Nah 1
1
Paktzebal yuj yowal c'ul Dios
1A jun k'anej ti' max yal Jehová bay Nahum aj Elcos, yuj yalon el yin conob Nínive.
2A Jehová Dios toni, tol chi paktzej yetok yowal c'ul bay eb chi ion ec' satak. Chi paktzej bay eb yob chi yut ba bay, caw wal chi tit yowal yin eb ajc'ul.
3A Jehová man c'unok tit yowal; palta ay yipalil, yowalil chi yaoc yailal yiban eb ay is mul. A yiban cakxuchum cak'ek', a tu' chi ec'jab Cham; axa asun, pokokal yakan yayji ocok.
4A Cham chi aloni, cax chi tanaj a' mar. Ac'ala' Cham chi ak'on tan c'apax aj masanil a' aej. Chi etaxcantok yili masanil tx'otx' tx'otx' bay Basán, yetokc'al bay witzal Carmelo. Cax chi etax c'apaxtok yili an xumac bay Líbano.
5Caw wal chi bilaj juntzan witz satak Cham, cax chi uljitok tzalanlak. A masanil tx'otx' tx'otx' ti', chi bilajok yet chi tx'oxon ba Cham; chi luklon aj yulyibank'inal yetok masanil anima
6¿Mactxel chi je' tec'ban ba satak yowal c'ul Cham? ¿Mactxel chi je' tenon oc wanaj yowal c'ul? A yowal c'ul tu', chi ay jopnaj axca k'ak'ej; satak wal Cham chi pojtok ch'en ch'en.
7Caw wal watx' c'ul Jehová; colbalba yayji Cham yet ay yailal. A eb chi yaoc c'ul yin, chi col-lay eb yuj.
8A pax eb yob chi yut ba bay Cham xin, chi lajwi eb, axca chi yun yiklaytok masanil tzet yetal yuj elom aej; a k'ekk'inal ok tokcan yiban eb ajc'ul yuj.
9¿Tzet yetal che na' yin Jehová? A wal Cham ok ak'on c'ayil eb ajc'ul yin junelnej. C'am mac ok je' tec'ban ba cayelok satak Cham.
10Caxc'al tol lajan eb axca te q'uix jelquiẍtakxac'al, cax tol uq'uem an eb yuj is vino, palta ok lajwok ay eb axca chi yun tz'a ay takin ch'im.
11A bay Nínive, a tu' ay mac chi naon yobc'ulalil yin Jehová, a ton jun ak'om c'ulej yin yobal.
12Yuj tu' xan chi yal Jehová bay is conob axca ti': Caxc'al mi xiwil bey eb aj Asiria, tol tec'an eb, palta ok c'aylay el eb. Ayin max waoc yailal e yiban, palta manxa ok wutc'al axca tu'.
13Ok wak' c'ayil yikbej eb asirio ayoc e yiban, cax ok in nic'on coj cadena ayoc e yin, ẍi Cham.
14A wal caw Jehová chi alon bay reyal Asiria: C'am enatil ok ach ak'oncan binajok. Ok wak' lajwok ay juntzan a diosal ayic' yul is templo. Txequelxa yayji a mukbanil, yujtol c'am elapnok, ẍi Jehová.
Albil el yuj yayc'aybal Nínive
15Ilek wali, lanan jayoc bay jolomlak witz jun mac chi alon el yabixal junc'ulal. Ex aj Judá chaek e k'in, ikejek bay max e yak' e ti'. C'amxa bak'in ok ex etax yuj eb yobtakwom tu'; mayal lajwi ay eb yin junelnej.
Currently Selected:
Nah 1: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989