Ri Habacuc 1
1
Ri Habacuc cäch'ach'at chrij ri man suq'uilal taj
1Are tzijol wa' ri xuk'alajisaj ri Ajawaxel chuwäch ri Habacuc, ri k'axal tzij.
2Ajawaxel,
¿c'ä jampa' quintanaba'
u rakic nu chi'
che u tz'onoxic to'banic
man c'u ne quintatabej ta la?
¿C'ä jampa' quintakej na tok'olenic
u mac rech ri tokinic
man cäpe ta c'u la che ka to'ic?
3¿Jasche cäban la chwe
chi quebenwil q'ui c'axc'olil
xukuje' etzelal?
Sutim wij rumal tokinic
xukuje' sachisam wächaj;
pa conojel c'olbal e c'o wi ch'o'j
xukuje' tijoj chuk'ab.
4Man cäya' ta u k'ij ri pixab,
man nim ta quil wi ri winak,
ri lawalo cuban c'ax che ri utz,
cajech'obisax c'ut ri suq'uilal.
Ri xutzelej u bixic ri Ajawaxel
5“Chebica'yej tak ix
ri nimak tak tinimit
ri e c'o tak chinakaj;
chebica'yej chixnoj c'u che xe'n ib.
In c'o che qui banic
jastak ri e je tak wa'
ri man quebicoj ta ri'
we ta c'o jachin cätzijon chiwe.
6 # 1.6 “Quebentakchi'j ri aj caldeyib chi chewalij che u banic ch'o'j e winak wa' abaj canima', ri xak e suc'umatal che u binibexic ronojel ri uwächulew che qui tokixic tak ulew ri man e quech taj”: 2 R 24.2. Quebentakchi'j ri aj caldeyib
chi chewalij che u banic ch'o'j
e winak wa' abaj canima',
ri xak e suc'umatal
che u binibexic ronojel ri uwächulew
che qui tokixic tak ulew
ri man e quech taj.
7E xibibal xukuje'
man c'o ta jachin ri coc ta cuc',
xukuje' man c'o ta pixab
caquiya' ta u k'ij
xane' xak xuwi' ri quech.
8 # 1.8 Ri grieg je cubij wa': “e u tiw aj chaki'j uwo sak”; ri hebrey je cubij wa': “e u tiw re chak'ab”. Ri e qui quiej c'o na
ri qui xiq'uinem
chquiwäch tak ri leopard,
c'o na ri qui ch'ujilal
chquiwäch tak ri utiw
ri e c'o pa ri chaki'j uwo sak.
Ri e cajquiejab pa tak mulaj quepetic,
naj c'u e c'o wi caquiq'uiak ulok quib
che u banic ch'o'j,
jacha' ri cuban ri cot cuq'uiak rib
che u chapic ri u ti'.
9Ronojel cusachisaj u wäch
jawije' ri coc'ow wi;
pa ri coc'ow wi cuya' ri xibinibej,
are c'u e q'ui na ri winak
ri quebuch'äco chquiwäch ri sanyeb
ri e c'o chuchi' ri plo.
10Quequitze'j qui wäch
tak ri ajawinelab
xukuje' tak ri winak ri nimak qui k'ij.
Quequit tak qui wäch
ri nimak tak tapia,
quequiwalijisaj ak'anibal chquiwäch
quequichap c'ut ruc' tokinic.
11Queboc'owic jacha' jun quiakik' jäb,
man c'o ta dios caquiya' ta u k'ij
xane' xuwi ri qui chuk'ab.”
Jun u ch'ach'atem chic ri Habacuc
12 # 1.12 Ri hebrey je cubij wa': “man cujecäm ta na”. Je ta ne ri e are' ma ta xcaj xquic'ulelaj ri Dios xukuje' ri cämical, pa qui c'u'x chi wa' ma ta cukasaj ri Dios cumal. Ajawaxel,
¿la xa' pu ma ta lal jekel
chbe k'ij sak,
ri tastalicalaj nu Dios
ri man cämel taj?
Ajawaxel xukuje' to'l wech,
lal lal yowinak qui chuk'ab
ri aj caldeyib
rech e are' quebanow ri suq'uilal la.
13Ri lal sibalaj lal ch'ajch'oj
che u c'ulaxic ri lawaloyil,
che u ca'yexic ri etzelal
ri cäkaj ta chwäch la;
¿jasche quekaj
ri banal tak etzelal chwäch la
man c'o ta c'u jas cabij ta la chque,
man cäch'aw ta c'u la
aretak ri banal etzelal
cusachisaj qui wäch
ri e utz na chuwäch ri are'?
14¿Jasche je cäban chque ri winak
e jacha' ta ne cär e re ri plo,
e jacha' ta ne awaj
ri man c'o ta cätakan paquiwi'?
15Ri aj caldeyib cäquiban quech
chque niq'uiaj nimak tak tinimit chic
jacha' ri cuban ri chapal cär
che rechbexic ri cär:
xoc quebucoj che qui chapic
xukuje' tak c'at,
chanim c'ut, aretak c'u cäquilo
chi conojel qui mulin quib,
quenoj che quicotemal.
16Rumal ri' ri chapal cär
quebuya' qui k'ij tak ri u c'at
xukuje' tak ri e u xoc,
quebuchi'j c'u tabal tak tok'ob
xukuje' cuporoj c'oc' k'ol
che u ya'ic qui k'ij,
rumal rech chi c'o cäquitijo utz
xukuje' tz'ebem.
17Jeri',
¿la caquitakej ta na ri aj caldeyib
ka cärixic cuc' tak ri qui c'at?
¿La caquitakej ta na lo cämisanic
ri ma ta chel qui cux chque ri winak?
Currently Selected:
Ri Habacuc 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.