal Judá.
16Xb'aan li xk'iila maa'usilal
tinraqoq aatin sa' xb'een lintenamit xb'aan naq xine'xtz'eqtaana
ut a'eb' chik li jalanil yos xe'xloq'oni ru:
xe'k'atok pom chiruheb' li xyiib'ahomeb' rik'in ruq'eb'.
17Jo'kan utan, kawaq aach'ool,
xaqlin ut ye reheb' li k'aru tatintaqla wi'.
Maaxiwa ruheb':
mare anchal tink'ut aaxutaan chiruheb' a'an.
18Sa' li kutan a'in xatinxaqab' jo' jun kawub'resinb'il ochoch;
chanchanat chik jun li oqech ut suttz'ak q'anch'iich',#1,18 Jr 15,20.
re naq kawaqat chi xkolb'al aawib'
chiru chixjunil li tenamit a'in:
chiruheb' li awab'ej re Judá ut chiruheb' li ninqeb' xwankil,
chiruheb' laj tij jo'wi' chiruheb' chixjunil li poyanam.
19Eb' a'an te'yaloq aawik'in,
ab'an ink'a' te'ruuq xq'axb'al aawu
xb'aan naq wanqin aawochb'een re aakolb'al”,
chan li Qaawa'.
Currently Selected:
Jr 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.