YouVersion Logo
Search Icon

Ecles 1

1
Nilhokej m'ak tä m'ak nitälhaye
1Häp tähesna N'olhämetwo lhämtes, David lhäs tä häpe rey tä ihi Jerusalén:
2M'ak tä m'ak nitälhaye häpe m'ak tä m'ak nitälhahomche. Häp m'ak tä m'ak nitälhaye tälhe m'ak tä m'ak nitälhahomche. Häpe t'at m'ak tä m'ak nitälhaye. 3¿Atsi m'ak tä hin'o teskanej tä tälho lepäytshayaj tä häpe lechumet tä ihonhatena? 4Wichi ichehen wet wichi y'inhen, tha mat honhat ihit tä ihi. 5Ifwala inuphä wet äp ifwala y'uy, wet äp nakele lhip tä äp inuhiphä. 6Yafwthi tatay tapinhiye, wet äp tatay tafwojyhiye. Ilunhi t'at tä lhainech'ayenpej. 7Tewok lhayis tiyäje awalak wet awalak nipajiyahit che tapoyej. Lhip tä tewok lhayis tälhe nech'e lhahi tä iläfwelche. 8Nilhokej m'ak tä õy'elejen, wet n'am hanej che ofwetaj oy'ithat. N'ottelhoy y'ayhtejen m'ak tä hiw'ene, wet n'och'otey y'ayhtejen m'ak tä iläte, wet n'otamsek ihihit'a. 9M'ak tä tafwaytshi häpe t'at m'ak tä äp ihichela, wet m'ak tä pajche õyenlhi häpe t'at m'ak tä äp õyenhilhila. Wet äp newache m'ak che äp nech'e tä ihonhatena. 10¿Hä iche m'ak che õyok, “M'aktso häp tä nech'e”? Ihichet'a, pajche iche t'at. 11Ihichet'ak õntichunlä m'ak tä pajche, wet wichi tä ihichela lhamel nemla nitichunch'oye m'ak tä pajche iche.
N'olhämetwo lehanyhayaj
12Olham tä N'olhämetwon'o oniyatej naji Israel lhayis tä ihi Jerusalén. 13Olhaimälhetwek tä olhaichufwenej nilhokej m'ak tä n'ochumyaj tä ihonhatena. Wet ow'en tä wuj tä äytajche m'ak tä Dios hiw'enho wichi yämthilek lechumyaj tä y'ayhatchehchä. 14Otetshan nilhokej m'ak tä hin'o iwoye tä ihonhatena. Tha häpe t'at m'ak tä m'ak nitälhaye, tet iwoyek õ'fwetaj õ'tsoklhi yafwthi. 15M'ak tä tachofwelche õ'hanhiyejt'a õ'woyneje che õ'isyen alhoho, wet m'ak tä nilhoka õkn'ithathiye t'at.
16Oti lhamhi olhämet, oyok, Eh olhaiwujyen wet häp tä yiklhatshi otäfwnhayaj, otfwaype lhamel tä ichunej tä niyatej Jerusalén. Okatej wuj otäfwnhayaj lhäy'e ohanyhayaj.#1~Rey 4.29-31 17Onityen che ohan m'akej, wet äpte ohanej n'otektshanyaj lhäy'e m'ak at che w'et õteyej'atni. Mat ow'en tä lajit lahaya tä otetshan tähestso, tet iwoyek ofwetaj otsoklhi yafwthi. 18Tsi elh tä ahantsaj wuj m'ak tä yen lhakliya. Che yiklhatshi letäfwnhayaj, lhäy'e lhip leteläythayaj.

Currently Selected:

Ecles 1: WCHB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy