1
Die skepping. Die werk van die ses dae. Die rus van die sewende dag.
1IN die #Ps. 136:5Joh. 1:1-3Kol. 1:16Hebr. 1:8-10|NoBook| 11:3begin het God die hemel en die aarde geskape.
2En die aarde was #Jer. 4:23woes en leeg, en duisternis was op die wêreldvloed, en die Gees van God het gesweef op die waters.
3En God het gesê: #II Kor. 4:6Laat daar lig wees! En daar was lig.
4Toe sien God dat die lig goed was. En God het skeiding gemaak tussen die lig en die duisternis;
5en God het die lig dag genoem, en die duisternis het Hy nag genoem. En dit was aand en dit was môre, die eerste dag.
6En God het gesê: Laat daar ’n uitspansel wees tussen die waters, en laat dit skeiding maak tussen waters en waters.
7God het toe die uitspansel gemaak en die waters wat onder die uitspansel is, geskei van die waters wat bo die uitspansel is. En dit was so.
8En God het die uitspansel hemel genoem. En dit was aand en dit was môre, die tweede dag.
9En God het gesê: #II Petr. 3:5Laat die waters onder die hemel hulle op een plek versamel, sodat die droë grond sigbaar word. En dit was so.
10En God het die droë grond aarde genoem, en die versameling van die waters het Hy see genoem. Toe sien God dat dit goed was.
11En God het gesê: Laat die aarde voortbring grasspruitjies, plante wat saad gee en bome wat, volgens hulle soorte, vrugte dra, waarin hulle saad is, op die aarde. En dit was so.
12Die aarde het voortgebring grasspruitjies, plante wat saad gee volgens hulle soorte en bome wat vrugte dra, waarin hulle saad is, volgens hulle soorte. Toe sien God dat dit goed was.
13En dit was aand en dit was môre, die derde dag.
14En God het gesê: Laat daar ligte wees aan die uitspansel van die hemel, om skeiding te maak tussen die dag en die nag; en laat hulle dien as tekens sowel vir vaste tye, asook vir dae sowel as jare.
15Laat hulle ook dien as ligte aan die uitspansel van die hemel om lig te gee op die aarde. En dit was so.
16God het toe #Ps. 136:7die twee groot ligte gemaak: die groot lig om te heers oor die dag en die klein lig om te heers oor die nag; ook die sterre.
17En God het hulle aan die uitspansel van die hemel gestel om lig te gee op die aarde
18en om te #Jer. 31:35heers oor die dag en oor die nag en om skeiding te maak tussen die lig en die duisternis. Toe sien God dat dit goed was.
19En dit was aand en dit was môre, die vierde dag.
20En God het gesê: Laat die waters wemel met ’n gewemel van lewende wesens, en laat die voëls oor die aarde vlieg langs die uitspansel van die hemel.
21En God het die groot seediere geskape en al die lewende wesens wat beweeg, waar die waters van wemel, volgens hulle soorte; en al die gevleuelde voëls volgens hulle soorte. Toe sien God dat dit goed was.
22 # Gén. 8:17|NoBook| 9:1 En God het hulle geseën en gesê: Wees vrugbaar en vermeerder en vul die waters in die see, en laat die voëls op die aarde vermeerder.
23En dit was aand en dit was môre, die vyfde dag.
24En God het gesê: Laat die aarde lewende wesens voortbring volgens hulle soorte: vee, kruipende diere en wilde diere van die aarde volgens hulle soorte. En dit was so.
25En God het die wilde diere van die aarde gemaak volgens hulle soorte en die vee volgens hulle soorte en al die diere wat op die grond kruip, volgens hulle soorte. Toe sien God dat dit goed was.
26En God het gesê: #Kol. 3:10Gén. 5:1|NoBook| 9:6Laat Ons mense maak na ons beeld, na ons gelykenis, en #Gén. 9:2Ps. 8:7laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip.
27En God het die mens geskape na sy beeld; na die beeld van God het Hy hom geskape; #Mt. 19:4Mk. 10:6man en vrou het Hy hulle geskape.
28En God het hulle geseën, en God het vir hulle gesê: #Gén. 9:1Wees vrugbaar en vermeerder en vul die aarde, onderwerp dit en heers oor die visse van die see en die voëls van die hemel en oor al die diere wat op die aarde kruip.
29Verder het God gesê: Ek gee nou aan julle al die plante wat saad gee, wat op die hele aarde is, en al die bome waar boomvrugte aan is, wat saad dra. Dit sal julle #Gén. 9:3voedsel wees.
30Maar aan al die diere van die aarde en al die voëls van die hemel en al die kruipende diere op die aarde, waarin ’n lewende siel is, gee Ek al die groen plante as voedsel. En dit was so.
31Toe sien #I Tim. 4:4God alles wat Hy gemaak het, en — dit was baie goed. En dit was aand en dit was môre, die sesde dag.
Loading reference in secondary version...