ዮሃኒሳ 3
3
ዬሱሳኔ ኒቆዲሞሳ
1ፓሪሳዋቱዋፔ ጊዴዳ ካፑዋ ኒቆዲሞሳ ጌቴቲያ ኢቲ ቢታኒ ዴዔ። 2ኒቆዲሞሲ ቃማ ዬሱሳኮ ዪዴ፥ «ታማሪሲያዎ፥ ኔኒ ኑና ታማሪሳና ማላ ፆሳይ ኪቴዳ ጊዲያዋ ኑኒ ኤሬቶ፤ ኣዪሲ ጎፔ፥ ፆሳይ ኣናና ዴዒያ ኣሳፔ ኣቲን፥ ሃ ኔኒ ኦያ ዎልቃማ ማላታቱዋ ኦናው ዳንዳዪያ ኣሳይ ባዋ» ያጌዳ።
3ዬሱሲ ዛሪዴ፥ «ታኒ ኔው ቱሙዋ ኦዳይ፤ ኣሳይ ላዔንዋ ዬሌታና ዮፔ፥ ፆሳ ካዉቴ ቤዓናው ዳንዳዬና» ያጌዳ።
4ኒቆዲሞሲ፥ «ጪማ ኣሳይ ዋኒዴ ላዔንዋ ዬሌታናው ዳንዳዪ? ባሬ ዳይ ኡሉዋ ሲሚ ጌሊዴ፥ ላዔንዋ ዬሌታናው ኣሳይ ዳንዳዪ?» ያጌዳ።
5ዬሱሲ ዛሪዴ፥ «ታኒ ኔው ቱሙዋ ኦዳይ፤ ኣሳይ ሃፔኔ ጌሻ ኣያናፔ ዬሌታና ዮፔ፥ ፆሳ ካዉቴ ጌላናው ዳንዳዬና። 6ኣሳይ ኣሹዋን ኣሳፔ ዬሌቴ፤ ሺን ኣሳይ ኣያናኒ ጌሻ ኣያናፔ ዬሌቴ፤ 7‹ሂንቴንቱ ላዔንዋ ዬሌታናው ቤሴ› ጋዴ ታኒ ኦዴዳ ዲራው፥ ማላሌቶፓ። 8ጫርኩ ባሬ ኮዬዳሳ ጫርኬ። ኔኒ ኣ ኮሹንቻ ሲሳሳ፤ ሺን ኢ ሃቃፔ ዪንቶ ዎይ ሃቃ ቢንቶ ኤራካ። ጌሻ ኣያናፔ ዬሌቴዳ ኡባይ ሄዋ ማላ» ያጌዳ።
9ኒቆዲሞሲ፥ «ሃዌ ዋኒዴ ሃናናው ዳንዳዪ?» ያጊዴ ኦቼዳ።
10ዬሱሲ ዛሪዴ፥ «ኔኒ ኢስራዔላቱዋ ታማሪሲያዋ ጊዳዴ ሃዋ ኤሪኪ? 11ታኒ ኔው ቱሙዋ ኦዳይ፤ ኑኒ ኤሪያዋ ሃሳዬቶኔ ቤዔዳዋ ማርካቴቶ፤ ሺን ኑኒ ማርካቲያዋ ሂንቴንቱ ኣኪኪታ። 12ታኒ ሂንቴንቱሲ ሳዓባ ኦዲና፥ ኣማኔናዋንታ ጊዶፔ፥ ሳሉዋባ ኦዲና ዋኒ ኣማናኒቴ? 13ሳሉዋፔ ዎዳ ታፔ ኣቲን፥ ሳሉዋ ኬሴዳዌ ኦኒኔ ባዋ፤ ሳሉዋን ዴዒያ ኣሳ ናዓይ ታና።
14-15«ሙሴ ዎራን ፃንቂማሉዋ ሾሻ ሱሌዳዋዳን፥ ታና ኣማኔዳ ኡባይ ሜና ዴዑዋ ኣካና ማላ፥ ታኒ ኣሳ ናዓይ ማስቃሊያ ቦላ ፑዴ ዴንዳና ቤሴ። #ፓይ 21፡9
16«ፆሳ ናዓ ኣማኒያ ኡባይ ሜና ዴዑዋ ኣካናፔ ኣቲን፥ ዬና ማላ፥ ፆሳይ ሃ ኣላሚያ ኣሳ ሎይ ሲቄዳ ዲራው፥ ባሬ ሜፂ ኢቲ ናዓ ኢሜዳ። 17ኣዪሲ ጎፔ፥ ፆሳይ ባሬ ናዓ ሃ ኣላሚያ ኣሳ ፒርዳናው ኪቲቤና፤ ሺን ኡንቱንታ ኣ ባጋና ኣሻናው ኪቴዳ።
18«ኣ ናዓ ኣማኒያ ኦኒኔ ፒርዴቴና፤ ሺን ናዓን ኣማኔና ኦኒኔ፥ ፆሳ ናዓ ኢቱዋ ኣማኒቤና ዲራው፥ ሃዒካ ፒርዴቲ ኡቴዳ። 19ኣሳ ቦላ ዪያ ፒርዳይ ሃዋ፡ ፖዑ ሃ ኣላሚያ ዬዳ፤ ሺን ኣሳ ኪታይ ኢታ ጊዲያ ዲራው፥ ፖዑዋፔ ኣዴ፥ ማ ሲቄዳ። 20ኢታባ ኦያ ኦኒኔ ፖዑዋ ኢፄ፤ ኣዪሲ ጎፔ፥ ባሬ ኪታይ ቆንጬና ማላ፥ ፖዑዋኮ ሺቄና። 21ሺን ቱሙዋ ኦያ ኦኒኔ ፆሳይ ኣዛዜዳዋዳን፥ ኢ ኦዳዋ ፖዑ ቆንጪሳና ማላ፥ ፖዑዋኮ ሺቄ» ያጌዳ።
ዬሱሳኔ ፃማቂያ ዮሃኒሳ
22ሄዋፔ ጉዪያን፥ ዬሱሲኔ ኣ ካሊያዋንቱ ዪሁዳ ጋዲያ ቤዲኖ፤ ዬሱሲ ሄ ጋዲያን ኡንቱንቱና ኣማሬዳ ዎዲያ ኡቲዴ፥ ኣሳ ፃማቂዴ ዴዔ።
23ቃሲ ዮሃኒሲ ሳሌሜ ማታን ዴዒያ ሄኖና ጊያ ሳን ዎጋ ሃይ ዴዒያ ዲራው፥ ኣሳይ ኣኮ ዪና ፃማቄ። 24ሄዌ ሃኔዳዌ ዮሃኒሲ ቃሼታናፔ ካሴና።
25ሄዋፔ ጉዪያን፥ ዮሃኒሳ ካሊያዋንቱና ኣማሬዳ ኣዪሁዳቱዋ ሜቻ ዎጋባ #3፡25 ኣዪሁዳቱዋ ሜቻ ዎጋባ፡ ሃዋ ጉሳይ ኣዪዳቱ ባሬንቱ ጎይናና ጋናው ኦያ ዱማ ዱማ ባሬንታ ሜቻባይኔ ባሬንቱ ሳኒያ ሜጪያ ዎጋቱ ዴዒያዋ ቤሴ። ፓሉሜቴዲኖ። 26ኡንቱንቱ ዮሃኒሳኮ ቢዴ፥ «ታማሪሲያዎ፥ ዮርዳኖሳ ሻፋፔ ሄፊንን ኔናና ዴዒያዌ፥ ኔኒ ኣባ ማርካቶዌ፥ ቤዓ ሃዒ ፃማቄ፤ ኣሳይ ኡባይካ ኣኮ ቤ» ያጌዲኖ።
27ዮሃኒሲ ዛሪዴ፥ «ፆሳይ ኢማና ዮፔ፥ ኣሳይ ኣይኔ ኣካናው ዳንዳዬና። 28‹ታኒ ኪሪስቶሳ ጊዲኬ፤ ሺን ታኒ ኣፔ ሲንው ኪቴታዲ› ጌዳዋሲ ሂንቴ ሂንቴንቱ ሁጴው ማርካ። 29ሚሺራ ማጫዉና ዴዒያ ኡራይ ኢካ ሚሺራ፤ ሄ ሚሺራ ሚያታይ ኤቂዴ፥ ኢ ጊያዋ ሲሲያዌ ኣ ሃሳያን ዳሮ ናሼቴ። ሄዋ ዲራው፥ ሃዌ ታ ናሼቻይ ፖሌቴዳ። 30ኢ ዳሪና ታ ጉፃና ቤሴ» ያጌዳ።
31ቦላፔ ዪያዌ ኡባፔ ቦላ። ሳዓፔ ቤቴዳዌ ሳዓሳ። ኢካ ሳዓባ ሃሳዬ። ሳሉዋፔ ዪያዌ ኡባፔ ቦላ። 32ኢ ባሬ ቤዔዳባኔ ሲሴዳባ ማርካቴ፤ ሺን ኣ ማርካቴ ኣኪያዌ ባዋ። 33ኣ ማርካቴ ኣኪያ ኦኒኔ ፆሳይ ቱማንቻ ጊዲያዋ ሄዋን ማርካቴ። 34ፆሳይ ኪቴዳዌ ፆሳ ቃላ ኦዴ፤ ኣዪሲ ጎፔ፥ ፆሳይ ባሬ ጌሻ ኣያና ፓላሂሲዴ ኢሜ። 35ፆሳይ ባሬ ናዓ ሲቂዴ ኡባባ ኣ ኩሺያን ዎዳ። 36ናዓ ኣማኒያ ኡራው ሜና ዴዑ ዴዔ፤ ሺን ናዓ ኣማኔናዋ ቦላ ፆሳ ሃንቁ ዴዓናዋፔ ኣቲን፥ ኢ ዴዑዋ ቤዔና።
Currently Selected:
ዮሃኒሳ 3: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa