ETWALEMO
Evaengeli paJohannes otali holola kutya Jesus Oye ondjovo yaKalunga yaalushe, oyo ya ninga omunhu ndele ta kala mokati ketu (Immanuel). Embo eli ola shangwa, opo ovaleshi valo va itavele kutya Jesus oye Omukulili a udanekwa, Omona waKalunga nomoku mu itavela va mone omwenyo waalushe (20:31).
Konima yetwalemo olo tali faafanifa Ondjovo yaKalunga yaalushe naJesus, oshitukulwa shotete shevaengeli eli otashi popi oikumwifalonga i lili noi lili oyo tai holola kutya Jesus Oye Omuxupifi a udanekwa nOmona waKalunga.
Nena okwa shikula oipopiwa tai fatulula eshi oikumwifalonga tai ti. Oshitukulwa eshi otashi hokolola nghee ovanhu vamwe va itavela Jesus ndele tava ningi ovalongwa vaye, manga vamwe va anya oku mu itavela. Omatukulwa 13--17 otaa popi shihapu kombinga youkumwe waJesus novalongwa vaye oufiku oo a kwatwa, okwe va lombwela ndele te va tu omukumo onguloshi ei a valelwa komushiyakano. Omatukulwa axuuninwa otaa hokolola ekwato, epangulo, evalelo nenyumuko, naashi e lihololela ovalongwa vaye konima yenyumuko laye.
Ehokololo eli tali popi omukainhu a kwatwa moluhondelo (8:1-11) mEembiibeli dimwe ola tulwa moikondekifo, shaashi eembangi dihapu dopetameko ode li efa po, ashike dimwe ode li tambula. Evaengeli eli otali tula omufindo komaano omwenyo waalushe muKristus, omaano oo taa pewa ovo va tambula Jesus ou ondjila, oshili nomwenyo. Johannes ota longifa omayelefano, taa ulike oukwamhepo ngaashi omeva, omungome, ouyelele, omufita needi daye, nomuviinyu noiimati yao.
Elandulafano loshikalimo
Eendjovo dopetameko 1:1-18
Johannes Omushashi novalongwa vaJesus votete 1:19-51
Oilonga yaJesus 2:1--12:50
Omafiku aJesus axuuninwa muJerusalem nopoushiinda 13:1--19:42
Enyumuko nelihololo lOmwene 20:1-31
Eendjovo dopexulilo nelihololo laye muGalilea 21:1-25
Loading reference in secondary version...