Ucab Xuan 1
1
Ri kastzij xukuje' ri lok'ok'ebal c'uxaj
1 # 1.1 Jujun Tz'ibatalic je caquibij wa': “chque ri cojonelab ri e cha'tal rumal ri Dios xukuje' ri e u tz'akatil”. Ri grieg je cubij wa': “che ri chuchu' ri cha'om xukuje' chque ri e ral.” E c'o q'ui c'axc'olil pa ri k'ijol ri' aretak cätatajic jawije' e c'o wi ri e comon cojonelab. Rumal ri' ri Xuan xutz'ibaj we wuj je ta ne che jun chuchu', kas c'u ne tzij xutz'ibaj we wuj ri' chque jun comon cojonelab. In wa' ri in ri'j tata', quintz'ibaj we wuj ri' che ri chuchu' ri cha'om rumal ri Dios, e rachil ri ral, ri kas quebenlok'ok'ej, man xuwi ta ri in, xane' xukuje' conojel ri quetamam ri kastzij.
2Quixinlok'ok'ej ix rumal ri kastzij ri jekel pa ri kanima', cäc'oji' c'u na kuc' amak'el chbe k'ij sak.
3Are ta ri Dios Tataxel xukuje' ri Ajaw Jesucrist ri u C'ojol ri Tataxel, cuban tok'ob chiwe, quel u c'u'x chiwe, xukuje' cuya' jamaril chixo'l, pa kastzij xukuje' pa lok'ok'ebal c'uxaj.
4Sibalaj xinquicotic aretak xebenrik jujun chque ri awal quebin pa ri kastzij, jas ri takanic ri ka c'amom che ri Tataxel.
5Camic c'ut kachalal chuchu', quixinbochi'j chi konojel chkalok'ok'ela' kib. Ri quintz'ibaj chawe man are ta jun c'ac' takanic, xane' are ri takanic ri c'o ulok kas pa ri u chapletajic.
6Are lok'ok'ebal c'uxaj wa', chi cäkabano jas ri cäquibij ri u takanic ri Dios. Are takanic wa' ri i tom ulok kas aretak xicoj ri utzalaj tak tzij, chi chixbin pa ri lok'ok'ebal c'u'x.
Ri winak ri cäcaj quixquisubu
7E q'ui c'ut ri e benak cho ri uwächulew ri cäcaj quixquisubu, cäquibij chi ri Jesucrist man c'o ta u cuerp xpe cho ri uwächulew. Ri jun ri je cubij wa', are subunel ri cuban u c'ulel che ri Crist.
8Chichajij ba' iwib, rech man cäsach ta u wäch ri i chac, rech quic'am ri tojbal iwech tz'akat.
9E apachin tak winak ri cäquiya' u wi' ri u tijonic ri Crist, ri man quejeki' ta chupam, man c'o ta ri Dios ri' pa ri canima'. Apachin c'u ri cäjeki' pa ri u tijonic ri Crist, are ri' c'o ri Tataxel xukuje' ri C'ojolaxel ruc'.
10We c'o jun copan che i solixic, ri man ruc'am ta we tijonic ri', miwoquisaj pa ja, miya' rutzil u wäch.
11Apachin cuya' rutzil u wäch, cuban re ri e itzelalaj tak u chac.
Q'uisbal tak tzij
12E c'o q'ui jastak ri xinwaj xintz'ibaj ta bic chiwe, man xinwaj taj xinban ruc' wuj xukuje' ruc' tz'ibabal. Quineye'm c'ut chi quinbe na iwuc' rech cäkatzijobej na kib, jeri' cätz'akat ri ka quicotemal.
13Ri e ral ri awachalal chuchu' ri cha'om cäquiya' rutzil a wäch.
Currently Selected:
Ucab Xuan 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.