Juan 15
15
Re ejemplo chij juvi' uva
1Y c'are' re Jesús xubij: Ja yen re katzij ancha'l juvi' uva, y re Nata' jare' re nisamajin re uva re'. 2Roma juvi' uva jec'o ruk'a' re xa man ye'vachin-ta, ye'lisas-a.#Mt 15.13; He 6.8. Jac'a re ruk'a' re can ye'vachin, ye'josk'es jabal, chin más otz ye'vachin. Can quire' chuka' yen. Re Nata' ye'rutz'at conojel re jec'o viq'uin y ye'rulisaj-a re man nivachin-ta quic'aslen. Jac'a re nivachin quic'aslen, ye'rojosk'ij más, che re quic'aslen más nivachin. 3Yex re can nc'utun-va-pa re ch'abal chivach, can xixch'ojch'ojer-yan roma re ch'abal re'.#Ef 5.26. 4Can nojel tiempo c'a quixc'ue' viq'uin, chin quire' yen can yinc'ue' chuka' iviq'uin. Roma vo xa c'o jun ruk'a' uva re man chach-ta re rakan ndel-va-pa, man nivachin-ta. Xa can nic'atzin che jun ruk'a' uva chach re rakan ndel-va-pa, chin quire' nivachin. Can quire' chuka' yex, can nic'atzin che nojel tiempo quixc'ue' viq'uin.
5Ja yen re juvi' uva, y yex re ruk'a'. Re can nojel tiempo c'o viq'uin y yen riq'uin reja', re ruc'aslen can xtivachin-va. Roma re man c'o-ta viq'uin, man jun xtitiquir xtuban.#Fil 4.13. 6Re anchique man nic'ue-ta viq'uin, xtuc'alvachij ancha'l niquic'alvachij re ruk'a' tak uva re xa man ye'vachin-ta. Ye'lisas-a roma man ye'vachin-ta, y tak je chake'j chic, ye'bemol-pa, ye'torix pa k'ak', y chire' ye'c'at-va.
7Jac'a yex can quixc'ue' viq'uin, y tic'ue' re nuch'abal iviq'uin. Vo xa quire' xtiban, can tic'utuj cha re Dios andex nurayij re ivánma, y can quire' xtibanataj. Can xtuya-va-pa chiva re nic'utuj.#Jn 15.16. 8Vo xa can nivachin jabal re ic'aslen, can nik'alajin che yixtzakatal chuij. Y mare' re xquixtz'eto, can xtiquiya' ruk'ij re Nata'.#Mt 5.16; Fil 1.11. 9Can ancha'l como yen camas yinrajo' re Nata', can quire' chuka' nimban yen chiva yex. Y mare' nojel tiempo quixc'ue' viq'uin y siempre yixinjo'. 10Y chin che yixc'ue' viq'uin y yixinjo', yex can niban re ye'mbij chiva. Ancha'l nbanon yen riq'uin re Nata', can ye'mban re nubij chua, y mare' yinc'o riq'uin reja' y yinrajo'.
11Y ronojel re nbin chic chiva, can chin che yixqui'cot pa tak ivánma, can ancha'l yinqui'cot yen pa vánma. Y re ivánma camas-ta xtiqui'cot.#Jn 16.24; 1 Jn 1.4. 12Y yen ninchalabej chiva che can tijo-ivi',#1 Ts 4.9; 1 P 4.8; 1 Jn 3.11. can ancha'l yixinjo' yen. 13Roma re jun re can nuya-va ruc'aslen#Ro 5.7; Ef 5.2. pa quiq'uixel re ru-amigos, can k'alaj che camas ye'rajo' y man jun chic re xtijovan más que chach reja'. 14Y yex can yix nu-amigos, vo xa niban ronojel re nimbij chiva che tibana'. 15Roma yen can amigos chic nbanon chiva, roma can ronojel re rubim-pa re Nata' chua yen, can xintzijoj chuka' chiva yex. Man xe-ta chic yix nusamajela'. Roma jun samajel man rutaman-ta andex nunojij re ru-patrón. Yen man quire-ta chic nbanon chiva. 16Re xcha'o ivichin yex, ja yen, y mana-ta yex re xixcha'o vichin yen.#1 Jn 4.10. Y yen xixincha' chin che yixintak chubanic re nusamaj#Mr 16.15. y chin chuka' che nivachin jabal re ic'aslen, y re' can chin nojel tiempo, chin quire' re andex xtic'utuj cha re Nata' pa nube' yen, can xtuya-va-pa chiva. 17Can ninchalabej c'a chiva, che tijo-ivi'.
Re Jesús xtzelas, y quire' chuka' xtiban chique re ye'niman richin
18Y vo xa yixtzelas#Mr 13.13; Lc 6.22; 1 Jn 3.13. coma re vinak re man quiniman-ta re Dios, te'ka chi'c'o'x che ja yen re xinquitzelaj nabey que chivach yex. 19Xe-ta yix quichibil-ta re vinak re man quiniman-ta re Dios, yixquijo-ta.#1 Jn 4.5. Pero vocame yixquitzelaj, roma man yix quichibil-ta chic reje'.#Jn 17.14. Can jac'a yen re xinlisam-pa ivichin chiquicojol. 20Can te'ka chi'c'o'x che mana-ta re mozo c'o más ruk'ij que chach re patrón. Y vo xa yen re Ivajaf yintzelas coma re vinak,#Is 53.3. yex chuka' xa can quire' xtiban chiva, y vo xa re vinak man niquiban-ta re nubij re nuch'abal yen, man xtiquiban-ta chuka' re nibij yex chique. 21Y quire' xtiquiban, roma man quitaman-ta rach re Dios#Jn 16.3. re takayom-pa vichin, y mare' yixquitzelaj, roma viq'uin yen ibanon-va confiar-ivi'.
22Y man-ta ximpa yen chach re ruch'ulef chutzijosic re nuch'abal, man-ta xinquitzelaj y man-ta xe'k'alajin che je aj-maqui'.#Jn 9.41. Jac'a vocame, roma yen ximpa-yan chach re ruch'ulef, mare' reje' man xque'tiquir-ta xtiquibij che man jun quimac.#Ro 1.20. 23Re ye'tzelan vichin yen, can man xe-ta c'a yen re yinquitzelaj, xa can quire' chuka' niquiban cha re Nata'. 24Yen je'mbanalon#Jn 3.2; 7.31; 9.32. nima'k tak samaj re man jun banayon chiquivach. Y reje' xquitz'at re samaj re', pero man yinquiniman-ta. Xa yinquitzelaj y niquitzelaj chuka' re Nata'. Y mare' man jun xtibin che manak rumac. 25Ronojel re', can ntajin chic rubanic, roma can quire' tz'iban can chupan re ruch'abal re Dios re yi'on chique. Chupan re ruch'abal re Dios nubij: Yinquitzelaj y xa man k'alaj-ta anchique roma.#Sal 35.19; 69.4; 109.3. Quire' nubij chupan re ruch'abal re Dios.
26Jac'a tak yen xquintzolaj chic chila' riq'uin re Nata', xtintak-pa re xtito'o ivichin, y reja' can xquinrutzijoj-va. Y re Jun re' ja re Espíritu Santo,#Hch 2.33; 1 Jn 5.6. re nitijon ivichin cha re katzij. Y reja' riq'uin re Nata' nipo-va. 27Y yex can xquinitzijoj#Hch 1.8. chuka', roma can ja tak xintz'uc-pa re nusamaj, jare' tak yixc'o viq'uin.#Lc 1.2.
Currently Selected:
Juan 15: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.