Kɔlɔnikɔ Maa-ŋuŋ 27
27
Gɔ-kuluƃa kpului da ǹɔii-lônii díkpɔŋ gîe mai
1Eezuɛ-ŋai kɛ̀ a gɔ-kûluƃa-ŋai láa túɛ-ƃelai láa ká ŋí. Ǹûai ŋí da-ŋa díkɛ̀ núu (1,000) wála tɔnɔ mɛi, da-ŋa díkɛ ƃò a núu (100) ŋ̀uŋ tɔ̂nɔ mɛi ƃela. Díkɛ̀ tíi kɛ̂i kɔ-kûluƃa kpulu tɛi-tɛi mɛi gâloŋ yée mu. Núu wála buu feerɛ káo náaŋ (24,000) ƃé kɛ̀ ǹúu kpului dɔnɔ su. Da kâa tíi kɛ̀ a ɣáloŋ tɛi-tɛi díkɛ díkîe-ni maa fâleŋ a ŋ̀áloŋ kélee kpɛɛ-ŋa.
2Dílaa túɛ-ƃelai ká kɛ̀ ŋí ŋ̀áloŋ tɛi-tɛi mɛni ma:
Ŋ̀áloŋ m̀aa-ŋuŋ: Zaƃidiɛ ǹóŋ-surɔŋ Zasobeaŋ ƃé kɛ̀ gɔ-kuluƃa kpului mɛi. È kɛ̀ a Pɛrezi ŋɔkáayɔɔ gɛ́ ƃò Zuda sii nuui da.
Ŋ̀áloŋ veerɛi: Aoi ŋɔsuui su-nuui Doda ƃé kɛ̀ gɔ-kuluƃa-ŋai láa túɛ. (Gɔlɛ ma-nuui láa ƃé kɛ̀ a Mikilo.)
3È kɛ̀ a Pɛrɛzi ŋɔsuui su-nuui dɔnɔ, gɛ́ ƃò
ŋɔ́nɔ a gɔ-kuluƃa-ŋai láa túɛ-ƃelai mɛi-nuu.
4Dodai nyíi kɛ̀ a Aoi ŋɔsuui su-nuui dɔnɔi
ƃé kɛ̀ gɔ-kuluƃa kpului veerɛi mɛi ŋáloŋ
veerɛi mɛni ma. Núu wála buu-feerɛ káo-náaŋ (24,000) ƃé kɛ̀ ŋɔnúu kpului su. Mikilo ƃé kɛ̀ a ǹyée mu-nuu.
5Benaiya nyíi kɛ̀ a zâla-laa soŋ-nuui Zeoiada
ǹóŋ-surɔŋ ƃé kɛ̀ gɔ-kuluƃa kpului zaaƃai mɛi ŋáloŋ zaaƃai mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
6Benaiyai ŋí ƃé kɛ̀ a ŋwála-wala nuu-kɛtɛi
gɔ-kuluƃa buu saaƃai sáma, gɛ́ ƃò a dílaa-tuɛ-nuu.
Ǹóŋ-surɔŋ Amizaba ƃé kɛ̀ a nyée mu ǹuu.
7Zoa ǹêɣe Asaɛ ƃé kɛ̀ gɔ-kuluƃa kpului náaŋ mɛi ŋáloŋ ǹaaŋ mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
Ǹóŋ Zɛbadia ƃé wɔ́lɔ lɛ̀ɛ bɔ́ɔ-ŋa ŋɔkɔ-kuluƃa kpului mɛi.
8Isa ŋɔsuui su-nuui Saŋmu ƃé kɛ̀ gɔ-kuluƃa
kpului ǹɔ́ɔlui mɛi, ɣáloŋ lɔ́ɔlu mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su
9Ira nyíi kɛ̀ a Tekoa ǹúui Ikesi ǹóŋ surɔŋ ƃé
kɛ̀ gɔ-kuluƃa kpului ǹɔɔlu mɛi-dai mɛi, ŋáloŋ lɔ́ɔlu mɛi-dai mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
10Ifiraŋ-nuui Ɛlɛzi nyíi kùla Pilɔŋ ƃé kɛ̀ gɔ-kuluƃa kpului ǹɔ́ɔlu-mɛi-feerɛi mɛi. Núu wála buu-feerɛ káo-náaŋ (24,000) ƃé kɛ ŋɔnúu kpului su.
11Saƃɛka ƃé kɛ̀ gɔ-kuluƃa kpului ǹɔ́ɔlu mɛi-saaƃai mɛi. Núu wála buu-feerɛ káo-náaŋ (24,000) ƃé kɛ ŋɔnúu kpului su.
Saƃɛkai ŋí è kùla Usa. È wɔ́lɔ kɛ̀ a Zera ŋɔsuui su-nuui dɔnɔ nyíi kùla Zuda ŋɔsîi sui.
12Anatɔ lɔii-kpiniŋ su-nuui Aƃiezɛ nyíi kùla
Bɛŋsima ŋɔsii sui ƃé kɛ̀ gɔluluƃa kpului ǹɔ́ɔlu-mɛi-naaŋ mɛi.
Ɣáloŋ lɔ́ɔlu mɛi-naaŋ mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
13Nitofa-nuui Maarai nyíi kɛ̀ a Zera ŋɔsuui su-nuui ƃé kɛ̀ gɔ-kuluƃa kpului buui mɛi ŋ̀aloŋ
buui mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
14Benaiya nyíi kùla Piratɔŋ nyíi kɛ̀ Ifiraŋ-ŋai
dílɔii-kpiniŋ sui ƃé kɛ̀ gɔkɔkuluƃa kpului
buu-káo-tɔnɔi mɛi, ŋáloŋ puu káo-tɔnɔi mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
15Ɔtiniɛ ŋɔsuui su-nuui Ɛɛda nyíi kùla Nitofai ƃé kɛ̀ gɔ-kuluƃa kpului buu-káo-feerɛi mɛi,
ŋáloŋ puu-káo-feerɛi mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.
Eezuɛ-sii-ŋai mɛi-ƃela
16Ǹûai ŋí ƃé kɛ̀ Eezuɛ-sii-ŋai mɛi: Zikuka
ǹóŋ-surɔŋ Ilaizɛ ƃé kɛ Lubiŋ ŋɔsîi mɛi. Maka ǹóŋ-surɔŋ Sifatia ƃé kɛ̀ Simiɔŋ ŋɔsîi mɛi,
17Kemuɛ ǹóŋ Asabia ƃé kɛ̀ Liiva ŋɔsîi mɛi, Dadɔ ƃé kɛ̀ Eelɔŋ ŋɔsîi mɛi, 18Deeƃé ǹêɣe Iliu ƃé kɛ̀ Zuda ŋɔsîi mɛi. Makɛɛ ǹóŋ Ɔŋri ƃé kɛ̀ Isaka ŋɔsîi mɛi,
19Obidaya ǹóŋ Isimaya ƃé kɛ̀ Zɛbulɔŋ ŋɔsîi mɛi.
Aziriɛ ǹóŋ Zerimɔ ƃé kɛ̀ Nɛfɛtɛli ŋɔsîi mɛi. 20Azazia ǹóŋ Osia ƃé kɛ̀ Ifiraŋ ŋɔsîi mɛi. Pidaya ǹóŋ Zoɛɛ ƃé kɛ̀ Manasɛ ŋɔsîi mɛi.
21Zɛkɛraya ǹóŋ Iido ƃé kɛ̀ Manasɛ ŋɔsîi
gbuai mɛi nyíi kɛ̀ Giliai. Aƃinɛ ǹóŋ Zaasiɛ ƃé kɛ̀ Bɛŋsimaŋ ŋɔsîi mɛi. 22Zɛroaŋ ǹóŋ Azarɛ ƃé kɛ̀ Daŋ ŋɔsîi mɛi.
Ǹûai ŋí ƃé kɛ̀ a Eezuɛ-sii-ŋai mɛi-ƃela.
23Tãi Gâloŋ Deeƃé è wɔ́lɔ kɛ̀ ǹûai ŋí lônoi lai, vé ǹûai lóno-ni nyii-ŋai díkoraŋ è kɛ̀ a kóraŋ buu-feerɛ é yéŋ mu-perei. Kpɛ́ni fêi, Yâwɛɛ è wɔ́lɔ mò a gɛ́ɛ a pâi Eezuɛ-ŋai tâmai yɛ̂ɛ bɛmɛlɛŋ-káoi gáa ŋ̀elei sui. 24Zoa nyíi dakâa kɛ̀ ǹee ma Zerusi è wɔ́lɔ kɛ̀ gbakolo-ŋai lônoi, kɛ́lɛ vé kpɛɛ-ni dílonoɔɔ ma kpɛ́ni fêi Ɣâla è wɔ́lɔ ǹíi wàna Eezuɛ-ŋai dîa ǹúu lóno mɛnii ŋí ma. Mɛni ma dífe wɔ́lɔ ǹúu lóno mɛnii ŋí pɔ̃yɛ-ni Gâloŋ Deeƃé ŋɔkâloŋ kɔlɔi su.
Diai kɛ̀ Gâloŋ Deeƃé kɔ̃liŋ mɛi kâai
25-31Diai kɛ̀ gâloŋ kɔ̃liŋ mɛi kâai dílaa ká ŋí:
Adiɛ ǹóŋ Azimavɛ ƃé kɛ̀ gâloŋ ŋɔsãai laai kɛ́-pɛrɛi mɛi.
Uzia ǹóŋ Zonetaŋ ƃé kɛ̀ zãai-laai kɛ́-pɛrɛi mɛi ǹɔii-kpîniŋ-ŋai su, daa-ŋai da gbanâŋ-ŋai lai ma.
Kelu ǹóŋ Iziri ƃé kɛ̀ ǹɔii da gbâlaŋ-ŋai lá tii kɛ́-ƃelai mɛi.
Lama-nuui Simei ƃé kɛ̀ gbɔmɔ-ƃa kpalaŋ-ŋai mɛi.
Sefiɣaŋ-nuui Zaƃidi ƃé kɛ̀ ŋ̀wãai sida mɛnii mɛi
Gedɛ-nuui Baa Ana ƃé kɛ̀ ŋ̀úlɔ-wurui da Sikamo-wuru kpɔlɔi mɛi ǹyéei kwára vóloi liî-perei.
Zoasi ƃé kɛ̀ ɔle wulɔi seêi kɛ́-kwaai ma mɛni mɛi.
Sarɔŋ-nuui Siturai ƃé kɛ̀ daa-tulɛ-ŋai kɛ̀ Sarɔŋ tiŋ-tiŋ su mɛni mɛi kâai.
Adilai ǹóŋ Safa ƃé kɛ̀ daa-tulɛ-ŋai kɛ̀ diŋ-tiŋ sui mɛi kâai.
Isimɛ ŋɔsuui su-nuui Ɔbii ƃé kɛ̀ zoo-faleŋ-ŋai mɛi kâai.
Mɛrono-nuui Zedeia ƃé kɛ̀ ŋ̀wɛlɛ-sôo-ŋai mɛi kâai.
Aguri-nuui Zazi ƃé kɛ̀ m̀ala-ŋai da mòli-ŋai mɛi kâai.
Deeƃé lîa-woo ƃó-ƃela
32Gâloŋ Deeƃé gêra Zonetaŋ è kɛ̀ a lia-woo ƃó-nuu lɛ́lɛɛ, dáreɛɛ, gɛ́ ƃò ŋɔ́nɔ a kɔlɔ pɔ̃yɛ-nuu. Da Akimoni ǹóŋ Zeiɛɛ ƃé kɛ̀ a kɔlɔ lɛ̂i gâloŋ ǹônii-sinaai dîa. 33Gâloŋ ŋɔlîa-woo ƃó-nuui ƃé kɛ̀ a Aitofɛ. Aki-nuui Usai ƃé kɛ̀ a gâloŋ ǹâoi. 34Aitofɛ kɛ́ɛ a saai, Benaiya ǹóŋ Zeoiada da Abiada ƃé lɛ̀ɛ bɔ́ɔ ŋá. Zoa ƃé kɛ̀ gâloŋ ŋɔkɔ-kuluƃa-ŋai mɛi.
Currently Selected:
Kɔlɔnikɔ Maa-ŋuŋ 27: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia