ዪሁዳ ኪታ 1
1
1ታኒ ዬሱሲ ኪሪስቶሳ ቆማይ ዪሁዳይ፥ ያዪቆባ ኢሻይ፥ ፆሳይ ፄሴዳዋንቶ፥ ፆሳይ ኣዉ ሲቂያዋንቶ፥ ቃሲ ዬሱሲ ኪሪስቶሲ ናጊያዋንቶ፥ ሃ ዳቢዳቢያ ፃፋይ።
2ማሮቴይ፥ ሳሮቴይኔ ሲቆቴይ ሂንቴናን ኩሞ።
ዎርዶ ኣስታማራቱዋ
3ታ ሲቃቶ፥ ኑኒ ኢቲፔ ሻኪ ኣካና ኣቶቴባ ሂንቴንቶ ፃፋናው ታኒ ዳሮ ዳቡሪያ ዎዴ፥ ፆሳይ ባሬ ናናቶ ላዔናን ኢቲ ጌዴ ኢሜዳ ኣማኖ ሂንቴ ባፄታና ማላ፥ ሂንቴና ዞራዴ ፃፋናው ኮሺያዋ ኣኬካዲ። 4ኣዪሲ ጎፔ፥ ፆሳ ኤሬና ኢቲ ኢቲ ኣሳቱ ኦኒኔ ቤዔናን ሂንቴ ጊዶ ጌሌዲኖ። ሄዋንቱ ኑ ፆሳ ኣ ኬካቴባ ኦዲያ ኪታ ኢታ ቱናቴው ጌላይ ታማሪሲኖ፤ ኡንቱንቱ ኑ ኢቲ ካቲያ፥ ኑ ጎዳ ዬሱሲ ኪሪስቶሳ ኤሮኮ ያጊኖ፤ ቃሲ ኡንቱንቱ ፒርዳ ኣካናዋ ፆሳ ማፃፋቱ ዳሮ ዎዲያፔ ካሴ ኦዴዲኖ።
5ሺን ሂንቴ ሃ ኡባባ ኤሪያዋ ጊዶፔካ፥ ጎዳይ ኢስራዔሊያ ኣሳ ጊብፄ ጋዲያፔ ዎቲ ኣሼዴንቶኔ ቃሲ ኣማኒቤናዋንታ ጉዬፔ ዎቲ ዪሴዴንቶ፥ ታኒ ሂንቴና ሃሳዪሳናው ኮያይ። #ኬስ 12፡51፤ ፓይ 14፡29-30 6ቃሲ ባሬንቱ ዴዒያሳ ኣጊዴ፥ ባሬንቶ ኢሜቴዳ ካፖቴ ናጊቤና ኪታንቻቱ ፒርዳ ኣኪያ ዎልቃማ ጋላሳይ ጋካናው ፆሳይ ኡንቱንታ ናጊያሳን፥ ማፔ ጋርሳን ሜናው ቃቺ ዎ። #ዶም 6፡2 7ሄዋዳን ሶዶማኔ ጋሞራ ጊያ ካታማቱዋኒኔ ኡንቱንቱ ሄራን ዴዒያ ካታማቱዋን ዴዒያ ኣሳይ ሄ ኪታንቻቱዋዳን ዎሹሜዲኖኔ ዎሹማናው ሎይ ካጄሌዲኖ፤ ሄዋንቱ ሜና ታማን ኤፂዴ፥ ሃራቶ ሌሚሱዋ ጊዴዲኖ። #ዶም 19፡1
8ሄዋዳን ቃሲ ሄ ኣኩሜቲያ ኣሳቱ ባሬንቱ ኣሳቴ ቱኒሲኖ፤ ፆሳ ጎዳቴ ካኖ፤ ቦንቾ ሜታቱዋካ ቦሪኖ። 9ሺን ኪታንቻቱዋ ካፑ ሚካዔሊ ሙሴ ኣኃባ #9 ሚካዔሊ ሙሴ ኣኃባ፡ ሃዌ ቤሲያዌ፥ ቤኒ ኮይሮቲዴ ኣዪሁዳቱዋ ማፃፋን ሙሴባሲ ፃፌቴዳዋ። ፃላሂያና ፓሉሜቴዳ ዎዴ፥ «ጎዳይ ኔና ሴሮ» ጌዳዋፔ ኣቲን፥ ቦሪያ ቃላን ኣ ቦላ ፒርዳናው ኮዪቤና። #ዳን 10፡13፣ 21፤ 12፡1፤ ሳፅ 12፡7፤ ዛር 34፡6፤ ዛክ 3፡2 10ሺን ሄ ኣሳቱ ባሬው ኣኬኬናባ ኡባ ቦሪኖ፤ ቃሲ ኡንቱንቱ ዩሺ ቆፔና ዶዓቱዋዳን፥ ሜታ ኤራቴን ኤሪያ ዬዋቱ ኡንቱንታ ዪሲያዋንታ። 11ኡንቱንቶ ኣዬሮ! ኣዪሲ ጎፔ፥ ኡንቱንቱ ቃዬሊ ሃሜቴዳ ኦጊያ #11 ቃዬሊ ሃሜቴዳ ኦጊያ፡ ቃዬሊ ባሬ ኢሻ ኣቤላ ዎዳ። ዶም 4፡3-8 ፄሊቴ። ሃሜቴዲኖ። ሻሉዋ ዲራው ጊዴ፥ ባላሚ ኦዳዋ #11 ባላሚ ኦዳዋ፡ ጌሻ ቃላ ፓይዱዋ ማራዳን፥ ቦላ ጉጃ ዴማና ጊዴ ኢስራዔሊያ ኣሳ ሼቂኬ ጊዴ ኢፄዳ ጋሱዋን ኡንቱንቱ ፆሳው ኣዛዜቴናዳን ዴዓና ኦጊያ ታማሪሴዳ። ፓይ 22፡18፤ 24፡13፤ 25፡1-3፤ 31፡16 ፄሊቴ። ማላ ባዪዙዋ ኦዲኖ። ቃሲ ቆሬ #11 ቆሬ፡ ዳታኔና ኢቲፔ ጊዲዴ ሙሴዉኔ ኣሮኔው ማካሌዳዋዳን፥ ማካላ ኣሳ ታማሪሴዲኖ። ፓይ 16፡1-35፤ 26፡9፥ 10 ፄሊቴ። ጊያ ቢታኒ ማካሊዴ ዬዳዋዳን፥ ኡንቱንቱካ ማካሊዴ ዬዲኖ። #ዶም 4፡3-8፤ ፓይ 22፡1-35፤ 16፡1-35
12ሄዋንቱ ሲቁዋን ሾቢያ ሂንቴ ሚያሳን ሂንቴናና ያሺ ባዪናን ሚያ ዎዴ፥ ቆሴቴዳ ቡዋ ማላ። ኡንቱንቱ ባሬንቱ ፃላላ ናጊኖ። ኡንቱንቱ ጫርኩ ኣፊያ ኢራይ ባዪና ሻሪያ ማላ፤ ቃሲ ኡንቱንቱ ቦኒያን ኣይፊያ ኣዪፌና፥ ፃጱዋና ሾዴቲዴ፥ ሙሌካ ሜሌዳ ሚ ማላ። 13ኡንቱንቱ ባሬንቱ ፖኩዋ ጌንና ሆሞቲያ፥ ኢታ ኣባ ቤታ ማላ። ኡንቱንቱ፥ ፆሳይ፥ ሜናው ሳካና ማኒ ሳዓ ጊጊሲ ዎዳ ዩዪያ ፆሊንታቱዋ ማላ።
14-15ሄኖኪ ኣዳማፔ ዶሚና፥ ላፑን ዬሌታ ጊዲያዌ፥ ዳሮ ዎዲያፔ ካሴ ኡንቱንቱዋ ቲምቢቲያ ኦዲዴ፥ ሃዋዳን ያጌዳ፤
«ኣኬኪቴ፤ ፆሳ ኤሬና ናጋራንቻ
ኣሳቱ ኦዳ ኢታ ኦሱዋ ኡባዉኔ
ቃሲ ፆሳ ኤሬና ሄ ኢታ ኣሳቱ
ፆሳ ቦላ ሃሳዬዳ ኢታ ሃሳያ ኡባው፥
ጎዳይ ኡንቱንቱ ኡባ ቦላ ፒርዳናው፥
ባሬ ጮራ ሻዓ ጌሻቱዋና ኢቲፔ ያና»
ያጌዳ። #ዶም 5፡18፣ 21-24 16ሄ ኣሳቱ ኡባ ዎዴ ዙዙሚኖኔ ሃራቱዋ ኣማሳሊኖ፤ ቃሲ ባሬንቱ ኢታ ኣሙዋ ካሊኖ፤ ባሬንቱ ሁጴው ጎዓ ዴማናው ሃራቱዋ ሳቢኖኔ ባሬንቱ ኮሻ ዎጋፔ ኣዴ፥ ቁ ኦ ሃሳዪኖ።
ሚኖ ኣኬኪሱዋኔ ዞሪያ
17ሺን ታ ሲቃቶ፥ ኑ ጎዳ ዬሱሲ ኪሪስቶሲ ኪቴዳዋንቱ ሂንቴንቶ ቤኒ ሃሳዬዳ ቃላ ኣኬኪቴ። 18ኡንቱንቱ ሂንቴንቶ፥ «ዉርሴ ዎዲያን፥ ባሬንቶ ፆሳይ ባዪናዋንቱ፥ ባሬንቱ ኣሙዋ ካሊያዋንቱ፥ ቃሲ ሂንቴ ቦላ ቂሊጪያዋንቱ ያና» ያጌዲኖ። 19ሄዋንቱ ኣሳ ጊዶን ሻኮቴ ሜያዋንታኔ፥ ባሬንቱ ኢታ ኣሞ ሞዴቴዳዋንታ፤ ቃሲ ጌሻ ኣያናይ ባይናዋንታ።
20ሺን ታ ሲቃቶ፥ ኡባፔ ኣያ ጌሻ ኣማኑዋን ሂንቴ ሁጲያ ኬፂቴ፤ ቃሲ ጌሻ ኣያና ዎልቃን ፆሳ ዎሲቴ። 21ቃሲ ኑ ጎዳይ ዬሱሲ ኪሪስቶሲ ባሬ ማሮቴን ሂንቴንቶ ኢማና ሜና ዴዑዋ ናጊዴ፥ ሂንቴ ሁጲያ ፆሳ ሲቁዋን ዎቴ።
22ኢቲ ኢቲ ሲ ዴዒያ ኣሳቶ ቃሬቲቴ። 23ኢቱዋ ኢቱዋ ታማፔ ዳፊ ኬሲዴ ኣሺቴ። ቃሲ ሃራይ ኣቶ ኡንቱንቱ ኢታ ኣሙዋን ቱኔዳ ማዩዋ ኢፂዴካ፥ ኢቶ ኢቶ ያሻቴን ቃሬቲቴ።
ጋላታ ዎሳ
24-25ሂንቴ ኩንዴናዳን፥ ሂንቴና ናጋናዉኔ ፖኩ ባይናዋንታ ኡዲዴ፥ ባሬ ቦንቹዋ ሲን ዎልቃማ ናሼቻን ሺሻናው ዳንዳዪያ ኑና ኣሺያ ኢቲ ፆሳው፥ ኑ ጎዳ ዬሱሲ ኪሪስቶሳ ባጋና ቦንቹ፥ ጊታቴይ፥ ዎልቃይኔ ማታይ፥ ኣዳ ዎዴ ኡባፔኔ ሃዒኔ ሜና ጋካናው ጊዶ። ኣሜንዒ።
Currently Selected:
ዪሁዳ ኪታ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa