1 Sôrta Gḭka-Israɛlje 1
1
Ginka Israɛlje gə́ un kudee dɔ Adam’g saar teḛ ne dɔ ŋgaka Esawu’g
1Adam to bɔ Setje, Set to bɔ Enɔsje. 2Enɔs to bɔ Kenanje, Kenan to bɔ Mahalaleelje, Mahalaleel to bɔ Jeredje, 3Jered to bɔ Henokje, Enok to bɔ Metuselaje, Metusela to bɔ Lemekje, 4Lemek to bɔ Noéje, Noe to bɔ Sem, gə Kam, gə Japetje tɔ.
5Ri ŋgalə Japet ɓa nee: Gomer, Magɔg, Madai, Jaban, Tubal, Mesek gə Tiras. 6Ŋgalə Gomer ɓa ri dee to nee: Askenaj, gə Dipat, gə Togarma. 7Ŋgalə Jaban ɓa ri dee to nee: Elisa, gə Tarsisa, gə Kitim, gə Rodanim.
8Ŋgalə Kam ɓa ri dee to nee: Kus, gə Misrayim, gə Put, gə Kana̰. 9Ŋgalə Kus ɓa ri dee to nee: Saba, gə Habila, gə Sabta, gə Raema gə Sabteka. Ŋgalə Raema ɓa ri dee to nee: Seba gə Dedan. 10Kusk oji Nimrɔd, yeḛ ɓa to gə́ njesiŋgamoŋ gə́ dɔtar dɔ naŋg nee. 11Misrayim ɓa to ka Ludje, gə Ananje, gə Lehabje, gə Naptuhje, 12gə Patrusje, gə Kasluje, deḛ ɓa Pilistije gə Kaptɔrje d’ḭ gel dee’g. 13Kana̰ oji Sido̰ gə́ ŋgondəree ləm oji Het ləm tɔ, 14Kana̰ lé to ka Yebusje ləm, gə Amɔrje ləm, gə Girgasije ləm, 15gə Hebje ləm, gə Arkije ləm, gə Sinije ləm, 16gə Arbadje ləm, gə Semarje ləma, gə Hamatje ləm tɔ.
17Ŋgalə Sem ɓa ri dee to nee: Elam, gə Asur, gə Arpaksad, gə Lud, gə Aram, Uts, gə Hul, gə Géter, gə Mesek. 18Arpaksad oji Sela, Sela oji Heber. 19Heber oji ŋganje gə́ diŋgam joo: yeḛ gə́ kára ria lə Peleg mbata mee ləbje’g ləa lé deḛ kai na̰ dɔ naŋg, tɔɓəi ri ŋgokea̰ to Joktan tɔ. 20Joktan oji Almodad gə Selep gə Hasamabet gə Jera 21gə Hadoram gə Ujal gə Dikla 22gə Ebal gə Abimael gə Seba gə Opir gə Habila gə Jobab. 23Deḛ lai neelé to gə́ ŋgalə Joktan ya.
24Sem, gə Arpaksad, gə Sela, 25gə Heber, gə Peleg, gə Rehu, 26gə Serug, gə Naɔr gə Tera, 27gə Abram gə́ to Abrakam lé.
28Ŋgalə Abrakam ɓa ri dee to nee: Isaak gə Ismael . 29Aa ooje, ŋgaka deeje ɓa ri dee to nee: Nebajot gə́ to ŋgondər Ismael ləm, gə Kedar, gə Abdeel, gə Mibsam, 30Misma, gə Duma, gə Masa, gə Adad, gə Tema, 31gə Jetur, gə Napis gə Kedma ləm tɔ. Deḛje nee ɓa to gə́ ŋgalə Ismael ya.
32Ŋgalə Ketura gamla-dené lə Abrakam ɓa ri dee to nee: Yeḛ oji Kimran, gə Joksan gə Medan, gə Madian, gə Jisbak, gə Sua. Ŋgalə Joksan ɓa ri dee to nee: Seba gə Dedan. 33Ŋgalə Madian ɓa ri dee to nee: Epa, gə Eper, gə Enok, gə Abida gə Elda. Deḛ lai neelé to ŋgalə Ketura.
34Abrakam oji Isaak. Ŋgalə Isaak ɓa ri dee to nee: Esawu gə Israɛl . 35Ŋgalə Esawu ɓa ri dee to nee: Elipaj, gə Ruel, gə Jus, gə Jaelam gə Koré. 36Ŋgalə Elipaj ɓa ri dee to nee: Teman gə Omar, gə Sepi, gə Gaetam, gə Kenaj, gə Timna gə Amalek. 37Ŋgalə Ruel ɓa ri dee to nee: Nahat, gə Jera, gə Sama gə Mija. 38Ŋgalə Seir ɓa ri dee to nee: Lotan, gə Sobal, gə Sibeon, gə Ana, gə Dison, gə Eser gə Disan. 39Ŋgalə Lotan ɓa ri dee to nee: Hɔri gə Homam. Konan Lotan to Timna. 40Ŋgalə Sobal ɓa ri dee to nee: Aljan gə Manahat, gə Ebal, gə Sepi gə Onam. Ŋgalə Sibeon ɓa ri dee to nee: Aja gə Ana. 41Ŋgolə Ana ɓa ria to nee: Dison. Ŋgalə Dison ɓa ri dee to nee: Hamran, gə Esban, gə Jitran gə Keran. 42Ŋgalə Eser ɓa ri dee to nee: Bilan, gə Jaban, gə Jaakan. Ŋgalə Disan ɓa ri dee to nee: Uts gə Aran.
Mbaije gə́ Edɔm
Gn 36.31-43
43Aa ooje, mbaije gə́ d’o̰ ɓee Edɔm kédé no̰ mbai gə́ o̰ Israɛlje’g ɓa ri dee to nee: Bela, ŋgolə Beɔr, ri ɓee-boo ləa lə Dinhaba. 44Bela wəi ndá Jobab, ŋgolə Jera dəw gə́ Bosra ɓa o̰ ɓee toree’g. 45Jobab wəi ndá Husam gə́ ḭ dɔ naŋg’d lə Temanje ɓa o̰ ɓee toree’g. 46Husam wəi ndá Adad, ŋgolə Bedad ɓa o̰ ɓee toree’g. To yeḛ gə́ rɔ gə Madian mee ɓee’d gə́ Moab lé. Ri ɓee-boo ləa lə Abit. 47Adad wəi ndá Samla gə́ ḭ ɓee gə́ Masreka ɓa o̰ ɓee toree’g. 48Samla wəi ndá Sawul gə́ ḭ ɓee gə́ Rehobot gə́ to ta baa’g ɓa o̰ ɓee toree’g. 49Sawul wəi ndá Baal-Anan, ŋgolə Akbɔr ɓa o̰ ɓee toree’g. 50Baal-Anan wəi ndá Adad ɓa o̰ ɓee toree’g. Ri ɓee-boo ləa lə Pahi, Ri dené ləa lə Mehetabeel, yeḛ to ŋgolə Matred gə́ dené gə́ to ŋgolə Mejahab gə́ dené tɔ.
51Adad wəi ndá mbaije gə́ Edɔm ɓa ri dee to nee: Mbai Timna, gə mbai Alja, gə mbai Jetet, 52gə mbai Oholibama, gə mbai Ela, gə mbai Pino̰, 53gə́ mbai Kenaj, gə mbai Teman, gə mbai Mibsar 54gə mbai Magdiel, gə mbai Iram. Deḛje neelé ɓa to mbaije gə́ Edɔm lé ya.
Currently Selected:
1 Sôrta Gḭka-Israɛlje 1: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.