Ri Nahum 1
1
Ri royowal ri Dios ri cuya' rajil c'axelal
1 # 1.1—3.19 Are tzijol wa' ri xuya' u bixic che ri Ninibe: Is 10; 14.24-27; Sof 2.13-15. Wuj ri cuya' u bixic ri cubij ri Nahum aj Elcos xuc'am rumal c'utwächinic. Are tzijol wa' ri xuya' u bixic che ri Ninibe.
2Ri Ajawaxel are' Dios achixomanel
xukuje' ya'l rajil c'axelal:
cuya' rajil c'axelal
chque ri quec'ulelan che,
cäpe c'u royowal
chque ri qui banom qui c'ulel che.
3Ri Ajawaxel coch'onel c'o c'u ne
ronojel u cuinem,
man cuya' ta c'u can ri ajchak'mac
chi ma ta cuc'äjisaj u wäch.
Ri Ajawaxel cäbin puwi' ri cakulja,
e are c'u ri sutz'
e are u puc'uq'uil ulew che ri rakan.
4Cucoj u xib ri plo, cutzajisaj c'ut.
Cubano chi quetzaj conojel ri nima'.
Ri che' ri e c'o pa Basan
xukuje' ri e c'o pa ri juyub Carmel
quebach'uyaric.
Quebach'uyir c'ut ri cotz'i'j
ri c'o pa ri Libano.
5 # 1.5 “Chuwäch are' quebirbob ri c'ache'laj”: Sal 97.5. Chuwäch are' quebirbob ri c'ache'laj;
ri tac'atak tak juyub queja'r
chuwäch ri u wächbal.
Ronojel ri ulew cabirbobic
aretak carilo;
ronojel ri uwächulew
xukuje' conojel ri e jekel chuwäch.
6¿Jachin ta lo
ri cacuinic cätaq'ui' ta
chuwäch ri royowal?
¿Jachin ta lo ri cach'ijow ri royowal?
Ri u c'anal cätixtob na jacha' k'ak',
quequiban c'u cacab ri nimak tak abaj.
7Ri Ajawaxel utz;
are' jun panibal pa ri k'ij
rech ri rikoj c'ax:
cuto' qui wi'
ri caquijiquiba' qui c'u'x chrij.
8Jacha' c'u jun jik'isanelalaj ja'
ri ronojel cumuku,
cusachisaj c'u qui wäch
ri caquitac'aba' quib
chuwäch che u c'ulelaxic;
k'ekumalil querikow na
tak ri qui banom qui c'ulel che.
9¿Jas ri itzel chomanic
ri cätajin quichomaj ix
chquiban che ri Ajawaxel?
¡Ri are cusachisaj na
i wäch chnimalaj iwonojel!
¡Man c'o ta jun cacuinic
cutac'aba' ta rib camul
che u c'ulelaxic!
10 # 1.10 Ri hebrey cutiko “e jacha' k'abarelab pa ri qui k'abaric.” Ix jacha' q'uix
ri qui quemom tak quib,
jacha' ri chaki'j u xak k'ayes,
kas quixporox na.
11Chawe Ninibe,
xel wi ulok ri cächoman
u banic ri lawaloyil che ri Ajawaxel:
jun itzelalaj ya'l no'j.
12Rumal ri' cubij ri Ajawaxel
che ri u tinimit:
“Pune' ri aj asiriyab sibalaj e co
xukuje' man c'o ta cajilabal,
quek'atitaj na
casachisax c'u na qui wäch.
In nu banom chawe
chi a coch'om ri c'ax,
man quinban ta chi c'u na chawe
chi cacoch' ta chi na niq'uiaj c'ax.
13Quinban na ch'akatak che ri eka'bal
ri c'o chrij a wi' quebent'okopij c'u na
tak ri tikom ch'ich'
ri e jat'ibem awech.”
14Ri Ajawaxel cuya' takanic chawij
ajawinel re Ninibe:
“Man e c'o ta awija'lil
ri quetaken taj ri a bi';
ri e diosib xukuje' tak e wächbal
ri e c'o chupam ri rachoch ri a dios
quinsachisaj na qui wäch,
chila' c'u catinmuk wi na
rumal rech chi etzelam a wäch.”
Cäya' u tzijoxic ri u tzakic ri Ninibe
15 # 1.15 “Ri ya'l takquil ri ruc'am ulok tzijol re jamaril”: Is 52.7. ¡Chiwila'!
¡Petinak chic paquiwi' tak ri juyub
ri ya'l takquil
ri ruc'am ulok tzijol re jamaril!
Chebawoc'owisaj
tak ri e a nimak'ij Juda;
chebatz'akatisaj
tak ri chi'nic ri e a banom.
Mawi ta chi c'u jumul catkaj ta chi na
pa qui k'ab ri e banal tak etzelal;
sachinak qui wäch chnimalaj conojel.
Currently Selected:
Ri Nahum 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.