ESERA 1
1
Sa vaka ko Sairusi me lesu ki Juta ko ira na Jiu, ka me ra tara tale na vale ni soro.
1Ia e nai matai ni yabaki i Sairusi na tui Perisia, me vakayacori kina na vosa i Jiova e na gusu i Jeremaia, sa vakauqeta na yalo i Sairusi na tui Perisia ko Jiova, me sa kacivaki yani kina na vosa e na veiyasana kecega e na nona matanitu, a sa vola talega, ka vaka,
2Sa kaya vakaoqo ko Sairusi na tui Perisia, Sa solia kivei au ko Jiova na Kalou ni lomalagi na veimatanitu kecega e vuravura; a sa vakaroti au me'u tara e dua na vale mai Jerusalemi me nona, ko ya mai Juta. 3O koya yadua vei ira kecega na nona tamata sa tiko vata kei kemudou me tiko kaya na nona Kalou, ka me lako cake ko koya ki Jerusalemi, mai Juta, ka tara na vale i Jiova na nodra Kalou na Isireli, (o koya ga na Kalou,) o koya sa tiko mai Jerusalemi. 4Ia ko koya sa vo tiko e na dua na yasana sa tiko vulagi kina, me vukei koya ko ira na tamata e na nona yasana e na siliva, kei na koula, kei nai yau, kei na manumanu, me kenai kuri ni ka sa yalodra me ra solia e na vuku ni vale ni Kalou mai Jerusalemi.
5Sa qai tu cake ko ira na nodra qase turaga na Juta kei Penijamini, kei ira na bete, kei ira na Livai, kei ira kecega sa vakauqeta na yalodra na Kalou, me ra lako cake me tara na vale i Jiova mai Jerusalemi. 6Ia ko ira kecega era sa tiko voleka vei ira, era sa vukei ira e nai yaya siliva, kei na koula, kei nai yau, kei na manumanu, kei nai yau talei, ia oqo nai kuri ni ka kecega era sa solia e na yalo e vinakata.
7A sa kauta talega ko Sairusi na tui nai yaya ni vale i Jiova, ka kauta mai Jerusalemi ko Nepukanesa, ka vakacuruma ki na bure ni nona kalou; 8io oqo ka vakauta mai ko Sairusi na tui Perisia, e na liga i Miciritaci na dau-ni-yau, ka wilika vei Sesipasa, na turaga ni Juta. 9Ka sa vakaoqo na kedrai wiliwili: e tolusagavulu na dari koula, e dua na udolu na dari siliva, e ruasagavulu ka ciwa nai sele, 10e tolusagavulu na peseni koula, a bilo siliva sa lailai sobu na kena yaga e va na drau ka mani tini, nai yaya tani e dua na udolu: 11ai yaya koula kecega kei na siliva, sa lima na udolu ka va na drau. Sa kauta cake kece ko Sesipasa, kei ira na bobula era sa kau cake mai Papiloni ki Jerusalemi.
Currently Selected:
ESERA 1: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific