YouVersion Logo
Search Icon

ᕉᒪᒥᐅᓄᑦ 1

1
ᐸᐅᓗᓯᐅᑉ ᑎᑎᖅᑲᖏᑦ ᕉᒪᒥᐅᓄᑦ
1ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᖕᒧᑦ ᕾᖁᔭᐅᓯᒪᔪᒥᑦ, ᓂᕈᐊᖅᑕᐅᓯᒪᔪᒥᑦ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᒎᑎᒥᓐᖔᖅᑐᓂᒃ ᐊᔪᕆᖅᑐᐃᖁᓪᓗᒍ.
2ᐅᖃᐅᓰᑦ ᑐᓴᕈᒥᓇᖅᑐᑦ ᑖᒃᑯᐊᖑᕗᑦ ᓯᕗᓂᖓᒍᑦ ᐊᖏᕈᑎᒋᓚᐅᖅᑕᖏᑦ ᓇᓚᐅᑦᑍᔪᑎᒍᑦ, ᑎᑎᕋᖅᓯᒪᕗᑦ ᐊᒡᓚᖕᓂ ᐃᑦᔪᕐᖕᓁᑦᑐᓂ. 3ᑐᓴᕈᒥᓇᖅᑐᑦ ᐅᖃᐅᓯᖃᕐᖕᒪᑕ ᐃᕐᖕᓂᖓᓂᒃ, ᐃᓄᒃᑐᑦ ᑎᒥᖃᕐᖕᓂᕐᖕᒥᒍᑦ ᑍᕕᑎᐅᑉ ᑭᖑᕚᕆᓚᐅᖅᐹ, 4ᐃᑦᔪᕐᖕᓁᑦᑐᒥᒃ ᐃᓅᓯᖃᕐᖕᓂᕐᖕᒥᒍᑦ ᒎᑎᒧᑦ ᐃᕐᖕᓂᐅᓂᖓᓂᒃ ᓇᓗᓁᖅᑕᐅᓚᐅᖅᐳᖅ ᐱᔪᓐᓇᕐᖕᓂᕐᔪᐊᒃᑯᑦ ᒪᑭᓚᐅᕐᖕᓂᕐᖕᒥᒍᑦ ᑐᖁᒥᑦ, ᑖᓐᓇᐅᕗᖅ ᔩᓱᓯ ᙭ᔅᑑᓯ ᐊᑕᓂᕗᑦ. 5ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᐋᐴᓯᑕᓕᓐᖑᖅᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᖅᓯᖁᓪᓗᒋᓪᓗ ᐅᒃᐱᕐᖕᓂᑯᑦ. 6ᐃᓕᑦᓯᑦᑕᐅᖅ ᐃᓚᒋᔭᐅᕗᓯ ᕾᖁᔭᐅᔪᓄᑦ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᖁᓪᓗᓯ.
7ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᖕᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ:
ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᕐᖕᒥᓂᒃ ᖃᓄᐃᖏᑦᓯᐊᖅᑎᑦᓯᓂᖓᓂᒡᓗ.
ᑐᒃᓯᐊᕐᖕᓂᖅ ᖁᔭᓕᓂᕐᖕᒧᑦ
8ᓯᕗᓪᓕᕐᖕᒥᒃ ᒎᑎᒐ ᖁᔭᒋᕙᕋ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᑕᒪᑦᓯ ᐱᑦᔪᑎᒋᓪᓗᓯ, ᐅᒃᐱᕐᖕᓂᓯ ᓇᓂᓕᒫᖅ ᐅᖃᐅᓯᐅᓕᕐᖕᒪᑦ ᓯᓚᕐᔪᐊᕐᖕᒥ. 9ᒎᑎᐅᑉ ᐱᔨᑦᓯᖅᑕᒪ ᐱᔪᓐᓇᕐᖕᓂᓕᒫᓐᓄᑦ ᐊᔪᕆᖅᑐᐃᓂᕐᖕᒥᒃ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐃᕐᖕᓂᖓᓂᒃ, ᖃᐅᔨᒪᑦᓯᐊᖅᐹᖓ ᐃᖅᑲᐅᒤᓐᓇᕋᑦᓯ ᑐᒃᓯᐊᓕᕌᖓᒪ ᑐᒃᓯᐅᑎᖃᑦᑕᕋᑦᓯ, 10ᑐᒃᓯᐊᖃᑦᑕᕋᒪ ᒎᑎ ᐱᖁᔨᒃᐸᑦ ᐱᕕᒃᓴᖃᖅᑎᑕᐅᔪᒪᓪᓗᖓ ᐃᓕᑦᓯᓐᓄᑦ ᑎᑭᑦᓱᓐᓇᖁᓪᓗᖓ.
11ᑭᐱᓂᐊᖅᐳᖓ ᑕᑯᔪᒪᓪᓗᓯ, ᐃᓕᑦᓯᓐᓄᑦ ᐱᑎᑦᓯᔪᒪᓪᓗᖓ ᐊᓂᕐᖕᓂᒃᑯᑦ ᑐᓂᕐᕈᓯᐊᓂᒃ ᓴᓐᖏᔪᓐᖑᖅᑎᑕᐅᒃᑲᓐᓂᖁᓪᓗᓯ, 12ᐃᒤᑉᐳᖅ, ᑲᔪᖏᖅᓴᖃᑦᑕᐅᑎᖁᓪᓗᑕ ᐅᒃᐱᕐᖕᓂᑦᑎᒍᑦ, ᐃᓕᑦᓯᓗ ᐅᕙᖓᓗ ᐅᒃᐱᕐᖕᓂᒃᑯᑦ ᐱᕙᓪᓕᖅᑎᖃᑦᑕᐅᑎᖁᓪᓗᑕ.
13 # ᐋᐴᓯᑕᓖᑦ 19:21. ᖃᐅᔨᒪᖁᕙᑦᓯᓕ ᐅᒃᐱᖅᑐᓯ; ᐅᓄᖅᑐᐃᖅᓱᕐᓗᖓ ᐃᓕᑦᓯᓐᓄᐊᕋᓱᖃᑦᑕᖅᓯᒪᕗᖓ, ᑎᑭᖏᑦᔪᑎᒃᓴᖃᖃᑦᑕᓚᐅᖅᐳᖓᓕ ᒫᓐᓇᒧᑦ ᑎᑭᓪᓗᒍ, ᐃᓕᑦᓯᓐᓂᑦ ᑲᑎᖅᓱᐃᔪᑎᑐᑦ ᑍᒤᑦᓱᒪᓪᓗᖓ, ᔫᑎᐅᖏᑦᑐᓂᓗ ᑍᒫᒃ ᐱᔪᒪᒋᓪᓗᖓ. 14ᐱᓇᓱᐊᒐᒃᓴᖃᕋᒪ ᑕᒤᓐᓄᑦ ᒍᕇᑭᓄᑦ, ᐱᖁᔭᓂᒃ ᒪᓕᒐᖃᖕᑦᑐᓄᓪᓗ, ᓯᓚᑐᔪᓄᑦ ᓯᓔᑦᑐᓄᓪᓗ. 15ᑍᒤᒻᒪᑦ ᑲᔪᖏᖅᐳᖓ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐊᔪᕆᖅᑐᐃᑦᔪᒪᓪᓗᖓ ᐃᓕᑦᓯᓐᓄᑦ ᕉᒪᒦᑦᑐᓄᑦ.
ᐅᖃᐅᓰᑦ ᑐᓴᕈᒥᓇᖅᑐᑦ ᐱᔪᓐᓇᕐᖕᓂᖓ
16 # ᒫᑯᓯ 8:38. ᐅᖃᐅᓰᑦ ᑐᓴᕈᒥᓇᖅᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᖕᓂᕆᖕᒪᒋᑦ ᐅᒃᐱᖅᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ. 17#ᕼᐊᐸᑲ 2:4.ᐅᖃᐅᓯᖅᑎᒍᑦ ᑐᓴᕈᒥᓇᖅᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᖕᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᖕᓂᑯᑦ; ᐃᒫᒃ ᑎᑎᕋᖅᓯᒪᔪᖃᕐᖕᒪᑦ, “ᐃᓗᐊᖅᑐᓕᔪᖅ ᐃᓅᔪᒫᖅᐳᖅ ᐅᒃᐱᕐᖕᓂᕐᖕᒥᓄᑦ.”
ᐃᓄᓕᒫᑦ ᐸᓯᔭᒃᓴᐅᓂᖃᕐᖕᓂᖓᑦ
18ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᖕᓂᖏᓐᓄᑦ ᓱᓕᓂᕐᖕᒥᒃ ᐊᒡᕕᐊᖅᓯᔪᓄᑦ ᐱᐅᖏᑦᑐᓕᐅᕐᖕᓂᕐᖕᒥᖕᓄᑦ. 19ᒎᑎᒥᒃ ᖃᐅᔨᔪᓐᓇᕐᖕᓂᖅ ᓇᓗᓇᖏᑦᓯᐊᖅᐳᖅ ᑖᒃᑯᓄᖓ, ᒎᑎᐅᑉ ᓇᓗᓁᖅᓯᕕᒋᓚᐅᕐᖕᒪᒋᑦ. 20ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᖅᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᖕᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᖅᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᖅᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᖅᐳᑦ. 21#ᐃᐱᓯ 4:17,18.ᒎᑎᒥᒃ ᖃᐅᔨᒪᒐᓗᐊᖅᐳᑦ ᓂᖅᑐᕐᖕᓇᒍᓕ ᒎᑎᖃᖅᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᖅᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᖅᓯᑎᑕᐅᕗᑦ. 22ᓯᓚᑐᓇᓱᒋᒐᒥᒃ, ᓯᓔᑦᑑᓕᖅᐳᑦ, 23#ᒨᓯᓯ ᑕᓪᓕᒪᖏᑦ 4:16-18.ᒎᑎᐅᑉ ᑐᖁᓱᐃᑦᑑᑉ ᓂᖅᑐᕐᖕᓇᕐᖕᓂᕐᔪᐊᖓ ᐃᓇᖏᖅᑕᐅᑎᑉᐹᑦ ᐃᓅᑉ ᑐᖁᔪᒫᖅᑑᑉ ᐊᑦᔨᖓᓄᑦ ᑎᖕᒥᐊᓄᓪᓗ, ᓂᕐᔪᑏᓪᓗ ᐃᒪᕐᖕᒥᐅᑍᓪᓗ ᐊᑦᔨᖏᓐᓄᑦ.
24ᑍᒤᒻᒪᑦ ᒎᑎᐅᑉ ᐃᓱᒪᖅᓱᖅᑎᓕᖅᐰᑦ ᐱᐅᖏᑦᑐᓕᓂᕐᖕᓄᑦ ᐃᓗᒥᖕᓂᑦ ᐱᔪᒪᓂᕆᔭᖏᓐᓄᑦ, ᑎᒥᒥᖕᓂᒡᓗ ᐃᒻᒥᖕᓄᑦ ᐅᐱᓐᓇᕐᕈᓐᓃᑎᑦᓯᓂᕐᖕᒧᑦ. 25ᓱᓕᓂᕐᓗ ᒎᑎᒥᑦ ᐱᔪᖅ ᐃᓇᖏᖅᑕᐅᑎᑉᐹᑦ ᓴᒡᓗᓂᕐᖕᒧᑦ, ᓂᖅᑐᐃᖔᕐᓗᑎᒃ ᐱᔨᑦᓯᕐᓗᑎᒡᓗ ᐱᓐᖑᖅᑎᑕᐅᓯᒪᔪᓂᒃ ᐱᓐᖑᖅᑎᑦᓯᔨᑎᒃ ᐃᓱᒪᒋᓇᒍ, ᑖᓐᓇ ᓂᖅᑐᖅᑕᐅᔪᒃᓴᐅᔪᖅ ᐃᓱᖃᖏᑦᑐᒧᑦ. ᐋᒥᓐ.
26ᑍᒤᒻᒪᑦ, ᒎᑎᐅᑉ ᐃᓱᒪᖅᓱᖅᑎᓕᖅᐰᑦ ᐱᔪᒪᓂᕐᔪᐊᓄᑦ ᑲᓐᖑᓇᖅᑐᓄᑦ. ᐊᕐᖕᓁᓪᓘᓐᓃᑦ ᐊᖑᒻᒧᑦ ᐱᔪᒪᓂᑎᒃ ᐊᑐᕈᓐᓃᕐᓗᒍ ᐊᑐᖃᑦᑕᓕᖅᐳᑦ ᐊᑐᒐᒃᓴᔭᕆᓐᖏᑕᒥᖕᓂᒃ, 27ᑍᒫᒃᑕᐅᖅ ᐊᖑᑏᑦ ᐱᓂᐊᕐᖕᓂᕆᔭᒃᓴᑎᒃ ᐊᕐᖕᓇᒧᑦ ᐊᑐᕈᓐᓃᕐᓗᒍ ᐊᖑᑕᐅᖃᑎᒥᖕᓄᑦ ᐱᓇᓱᐊᖃᑦᑕᓕᖅᐳᑦ, ᑲᓐᖑᓇᖅᑐᐊᓗᖕᓂᒃ ᐱᓇᓱᐊᖃᑦᑕᖅᐳᑦ ᐊᖑᑕᐅᖃᑎᒥᖕᓄᑦ; ᑍᒤᒻᒪᑦ ᐃᒻᒥᖕᓄᑦ ᐊᑭᓕᖅᑕᐅᑦᔪᑎᒃᓴᒥᖕᓂᒃ ᐊᑐᖃᑦᑕᖅᐳᑦ ᑕᒻᒪᕈᑎᐊᓗᖕᒥᖕᓄᑦ.
28ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᖅᓱᖅᑎᓕᖅᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ. 29ᐱᐅᖏᑦᑐᓕᓂᕐᖕᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᖕᓂᕐᖕᓂᒃ, ᐊᑭᕋᖅᑑᑎᓂᕐᖕᓂᒃ, ᐊᓯᒥᖕᓂᑦ ᐱᖃᕐᖕᓂᖅᓴᐅᔪᒪᓂᕐᖕᒥᒃ, ᑐᖁᑦᓯᔪᒪᓂᕐᖕᒥᒃ, ᐅᓇᑕᕈᒪᓂᕐᖕᒥᒃ, ᓯᓔᕐᕆᒃᓯᓂᕐᖕᒥᒃ, ᐅᒋᐊᓐᖑᖃᑦᑕᐅᑎᓂᕐᖕᒥᒃ, ᑎᕐᓕᐊᖃᑦᑍᓂᕐᖕᓂᒡᓗ. 30ᐅᖃᕐᖕᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᖅᐳᑦ, ᐱᐅᔪᕆᕗᑦ, ᐅᓇᖕᒥᓁᔭᖅᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ. 31ᓯᓔᑦᑑᕗᑦ, ᐅᒃᐱᕐᖕᓂᖃᓐᖏᓚᑦ, ᐃᓅᖃᑎᒥᖕᓂᒃ ᐱᑦᓯᐊᓐᖏᓚᑦ, ᓇᒡᓕᒍᓱᒐᑎᒡᓗ. 32ᒎᑎᐅᑉ ᐊᑐᖅᑕᐅᖁᔭᖓ ᓈᒻᒪᓈᖅᓯᒪᔪᖅ ᖃᐅᔨᒪᒐᓗᐊᖅᐹᑦ ᑍᒤᓕᐅᖅᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᖅᐳᑦ ᑕᒪᒃᑯᓂᖓ ᐊᑐᖅᑐᓂᒃ.

Currently Selected:

ᕉᒪᒥᐅᓄᑦ 1: EAIB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy