Zooɛ 1
1
1Yâwɛɛ ŋɔworɛ̂-wooi nyii pà ŋɔlóno-kɛ-nuui Zooɛ pɔ́ nyii kɛ̀ a Pɛtuɛ ǹóŋ.
Ǹûai dí malôŋ sèe ƃò dísi-sãai su-kara mɛni ma
2Káai a ǹúu pɔ̂lɔ-ŋai, ka nyíŋi mɛ́ni, káai kélee ǹɔii sui, ka káwoli tɔ́ɔ! M̀ɛnii ŋí da a tá wɔ́lɔ kɛ́ kákɛ̀ ɣéniɛi su, kpaa máŋ kánâŋ-ni dí kɛ̀ ɣéniɛi su?
3Ka m̀ɛnii ŋí ƃó kálônii dîa, dia máŋ dí m̀ó díwɔ̂ nia-pɛlɛɛi dîa, díwɔ̂ nîa-pɛlɛɛi dia máŋ dí m̀ó díwɔ̂ lonii dîa.
4Gotó kpulu è pù kási-sãai dîa dí mìi. Zí-sãai nyii lɛ̀ɛ naai, gotó kpului veerɛi è mìi. Gwaa-kara gotó-ŋai dí pà dí gbéli míi.
5Lɔɔ-kpele-ƃela, ka kámu siɣe ká wɔ́lɔ. Ka gbêɣei-too ŋwã̂ai nɛ̃ɛ-ŋai kélee su a kara.
6Gotó-ŋa da pá kú lɔii su, díwala-walai, dítamaa núu fa pɔ̂ri dílônoi. Dínyiŋ ŋá liɛi yɛ̂ɛ yala-sûlu, díyee ŋalêŋ kɛ́ ƃò dîa yɛ̂ɛ yala-sûlu.
7Da kúkpɔmɔ kpalaŋ-ŋai ŋá kɛ́ a vólo, da kúfîi wuru-ŋai míi. Da ŋ̀úru-ŋai kélee kɔlɔ míi dîa, da lɛɛ a dí káo.
8Ká wɔ́lɔ yɛ̂ɛ nɛnî kpela ƃé maa ɣiriɛ̂i a seɣe sâa gɛ́ wɔ̀lɔ ŋɔsurɔ̂ŋ saa mɛni ma.
9Zâla láa-soŋ-ƃelai da wɔ̂lɔi, kpɛ́ni fêi, m̀ii-sɛŋ da gbele-sɛŋ sala-sãai da kpɛɛ Yâwɛɛ ŋɔpɛ́rɛi mu.
10Ǹɔii a lɛɛ kpɛ́ni gɛ́ wɔ̂lɔ kpɛ́ni fêi, duma-lâa-ŋai kélee su a kara, ŋwã̂ai a kpɛɛ, ŋ̀úlɔi a kpɛɛ.
11Ká malôŋ see ƃó, óo kpâlaŋ-ŋa tii kɛ́-ƃela, káai kpâlaŋ káa káyêei, ká wɔ́lɔ kási-sãai mɛni ma kpɛ́ni fêi, ká sí-sãai kélee su a kara.
Lii-pene maa toli-ƃoɔɔ
12Gbɔmɔ-ŋai da fɔ̃ya, fîi wuru-ŋai da kpála, ŋ̀úru-ŋai kélee da fɔ̃ya, zara, wuru-ŋai, dóu wuru-ŋai da bɔ́ɔ wuru-ŋai lii-nɛ̃ɛ fé ŋɔ́nɔ núu kpune ǹônii yêei.
13Sâla-laa soŋ-ƃela, káai ká sâla kùla ŋ̀âla teƃelei mai,
ka ƃɔrɔ sâa too kâa ká wɔ́lɔ.
Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi,
m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.
14Ká kpɔŋ tóo Kánuu-namui Ɣâla ŋɔpɛ́rɛi mu,
ká ǹúu pɔlɔ-ŋai kélee ŋáa tɛ́ dí kîe ma
da ǹɔii su-ƃelai kélee ká suŋ síɣe
ká wɔ́lɔ Yâwɛɛ ma.
15Ŋ̀elei malôŋɔɔi kpɛ́ni fêi,
Yâwɛɛ ŋɔɣelei a lɛ̀ɣɛ,
Ŋ̀wála-wâla kélee Ɣalai a pâi pâi a su-kâra.
16Mii-sɛŋ a kpɛɛ kúyêei.
Lii-nɛ̃ɛ da lii-laa fé ŋɔ́nɔ kúyêei Kúnuu-namui ŋɔpɛ́rɛi mu.
17Zí-sɛŋ kao-ŋai da saa ǹɔii mu,
mii-sɛŋ pûi-kɛ pɛrɛ-ŋai da lɛɛ a vólo,
gbɔmɔ ƃa pûi-kɛ pɛrɛ-ŋai da wólo kpɛ́ni fêi,
sí-sɛŋ fé ŋɔ́nɔ kpɛtɛ̂i ǹɔii ma.
18Zua-ŋai da nyîɛi!
Daa-tûlɛ-ŋai kíli-ŋa púɔɔ,
kpɛ́ni fêi, dí liî fé ŋɔ́nɔ ma,
m̀ála-ŋai máŋ da mɔ̃lɛ̂i.
19Óo Yâwɛɛ, ŋa wɔ̂lɔi yâ.
Ŋɔŋ a galai kélee kéreŋ vɛ̃ɛ-kpâlaŋ su,
ŋɔŋ léŋ a ŋ̀úru-ŋai kélee kéreŋ ǹɔii ma.
20Zûa-ŋai máŋ da wɔ̂lɔi yâ,
kpɛ́ni fêi, ǹyá pɛlɛɛ-ŋai kélee da kpála,
ŋɔŋ a galai kélee kéreŋ vɛ̃ɛ-kpâlaŋ su.
Currently Selected:
Zooɛ 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia