YouVersion Logo
Search Icon

1 ቴሴሎንቃ 1

1
1ኑኒ ጳዉሎሲ፥ ሲላሴኔ ፂሞቶሲ ቴሴሎንቄን ዴዒያ ኣማኒያ ኣሳቶ ሃ ዳቢዳቢያ ፃፌቶ፤ ሄዋንቱ ፆሳ ኑ ኣቡዋንቶኔ ጎዳ ዬሱሲ ኪሪስቶሳዋንቶ፥ ኣ ኬካቴይኔ ሳሮቴይ ጊዶ። #ኪት 17፡1
ቴሴሎንቂያ ኣሳ ዴዑዋኔ ኣማኑዋ
2ኑኒ ዎሳን ፆሳ ጋላቲዴ፥ ኡባ ዎዴ ሂንቴና ኡባቱዋ ሃሳዬቶ። 3ኑኒ ኑ ፆሳ፥ ኑ ኣዉዋ ሲንን ኣማኑዋን ሂንቴንቱ ኦዳ ኦሱዋኔ፥ ሲቁዋን ሂንቴንቱ ዳቡሬዳ ዳቡራ፥ ቃሲ ኑ ጎዳ ዬሱሲ ኪሪስቶሳን ሂንቴው ዴዒያ ሂዶታን ጌንጪያ ጌንጩዋ ኡባ ዎዴ ሃሳዬቶ።
4ኑናዳን ፆሳ ካሊያዋንቶ፥ ፆሳይ ሂንቴና ሲቂያዋኔ ሂንቴና ባሬው ናና ኦናው ዶሬዳዋ ኑኒ ኤሬቶ። 5ኣዪሲ ጎፔ፥ ኑኒ ዎንጋላ፥ ዎልቃን፥ ጌሻ ኣያናኒኔ ሄ ዎንጌሊ ቱማ ጊዴዳዋ ዉርሲ ኣማኒያዋን ሂንቴንቶ ኣሄዳዋፔ ኣቲን፥ ኣሳ ቃላ ፃላላን ኣሂቤይኮ። ኑኒ ሂንቴናና ዴዒያ ዎዴ፥ ሂንቴንቱ ዲራው ዋኒ ዴዔዴንቶ፥ ሂንቴንቱ ኤሪታ። 6ቃሲ ሂንቴንቱ ዳሮ ዋዬቶፔካ፥ ጌሻ ኣያናይ ኢሜዳ ናሼቻን ኪታ ኣኬዲታ፤ ሄዋን ኑ ሌሚሱዋኔ ጎዳዋ ካሌዲታ። #ኪት 17፡5-9 7ሄዋ ዲራው፥ ማቂዶኒያኒኔ ኣካዪያ ጊያ ጋዲያን ዴዒያ ኣማኒያ ኡባቶ ሌሚሱዋ ጊዴዲታ። 8ኣዪሲ ጎፔ፥ ጎዳ ቃላይ ሂንቴፔ ኬሲዴ፥ ማቂዶኒያኒኔ ኣካዪያ ፃላላን ሲሴቲቤና፤ ሺን ፆሳ ሂንቴንቱ ኣማኒያዌ ኡባሳን ሲሴቴዳ። ሲሚ ኑኒ ሃሳያናው ኮሺሺን ኣቶዌ ኣይኔ ባዋ። 9ኣዪሲ ጎፔ፥ ኑኒ ሂንቴኮ ቤዳ ዎዴ፥ ሂንቴንቱ ኑና ዎቲ ሞኬዴንቶኔ ቃሲ ሂንቴንቱ ሂንቴንቱ ኤቃው ኦያዋ ኣጊዴ፥ ዎርዶቴና ዴዑዋ ፆሳው ኦናው ዋኒ ፆሳኮ ሲሜዲቴንቶ፥ ኡንቱንቱ ባሬንቱ ሁጲያን ሃሳዪኖ። 10ቃሲ ፆሳ ናዓይ ዬሱሲ፥ ፆሳይ ሃዪቁዋፔ ዴንዳዌ፥ ኑና ሲንፔ ያና ፆሳ ሃንቁዋፔ ኣሺያዌ ሳሉዋፔ ያናዋ ሂንቴንቱ ናጊያዋ ኡንቱንቱ ሃሳዪኖ።

Currently Selected:

1 ቴሴሎንቃ 1: dwrENT

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy