ᓲᓗᒨᓂᐅᑉ ᐅᖃᓪᓚᖕᓂᖏᑦ 1
1
ᐅᖃᓪᓚᖕᓃᑦ ᐱᓪᓚᕆᐅᓂᖓᑦ
1 #
ᐊᑕᓃᑦ ᓯᕗᓪᓖᑦ 4:32. ᓲᓗᒨᓂᐅᑉ ᐅᖃᓪᓚᖕᓂᖏᑦ ᑍᕕᑎᐅᑉ ᐃᕐᖕᓂᖓᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ.
2ᐃᓄᐃᑦ ᖃᐅᔨᖁᓪᓗᒋᑦ ᓯᓚᑐᓂᕐᖕᒥᒃ ᐃᓕᓐᓂᐊᖅᑎᑕᐅᓂᕐᖕᒥᒡᓗ ᑐᑭᓯᑎᑦᓯᓗᑎᒃ ᐅᖃᓪᓚᖕᓃᑦ ᑐᑭᖏᓐᓂᒃ ᐃᑎᔪᓂᒃ. 3ᐃᓕᓐᓂᐊᖅᑎᑕᐅᖁᓪᓗᒋᑦ ᓯᓚᑐᓂᒃᑯᑦ ᐱᓂᐊᕐᖕᓂᖃᕐᖕᓂᕐᖕᒥᒃ, ᓇᓛᒎᕐᖕᓂᕐᖕᒥᒃ ᓈᒻᒪᓈᖅᑐᒥᒡᓗ ᐊᑦᔨᒌᒃᑎᑦᓯᓂᕐᖕᒥᒡᓗ. 4ᖃᐅᔨᓯᒪᖏᑦᑑᒐᓗᐊᒥᒃ ᐊᔪᕈᓐᓃᖅᑎᑦᓯᔪᓐᓇᖅᐳᑦ ᓯᓚᑐᓕᖅᑎᑦᓯᓗᑎᒃ, ᐃᓅᓱᒃᑐᓂᒡᓗ ᐊᔪᕆᖅᑐᐃᔪᓐᓇᖅᐳᑦ ᐊᑐᕐᖕᓇᖅᑐᓂᒃ ᐱᓇᓱᐊᕈᓐᓇᖅᓯᖁᓪᓗᒋᑦ. 5ᓯᓚᑐᔪᓪᓗ ᑐᓴᕈᓐᓇᖁᓪᓗᒋᑦ ᑐᑭᓯᐅᒪᔭᖏᑦ ᐊᖏᓕᒃᑲᓐᓂᖁᓪᓗᒋᑦ, ᐊᖑᓪᓗ ᑐᑭᓯᐅᒪᔪᖅ ᐱᓇᓱᐊᕈᑎᒃᓴᖃᒃᑲᓐᓂᖁᓪᓗᒍ. 6ᑐᑭᓯᖁᓪᓗᒋ ᓯᓚᑐᔪᒧᑦ ᐅᖃᓪᓚᖕᓃᑦ ᑐᑭᖏᓐᓂᒃ ᐃᔨᖅᓯᒪᔪᓂᒃ ᓯᓚᑐᔫᓪᓗ ᐅᖃᐅᓯᕆᔭᖏᑎᒍᑦ ᑐᑭᖏᓐᓂᒃ.
ᐃᓅᓱᒃᑐᓄᑦ ᐅᖃᐅᑦᔪᐃᑦᔪᑏᑦ
7 #
ᔫᐱ 28:28; ᐃᓐᖏᕈᑦ 111:10; ᓲᓗᒨᓂ 9:10. ᐊᑕᓂᕐᖕᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᖕᒥᒃ ᐱᒋᐊᕐᖕᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᖕᒥᒃ ᓇᕐᕈᕗᑦ ᐃᓕᓐᓂᐊᕐᖕᓂᕐᖕᒥᒡᓗ.
8ᐃᕐᖕᓃᒃ ᓈᓚᑦᓯᐊᕆᑦ ᐊᑖᑕᕕ ᐃᓕᓮᓂᖏᓐᓂᒃ, ᐊᓈᓇᕕᓪᓗ ᐊᔪᕆᖅᑐᐃᑦᔪᑎᖏᓐᓂᒃ ᓇᕐᕈᓂᐊᕐᖕᓇᒃ; 9ᓄᓇᕋᕐᖕᓂᒃ ᑕᑯᒥᓇᖅᑐᓂᒃ ᓂᐊᖂᓯᖅᓯᓯᒪᔪᑎᑐᑦ ᑍᒤᒻᒪᑕ, ᓲᕐᓗ ᐅᔭᒦᓪᓘᓐᓃᑦ ᑕᑯᒥᓇᖅᑐᑦ.
10ᐃᕐᖕᓃᒃ ᐊᔪᖅᑐᓕᔪᓄᑦ ᑲᔪᖏᖅᓴᖅᑕᐅᒍᕕᑦ ᐊᖏᖅᑍᓕᕙᒃᑭᑦ. 11ᐅᖃᖅᐸᑕ, “ᕾᓗᑎᑦ, ᑐᖁᑕᒃᓴᑦᑎᓐᓂᒃ ᐅᑕᖅᑭᓚᐅᖅᑕ, ᐃᓄᖕᒥᒃ ᐸᓯᔭᒃᓴᐅᖏᑦᑐᒥᒃ ᐱᕋᔭᒡᓗᑕ ᐅᐸᓗᐃᓯᓚᐅᖅᑕ. 12ᐃᓅᑎᓪᓗᒋᑦ ᑲᑉᐱᐊᓇᖅᑐᕕᖕᒧᑦ ᐄᔭᐅᓂᐊᕐᖕᒪᑕ ᐃᓗᐃᑦᑑᓗᑎᒃ, ᐃᑎᖅᓴᒧᑦ ᑲᑕᒃᑐᑎᑐᑦ: 13ᓇᓂᓯᓂᐊᖅᐳᒍᑦ ᐱᖁᑎᓂᒃ ᐊᑭᑐᔪᓂᒃ, ᐃᒡᓗᕗᓪᓗ ᓵᓚᖃᐅᓯᐊᑦᑎᓐᓂᒃ ᑕᑕᓪᓗᑎᒍ! 14ᐊᑏ ᐅᕙᑦᑎᓐᓄᑦ ᐃᓚᐅᓚᐅᕆᑦ ᓇᓚᐅᑦᑖᕈᑎᒃᑯᑦ, ᑎᒡᓕᒐᑦᑎᓐᓂᒃ ᑲᑐᑦᔨᓗᑕ ᐱᖃᑕᐅᓂᐊᕋᕕᑦ.”
15ᐃᕐᖕᓃᒃ, ᑍᒤᓕᐅᖅᑐᓄᑦ ᐱᖃᑕᐅᑦᑍᓕᒋᑦ, ᐃᑎᒐᑎᑦ ᐊᖅᑯᑎᖏᓐᓂᒃ ᒪᓕᒃᑍᓕᓕᑦ. 16ᐃᑎᒐᖏᑦ ᐊᖅᐸᖏᖅᐳᑦ ᐊᔪᖅᑐᓕᔪᒪᓂᕐᖕᒧᑦ, ᐃᓄᐊᕈᒤᓐᓇᖅᓗᑎᒡᓗ. 17ᓈᒻᒪᖏᒻᒪᑦ ᓄᓗᑦᔨᖅᓗᓂ ᑎᖕᒥᐊᕋᓱᒃᑕᑦ ᑕᑯᓐᓇᖅᑎᓪᓗᒍ ᓄᓗᐊᓂᒃ ᐋᖅᑭᒐᓱᒃᑕᕐᖕᓂᒃ. 18ᐃᓄᐃᑦ ᑍᒤᑦᑐᑦ ᓇᖕᒥᓂᖅ ᐊᔪᓕᕐᕕᒃᓴᒥᖕᓂᒃ ᓴᓇᖕᒪᑕ, ᐃᓅᓯᕐᖕᒥᖕᓂ ᐅᐸᓗᐃᔭᐅᑦᔪᑎᒃᓴᒥᖕᓂᒃ ᐋᖅᑭᒃᓱᐃᓪᓗᑎᒃ. 19ᑍᒤᑉᐸᒃᐳᑦ ᑕᒪᕐᖕᒥᒃ ᐱᕋᔭᖕᓂᒃᑯᑦ ᐊᔪᖅᓴᕈᓐᓃᕋᓱᒃᑐᑦ, ᑎᒡᓕᒐᕐᖕᓂᖅ ᐃᓅᓯᒃᓮᕈᑦᔨᕙᒃᐳᖅ ᑎᒡᓕᒃᑐᕕᓂᕐᖕᒥᒃ.
ᓯᓚᑐᖁᔭᐅᓂᖅ
20 #
ᓲᓗᒨᓂ 8:1-3. ᓯᓚᑐᓂᖅ ᐊᖅᑯᑎᓂ ᓂᐱᖅᑯᖅᑐᓪᓗᓂ ᓂᓪᓕᐊᕗᖅ; ᓂᐅᕕᕐᕕᖕᓂᓗ ᓂᓪᓕᐊᕗᖅ ᓂᐱᖅᑯᖅᑐᓂᖅᓴᐅᓪᓗᓂ. 21ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᑕ ᖃᖏᓐᓂ ᓂᓪᓕᐊᕗᖅ; ᐃᒡᓗᒐᓮᓪᓗ ᐃᑎᖅᑕᕐᕕᖏᓐᓂ ᐅᖃᓪᓚᒃᐳᖅ.
22ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᖕᒥᒃ ᖁᕕᐊᒋᔭᖃᕐᖕᓂᐊᖅᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᖅᑐᑦ ᖁᕕᐊᒋᔭᖃᕐᖕᓂᐊᖅᐸᑦ ᒥᑕᐅᑎᒃᓴᕐᖕᓂᕐᖕᒥᒃ ᓯᓔᑦᑐᓪᓗ ᖃᐅᔨᒪᓂᕐᖕᒥᒃ ᐱᐅᒃᓴᖏᓪᓗᑎᒃ. 23ᓈᓚᒋᑦ ᐃᓂᖅᑎᕆᑦᔪᑎᓐᓂᒃ; ᐃᓱᒪᒋᔭᒃᑲ ᐃᓕᖕᓄᑦ ᑯᕕᑎᓐᓂᐊᕋᒃᑭᑦ; ᐅᖃᐅᓯᒃᑲᓗ ᐃᓕᖕᓄᑦ ᖃᐅᔨᔭᐅᑎᓐᓂᐊᕋᒃᑭᑦ. 24ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᖅᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᖅᑕᐅᓚᐅᖅᓯᒪᓇᖓ. 25ᐅᖃᐅᑦᔪᐃᑦᔪᑎᒋᔭᓕᒫᒃᑲ ᑲᒪᒋᓇᓱᐊᓚᐅᓐᖏᓚᑎᑦ ᐃᓂᖅᑎᕆᑦᔪᑎᒃᑲ ᐊᑐᕈᒪᓇᒋᑦ. 26ᐅᖁᒤᒃᓴᕐᖕᓇᖅᑐᒦᓕᕈᕕᑦ ᐃᔪᕆᔪᒫᓕᖅᐸᒋᑦ; ᐅᐃᒪᔮᕐᖕᓇᖅᑐᒦᓕᕈᕕᓪᓗ ᒥᑕᐅᑎᒋᔪᒫᓕᖅᐸᒋᑦ. 27ᐅᐃᒪᔮᕐᖕᓇᖅᑐᒧᑦ ᑎᑭᑕᐅᒍᕕᑦ ᓯᓚᕐᖕᓂᖅᓗᖕᒧᑦ ᑎᑭᑕᐅᔪᑎᑐᑦ, ᐅᖁᒤᒃᓴᕐᖕᓂᕐᓗ ᐅᓚᔪᔭᖅᑎᑐᑦ ᑎᑭᐅᑎᒃᐸᑦ, ᐱᕖᓱᐊᓂᖅ ᐃᓱᒪᔮᕐᖕᓂᕐᓗ ᐃᓕᖕᓄᑦ ᑎᑭᑉᐸᑦ. 28ᑕᕝᕙ ᐅᕙᓐᓄᑦ ᓂᓪᓕᐊᓕᕈᒫᖅᐳᑎᑦ, ᑭᓯᐊᓂᓕ ᑭᐅᑦᔮᓐᖏᓚᖓ; ᐊᒃᓱᕈᖅᓗᑎᑦ ᐅᕙᓐᓂᒃ ᕿᓂᓕᕈᒫᖅᐳᑎᑦ ᓇᓂᔭᐅᓂᐊᓐᖏᓚᖓᓕ. 29ᑐᑭᓯᐅᒪᓂᖅ ᓇᕐᕈᒋᓚᐅᕐᖕᒪᑦᔪᒃ ᐊᑕᓂᕐᖕᒥᒡᓗ ᐃᓕᕋᓱᒍᒪᓚᐅᕋᑎᒃ. 30ᐅᕙᓐᓄᓪᓗ ᐅᖃᐅᑦᔪᖅᑕᐅᔪᒪᓐᖏᓚᑦ, ᐃᓂᖅᑎᕆᑦᔪᑎᒃᑲᓗ ᓇᕐᕈᒋᕔᑦ, 31ᑍᒤᒻᒪᑦ ᐱᕈᖅᑎᑕᒥᖕᓂᒃ ᓂᕆᔪᒫᖅᐳᑦ, ᓇᖕᒥᓂᕐᓗ ᐱᓂᐊᕐᖕᓂᕐᖕᒥᖕᓄᑦ ᐊᕿᐊᑦᑐᕈᒫᖅᐳᑦ. 32ᓯᓔᑦᑐᑦ ᑐᖁᒧᑦ ᑎᑭᑉᐸᒃᐳᑦ ᑲᒪᓐᖏᒧᑦ, ᓯᓔᑦᑐᑦ ᐊᓯᕈᖅᑕᐅᓕᖅᐸᒃᐳᑦ ᓈᒻᒪᒐᓱᒋᓂᕐᖕᒧᑦ. 33ᓇᓪᓕᐊᓪᓕ ᐅᕙᓐᓂᒃ ᓈᓚᒃᑐᖅ ᐃᓅᓯᕐᖕᒥᓂᒃ ᐃᓂᖃᕐᖕᓂᐊᖅᐳᖅ ᓴᐳᑦᔭᐅᓯᒪᔪᒥ ᖃᓄᐃᓐᓇᖏᑦᑐᒦᓐᓂᐊᖅᐳᖅ ᑲᑉᐱᐊᓲᑎᒃᓴᖃᖏᓪᓗᓂᓗ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.