1 Timoteus 1
1
1Omukanda hembu mau dhi kwaame Paulus, omuyapostoli waKristus Jesus ngumba holowolwa kuKalunga, Omuhupithi wetu nokuKristus Jesus mutwe liun̯ika.
2Me sonekele Timoteus ondele yandje yatjatjili meitavelo.
Et̯ilonkenda nolweembya nouwa waKalunga Tate nowaKristus Jesus, Muhona wetu ngau kale naove.#Ovil. 16:1
Lungamena ovalongi mbamava longo omalongo ngae lili
3Ngahi mbe ku heelele himba li ame i koMakedonia, otjo me ku ilikin̯a okutya kala moEfeso, opo u tjaele mbava longa ovantu omalongo ngae lili. 4Ve heela okutya háve litwaa modhongano nokuhava odhondumevelo dhowoiheombwale. Ovipuka hembi kavi hulu, vi eta vala odhombata, kavi na tja nontanto yaKalunga, ontanto yaKalunga mo i iwa vala okupitila meitavelo. 5Iya ontanto yeilikin̯o hendi, ohole ndjimai dhi komutima mbwaa kohoka, melityoo ewa neitavelo lyatjatjili. 6Ovantu vamo va dha mo movipuka hembi vyatjatjili, have litwaa mokupopya ovipuka mbihavi na otjilinga. 7Va hala okwiila ovalongethi woveta yaKalunga, atjaa wo ovipuka mbimava popi, háve vi yuvite, wo va longa ovipuka hembi nodhonkono.
8Iya tu tji i okutya oveta ombwa, andaa mai undapethwa nawa. 9Twa thele okwiiwa okutya oveta kai twiililwe po ovantu mbava undapa ouwa, iya ya twiilwa po mbahava tee oveta, mbahava itavele, mbahave na ko natja naKalunga, ovalundhi, mbahave thi ovadhilikwa, mbahave litjaele, mbava dhipaa owoihe ne owoina nambava dhipaa ovantu, 10owokulivaka, omakailume, nambava vaka po ovantu, mbava popya ovithithi ne mbava ninga ovipuka mbihavi i kumo nelongo ndyoka ndyaa vyuuka. 11Elongo ndyaa vyuuka li li mondaka ombwa ndjaa yandjwa kwaame ndji i teethe, ondaka ombwa yelaimo lyaKalunga nguu na elao.
Paulus ma pandula et̯ilonkenda lyaKalunga
12Ame me pandula Kristus Jesus, Muhona wetu, ngwaa mpa odhonkono ndji undape otjilinga tjandje. Me mu pandula hiaa ntala okutya ndjimuliun̯ikwa, ye ha ntwaa motjilinga tje. 13Nandaku tiwa nahi lukulu mbe mu penyene, he mu tatetha, he mu lalula, Kalunga wa nt̯ila onkenda, mena lyokutya hímba li amba itavela, ye hímba li andji tji i hime ningi.#Ovil. 8:3; 9:4-5 14Muhona wetu wa mpa et̯ilonkenda enene, ha mpa eitavelo nohole mbitu na vyo moukumo naKristus Jesus. 15Ondaka hendji oyatjatjili ya thele okutambulwa ndjimai tya Kristus Jesus we ya mouye, a hupithe ovalundhi. Ame aame ndji li omulundhi omunene oku ve pon̯a avehe. 16Kalunga wa nt̯ila onkenda, Kristus Jesus opo a yulike elikambulithilo lye enene naame ngundji na ouvi ounene, ndji kale otjiholelwa tjambamava itavele muye, va mone omwenyo waapehe. 17Ohamba yaapehe, nguha t̯i, nguha moneka, Kalunga aika, nga tumbalekwe, ye nga hivilikwe, apehe katee apehe. Amen.
18Timoteus, ndele yandje, ame me ku heele eilikin̯o hendi ngodhondaka dhouprofeti ndhaa popilwe lukulu ouhunga naove, awe dhi landula, mo ulu okukondja ekondjo ewa. 19Kambulitha eitavelo lyoye u kale nelityoo ewa. Ovantu vamo kava pungulula ouwa nouvi, eitavelo lyawo opo lya dha okulundhaka. 20Mokati kawo mu na Himeneus naAleksander, mbamba yandja momawoko aSatana, opo háva penye uke Kalunga.
Currently Selected:
1 Timoteus 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.