1 Tesalónica 1
1
Jun k'olbebl tu'n apostl Pablo
1Akine Pablo, tuc'ix Silvano ex Timotey ate' wuc'ile, in xi ntz'ibane cyeye, akeye ocslal keye ti'j Kman Dios ex ti'j Kajaw Jesucrist, ate'ye tuj tnam Tesalónica. Awt Kman Dios tuc'ix Kajaw Jesucrist che tzaj k'onte xtalbil cyeye ex tu'n tke'xix cyc'u'je.
Aju cyocslabl aj Tesalónica oc te jun yec'bil cye mastl
2Cucx in xi kk'o'ne chjonte te Dios cyi'je cycyakile, in che tzaj kna'ne tuj kna'j Diose. 3Cucx in che tzaj kna'ne twitz Kman Dios, in che tzaj kna'ne tza'n tten in che ak'nane tu'nju at cyocslable ex tu'nju at cyc'ujlalile, ex at cypasense tu'n tic'x cyu'ne, porque k'ukl cyc'u'je ti'j Kajaw Jesucrist. 4Akeye erman, c'ujla'n keye tu'n Dios, ba'n ku'ne tza'n tten ma che jaw sc'o'ne tu'n. 5Porque aju tkanil colbil in xi kpacba'ne, mya nok o'cx tu'n yol ma pon cyuc'ile, ax icx tu'n tipumal Xewbaj Xjan, cyja'tzun ke'xix cyc'u'je ti'j ka axix toc. Porque ba'n cyu'ne tza'n tten kchwinklale tej ktene cyxole, o bete tuj tumelxix tu'ntzun tajben te ba'n cyeye.
6Ex ma tz'el cycano'ne ki'je ex ti'j Kajaw, masque nim e yajlanjtze, tej cyc'monteye tyol Dios, pero nim e tzalaje tu'nju tzaj tk'o'n Xewbaj Xjan tzalajbil cyeye. 7Cyja'tzun tten ma che oque te jun yec'bil cye cycyakil keju ma che ocslan tuj tx'otx' Macedonia ex tuj tx'otx' Acaya. 8Porque cyu'ne ma tz'el lak'e' tkanil tu'n tpacbanjtz tyol Kajaw; mya nok o'cx tuj Macedonia ex tuj Acaya, ax icx tuj tcyakil lugar ma tz'el lak'e' tkanil cyocslable ti'j Dios; cyja'tzun mya il ti'j tu'n t-xi kma'ne mastl yol cyi'je. 9Porque ax ke xjal in xi cytx'olba'n ki'je in cyma'n tza'n tten o c'monjtze cyu'ne ex tza'n tten cyaj cyk'o'ne ke tilbilal e ajtz meltz'aje tuc'il Dios, tu'n cyajbene teju Dios itz' ex axix toc. 10Ex tu'n cyayone ti'j Tc'wa'l Dios ctzajel tuj cya'j, aju jatz ank'in tu'n cyxol cyimni, atzun Jesús, aju clol ke te tk'oj Dios tzul, porque ma'xix jun castiw tzul cyi'j xjal.
Currently Selected:
1 Tesalónica 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993