YouVersion Logo
Search Icon

1 ዮሃኒሳ ኪታ 1

1
ዴዑዋ ቃላ
1ኑኒ ኮዪሩዋፔ ዶሚዴ ዴዒያ፥ ኑ ኣዪፊያን ቤዒዴ፥ ኑ ኩሺያን ኣ ቦቺ ቤዔዳ ዴዑዋ ቃላባ ሂንቴንቶ ፃፌቶ። ኑኒ ኣ ቤዔዶ፤ ኑ ኩሺካ ኣ ቦቺ ቤዔዳ። #ዮህ 1፡1 2ሄ ዴዑ ቆንጪና፥ ኑኒ ኣ ቤዒዴ፥ ኣባ ሂንቴንቶ ማርካቴቶ፤ ቃሲ ፆሳ ኣዉዋ ማታን ዴዒያ ኑሲ ቆንጬዳ ሜና ዴዑዋባ ሂንቴንቶ ኦዴቶ። #ዮህ 1፡14 3ቃሲ ኑናና ሂንቴንቶ ኢቲፔቴይ ዴዓና ማላ፥ ኑኒ ቤዔዳዋኔ ሲሴዳዋ ሂንቴንቶ ኦዴቶ፤ ኑሲ ኣዉዋናኔ ኣ ናዓ ዬሱሲ ኪሪስቶሳና ኢቲፔቴይ ዴዔ። 4ኑኒ ኑ ናሼቻይ ፖሌታና ማላ፥ ሃዋ ሂንቴንቶ ፃፌቶ።
ፆሳይ ፖዑዋ
5ኑኒ ፆሳ ናዓፔ ሲሲዴ፥ ሂንቴንቶ ኦዲያ ኪታይ፥ «ፆሳይ ፖዑዋ፤ ኣኒ ማይ ሙሌካ ባዋ» ያጊያዋ። 6ኑኒ ኑሲ ኣናና ኢቲፔቴይ ዴዔ ጊዴ ማኒ ዴዖፔ፥ ኑ ሃሳያኒኔ ኑ ኦሱዋን ዎርዶቴቶ። 7ሺን ፖዑዋን ኢ ዴዒያዋዳን፥ ኑኒካ ፖዑዋን ዴዖፔ፥ ኑሲ ኢቶ ኢቱዋና ኢቲፔቴይ ዴዔ፤ ቃሲ ኣ ናዓ፥ ዬሱሲ ኪሪስቶሳ ሱይ ናጋራ ኡባፔ ኑና ጌሼ።
8ኑኒ ናጋራ ኦቤይኮ ጎፔ፥ ኑሬካ ኑና ጪሜቶ፤ ኑናን ቱማቴይካ ባዋ። 9ሺን ኑኒ ፆሳው ኑ ናጋራ ፓፆፔ፥ ኢ ኑ ናጋራ ኣቶ ጋናዉኔ ኑ ባዪዞ ኦሱዋ ኡባፔ ኑና ጌሻናው፥ ኣማኔቲያዋኔ ቱሙዋ ኦያዋ። 10ኑኒ ናጋራ ኦቤይኮ ጎፔ፥ ፆሳ ዎርዱዋ ጌቶ፤ ኣ ቃላይካ ኑ ዎዛናን ዴዔና።

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy