124
Die lied is geskryf vir mense wat Jerusalem toe gekom het om die Here te dien. Dit is aan Dawid opgedra
1God se kinders het gesê: Ander mense wou ons vernietig.
2As die Here nie toe vir ons goed was en ons gehelp het nie, was dit verby met ons.
3Hulle was baie kwaad vir ons. Hulle wou oor ons loop.
4Ons sou verdwyn het soos ’n grashalmpie wat in ’n magtige rivier beland.
5Hulle sou baie trots gewees het as hulle ons met die grond gelyk kon vee.
6Maar julle moet vir die Here baie dankie sê.
Hy het gesorg dat ons nie die onderspit delf nie.
Die mense wat ons wou vernietig, het dit nie reggekry nie.
Hy het ons lewe gespaar.
7Ons het soos ’n voëltjie uit ’n voëlwip uitgeglip.
Die wip wat hulle vir ons wou stel, het gebreek. Nou is ons vry.
8Dit is die Here wat ons help, want Hy is die sterkste van almal.
Hy het nie verniet die hemel en die aarde gemaak nie.
Loading reference in secondary version...
2002. Gebruik met toestemming van Christelike Uitgewersmaatskappy,Posbus 1599, Vereeniging, 1930. Alle regte voorbehou.