Esd 1
1
Is ley cham rey Ciro
(2 Cr 36.22-23)
1A yet babel abil yoc cham Ciro reyal bay Persia, a Jehová max ak'on yun Ciro tu' watx'nen aj jun is ley, max al-lay el yin k'anejal, cax max yaontok is k'anejal jun ley tu' yin unal bay masanil yul is nación. Axca tu' max yuncan el is k'anej Jehová max yalcan el cham Jeremías. Axca ti' yalon jun ley tu': 2A Ciro reyal Persia chi aloni: A Jehová Diosal satcan, max aon oc masanil nacionlak bay sat tx'otx' ti' yul in k'ab. A' max alon ayin tol chin watx'nej aj junok is templo bay Jerusalén yul yet Judá. 3Yuj tu xin, tzanc'al mactxel ex ex conobal Jehová, colwajokab Jehová e Diosal e yetok. A tinani' asek bay Jerusalén yul yet Judá yuj e ca watx'nen aj is templo Jehová e Diosal, a ton Cham ayic' bay Jerusalén tu'. 4Tzanc'al mac ex is conob ex Jehová, ayexto ec' ti', tol chi je' e c'ul e meltzojtok bay Jerusalén, chi je' chex toji. Axa eb cajan bay e cawilal tu', colwajokab eb yaontok ch'en oro, ch'en plata yetokc'al tzetak yetal, c'al no iktzom no', cax yak'okab c'apax eb yofrenda yuj templo Dios bay Jerusalén, ẍi jun ley tu'.
5Yuj tu' xan max aj wan eb yajawil xol yinatil Judá c'al xol yinatil Benjamín, masanil eb sacerdote c'al eb levita, a ton eb bay max k'anjab Jehová yin is nabal, tol chi toj eb bay Jerusalén yet chi toj ca watx'nej eb is templo Cham bay tu'. 6Axa masanil eb anima cajan is cawilal eb, max yak' eb ch'en oro, ch'en plata, c'al tzetak yetal ay bay eb, yetok no iktzom no', c'al tzetak yetal tol ay is tojol, yetok c'apax juntzanxa ofrenda tol max el wal yin c'ul eb yak'oni. 7Ay c'apax juntzan mitx'k'abej yet templo Jehová ibiltek bay Jerusalén yuj Nabucodonosor, aycan octok yuj yul templo is diosal. 8Axa Ciro reyal Persia, max alon bay Mitrídates, tesorero yayji, tol chi yieltek juntzan tzet yetal tu', cax chi bisoni, chi yak'on bay Sesbasar, a ton cham ok oc yin gobernadoral bay Judá. 9A ton is bisil tzetak yetal ti': 30 mimek sec' oro, mil mimek sec' plata, 29 cuchillo. 1030 coc'tak sec' oro, 410 coc'tak sec' plata yaynakil yili, yetok junxa mil tzetak yetal. 115,400 chi cha ba ch'en plata yetok oro yin masanil. A masanil juntzan tu' max yi' meltzoj Sesbasar, yet max paxtek bay Babilonia yetok juntzanxa eb, cax max tojcan bay Jerusalén.
Currently Selected:
Esd 1: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989