ᐱᓕᐱᒥᐅᓄᑦ 1
1
ᓇᓗᓁᖅᓯᑦᔪᑎᖏᑦ
1 #
ᐋᐴᓯᑕᓖᑦ 16:12. ᐸᐅᓗᓯᒥᑦ ᑎᒧᑎᒥᓪᓗ, ᔩᓱᓯ ᙭ᔅᑑᓯᐅᑉ ᐱᔨᖏᖕᓂᑦ,
ᐃᑦᔪᕐᖕᓁᑎᑕᐅᓯᒪᔪᓕᒫᓄᑦ ᐱᓕᐰᒦᑦᑐᓄᑦ ᔩᓱᓯ ᙭ᔅᑑᓯᒥ ᐃᓚᒌᖕᓂᖃᖅᑐᓄᑦ, ᐅᒃᐱᖅᑑᖃᑎᒌᓄᑦ ᓯᕗᓕᖅᑎᐅᔪᓄᑦ ᐃᑲᔪᖅᑎᓄᓪᓗ:
2ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᑕ ᖃᓄᐃᖏᑦᓯᐊᖅᑎᑦᓯᓂᖓᑕᓗ ᐃᓚᒋᓕᓯ.
ᐸᐅᓗᓯᐅᑉ ᑐᒃᓯᐅᑦᔨᓂᖓ ᑎᑎᕋᕐᕕᒋᔭᒥᓄᑦ
3ᑍᒪᓐᖓᑦ ᐃᖅᑲᐅᒪᓕᕌᖓᑦᓯ ᒎᑎᒐ ᖁᔭᒋᖃᑦᑕᖅᐸᕋ, 4ᑍᒪᓐᖓᓪᓗ ᑐᒃᓯᐅᑎᓕᕌᖓᑦᓯ, ᑐᒃᓯᐊᖃᑦᑕᖅᐳᖓ ᖁᕕᐊᓱᑦᓯᐊᕐᓗᖓ. 5ᐃᑲᔪᒻᒪᕆᒃᓯᒪᒐᑦᓯᓐᖓ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐱᓇᓱᐊᖅᑎᓪᓗᖓ ᑍᒪᓐᖓᑦ ᐱᒋᐊᓕᕋᑖᕐᖕᓂᓐᓂᑦ ᒫᓐᓇᒧᑦ ᑎᑭᓪᓗᒍ. 6ᖁᓚᖏᑦᓯᐊᖅᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᖅᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᖕᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ. 7ᑍᒪᓐᖓᑦ ᐃᓱᒪᒥᐅᑕᕇᓐᓇᕋᑦᓯ ᑍᒤᒻᒪᑦ ᐃᓕᑦᓯᓐᓂᒃ ᑍᒫᒃ ᐃᓱᒪᒋᔭᖃᖅᑐᒃᓴᐅᒐᒪ, ᑍᒪᓐᖓᑦ ᑲᑐᑦᔨᖃᑎᒌᓐᓇᓚᐅᕋᑦᓯᓐᖓ ᐱᕕᒃᓴᖃᖅᑎᑕᐅᓂᕆᔭᓐᓂᒃ ᒎᑎᒧᑦ, ᐅᕙᓂ ᑎᒍᔭᐅᓯᒪᕕᖕᒦᒃᑲᓗᐊᖅᑎᓪᓗᖓ ᑎᒍᔭᐅᓯᒪᑎᓐᓇᖓᓘᓐᓃᑦ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐅᖃᐅᓯᖃᖅᑎᓪᓗᖓ. ᐋᖅᑭᒃᓯᓇᓱᐊᖅᑎᓪᓗᖓᓗ ᐊᐅᓚᖏᑦᓯᐊᖅᑐᒥᒃ. 8ᒎᑎᐅᑉ ᖃᐅᔨᒪᕚᖓ ᐅᖃᖅᑎᓪᓗᖓ ᓱᓕᑦᓯᐊᕐᖕᓂᓐᓂᒃ, ᐃᓕᑦᓯᓐᓂᒃ ᓇᒡᓕᒍᓱᓪᓚᕆᖕᓂᕋ ᔩᓱᓯ ᙭ᔅᑑᓯᒥᑦ ᐱᖕᒪᑦ.
9ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᖕᓂᕐᖕᒥᒃ, 10ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᖅᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᖕᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ. 11ᐃᓅᓯᓯᓗ ᐃᓗᒻᒥᖅᑕᐅᓂᐊᖅᐳᖅ ᓇᓛᒎᕐᖕᓂᐅᑉ ᐱᕈᖅᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᖅᑐᖅᑕᐅᖁᓪᓗᒍ ᐱᓐᓇᕐᖕᓇᖅᓯᑎᑕᐅᖁᓪᓗᒍᓗ.
᙭ᔅᑑᓯᒥ ᐃᓅᓯᖃᕐᖕᓂᖅ
12ᐅᒃᐱᖅᑑᖃᑎᒃᑲ, ᖃᐅᔨᒪᖁᕙᑦᓯ, ᐃᓅᓯᓐᓂ ᖃᓄᐃᓕᐅᖅᑕᐅᓯᒪᓂᕆᔭᒃᑲ ᐱᕙᓪᓕᖅᑎᑦᓯᓯᒪᖕᒪᑕ ᐅᖃᐅᓰᑦ ᑐᓴᕈᒥᓇᖅᑐᑦ ᐱᕙᓪᓕᐊᑦᔪᑎᒃᓴᖏᓐᓄᑦ. 13#ᐋᐴᓯᑕᓖᑦ 28:30.ᑕᒪᑐᒨᓇ ᐊᖓᔪᖅᑳᕐᔪᐊᒃᑯᕕᐅᑉ ᖃᐅᔨᓴᖅᑎᖏᑦ ᐊᓯᖏᓪᓗ ᑕᕝᕙᓃᑦᑐᑦ ᓇᔪᖅᑕᓐᓂ ᖃᐅᔨᒪᓕᖅᐳᑦ ᑎᒍᔭᐅᓯᒪᕕᖕᒦᓚᕿᒐᒪ ᙭ᔅᑑᓯᒧᑦ ᐱᔨᒋᔭᐅᓂᕋ ᑭᓯᐊᓂ ᐱᑦᔪᑎᒋᓪᓗᒍ; 14ᑎᒍᔭᐅᓯᒪᕕᖕᒦᓐᓂᓐᓄᓪᓗ ᐅᒃᐱᖅᑑᖃᑎᕗᑦ ᖁᓚᕈᓐᓃᖅᑎᑕᐅᑲᓐᓂᖅᐳᑦ ᐊᑕᓂᕐᖕᒥᒃ, ᒎᑎᐅᑉ ᐅᖃᐅᓯᕆᔭᐅᖁᔭᖓᓂᒃ ᐅᖃᓪᓚᖁᓪᓗᒋᑦ ᓯᕗᕋᖏᓪᓗᑎᒃ.
15ᐃᓚᖏᓪᓕ ᙭ᔅᑑᓯᒥᒃ ᐊᔪᕆᖅᑐᐃᑦᔪᑎᖃᖅᐳᑦ ᓵᓐᖓᔭᑐᐊᖑᔪᒪᓂᕐᖕᒧᑦ ᐊᑭᕋᖅᑐᕈᒪᓂᕐᖕᒧᓪᓗ, ᐃᓚᖏᑕᓕ ᙭ᔅᑑᓯ ᐊᔪᕆᖅᑐᐃᑦᔪᑎᒋᕚᑦ ᐱᐅᔪᒥᒃ ᐃᓱᒪᖃᖅᑎᑕᐅᑦᓯᐊᕐᓗᑎᒃ. 16ᑖᒃᑯᐊᓕ ᑍᒤᓕᐅᖅᐳᑦ ᓇᒡᓕᖕᓂᕐᖕᒧᑦ, ᖃᐅᔨᒪᒐᒥᒃ ᒎᑎᐅᑉ ᑎᓕᓯᒪᖕᒪᖓ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐅᖃᓪᓚᖁᓪᓗᖓ. 17ᐃᓚᖏᑕᓕ ᙭ᔅᑑᓯ ᐊᔪᕆᖅᑐᐃᑦᔪᑎᒋᕚᑦ ᓱᓕᓪᓚᕆᒐᑎᒃ, ᓇᖕᒥᓂᖅᓯᐅᕐᖕᓂᕐᖕᒧᑦ ᐱᑦᔪᑎᖃᕐᓗᑎᒃ, ᐅᕙᓐᓂᒃ ᐅᖁᒤᒃᓴᖅᑎᑦᓯᒃᑲᓐᓂᕈᒪᓪᓗᑎᒃ ᑎᒍᔭᐅᓯᒪᕕᖕᒦᑎᓪᓗᖓ.
18ᖃᓄᐃᓐᖏᓚᕐᓕ ᑕᒪᓐᓇ ᖁᕕᐊᓲᑎᒋᑐᐃᓐᓇᖅᐸᕋ ᙭ᔅᑑᓯ ᐅᖃᐅᓯᕆᔭᐅᖕᒪᑦ ᖃᓄᑐᐃᓐᓇᓕᒫᖅ ᐱᕕᖃᕐᖕᓂᓕᒫᖓᒍᑦ, ᓈᒻᒪᓈᖏᑦᑑᒐᓗᐊᓄᑦ ᓈᒻᒪᓈᖅᑐᓄᓪᓗ; ᓱᓕᓕ ᖁᕕᐊᓱᑐᐃᓐᓇᕐᖕᓂᐊᖅᐳᖓ.
19ᖃᐅᔨᒪᒐᒪ, ᑐᒃᓯᐅᑦᔨᓂᑦᓯᓐᓄᑦ ᐃᑲᔪᕐᖕᓂᑦᓯᓐᓄᓪᓗ ᔩᓱᓯ ᙭ᔅᑑᓯᐅᑉ ᐊᓂᕐᖕᓂᖓᓂᑦ ᐱᔪᒧᑦ ᐊᓂᑎᑕᐅᓂᐊᕋᒪ. 20ᐱᔪᒪᓂᖅᐹᕆᔭᕋᓕ ᓂᕆᐅᒋᓪᓗᒍᓗ ᐱᔭᕆᐊᖃᖅᑕᓐᓂᒃ ᑲᔪᓯᔪᒪᓪᓗᖓ ᑲᓐᖑᓲᑎᒃᓴᖃᕈᒪᓇᖓ, ᓴᐱᖏᑦᓯᐊᕐᖕᓂᖃᕈᒪᓪᓗᖓ ᒫᓐᓇᒥᑦ ᑍᒪᓐᖓᓕᒫᖅ ᐃᓅᓯᕋ ᙭ᔅᑑᓯᐅᑉ ᓂᖅᑐᖅᑕᐅᑦᔪᑎᒃᓴᖓᓄᑦ ᑐᕌᖓᖁᓪᓗᒍ, ᐃᓅᒐᓗᐊᕈᒪ ᑐᖁᒐᓗᐊᕈᒪᓘᓐᓃᑦ. 21ᐃᓅᒍᒪ ᙭ᔅᑑᓯᒧᑦ ᐃᓅᕗᖓ, ᑐᖁᒍᒪᓗ ᐱᕙᓪᓕᕈᑎᒃᓴᕆᕙᕋ. 22ᐅᕙᓂᓕ ᑎᒥᒃᑯᑦ ᐃᓅᑯᑖᖕᓂᐊᕈᒪ, ᐊᑐᕐᖕᓇᖅᑐᓂᒃ ᐱᓇᓱᐊᕈᒪᕗᖓ. ᑍᒤᓐᓂᐊᕈᒪᓕ ᓇᓪᓕᐊᓐᓂᒃ ᓂᕈᐊᕋᔭᕐᖕᒪᖔᕐᖕᒪ ᐅᕙᓐᓄᑦ ᓇᓗᓇᖅᐳᖅ. 23ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᖅᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᖅᐳᖓ, ᑕᒪᓐᓇ ᐱᐅᓂᖅᓴᒻᒪᕆᐊᓘᖕᒪᑦ; 24ᑭᓯᐊᓂᓕ ᐱᑦᔪᑎᒋᓪᓗᓯ ᐱᔭᕆᐊᖃᕐᖕᓂᖅᓴᐅᕗᖅ ᑕᒫᓂ ᓄᓇᒥ ᐃᓅᒃᑲᓐᓂᕈᒪ. 25ᑕᒪᑐᒥᖓᓕ ᖁᓚᓐᖏᓚᖓ, ᓱᓕ ᐃᓅᒃᑲᓐᓂᕐᖕᓂᐊᕋᒪ ᐃᓕᑦᓯᓐᓃᒃᑲᓐᓂᕈᓐᓇᖁᓪᓗᖓ, ᐱᕙᓪᓕᐊᑎᑕᐅᒃᑲᓐᓂᖁᓪᓗᓯᓗ ᐅᒃᐱᕐᖕᓂᑦᓯᒍᑦ ᐃᓗᑦᓯᒍᓪᓗ ᖁᕕᐊᓱᖁᓪᓗᓯ, 26ᐃᓕᑦᓯᓐᓄᑦ ᐅᑎᖅᑎᑕᐅᖕᒥᒍᒪ, ᐅᕙᒃᑯᑦ ᓂᖅᑐᐃᒃᑲᓐᓂᖁᓪᓗᓯ ᔩᓱᓯ ᙭ᔅᑑᓯᒥᒃ.
27ᒫᓐᓇᓕ ᐱᔭᕆᐊᖃᕐᖕᓂᖅᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᖅᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᖕᓂᑦᓯᓐᓂᒃ ᐊᑕᐅᓯᐅᑦᓯᐊᕐᖕᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᐅᒃᐱᕈᓱᑦᓯᐊᕐᖕᓂᕐᖕᒧᑦ. 28ᐊᑭᕋᖅᑐᖅᑎᑦᓯᓐᓂᒃ ᓯᕘᕋᓂᐊᕋᓯ ᖃᓄᓕᒫᖅ. ᑕᒪᓐᓇ ᓇᓗᓁᒃᑯᑕᐅᖕᒪᑦ ᐊᓯᕈᖅᑕᐅᓛᕐᖕᓂᖏᓐᓄᑦ, ᐃᓕᑦᓯᓕ ᐱᐅᓕᔭᐅᖁᓪᓗᓯ, ᑕᒪᓐᓇᓗ ᒎᑎᒥᑦ ᐱᕗᖅ. 29᙭ᔅᑑᓯᒥᒃ ᐱᔨᑦᓯᕈᓐᓇᖅᑎᑕᐅᒐᑦᓯ ᐅᒃᐱᕐᕕᒋᑐᐃᓐᓇᕐᓗᒎᖏᑦᑐᖅ ᐊᒃᓱᕈᖅᑎᑕᐅᑦᔪᑎᒋᓗᒍᓕᑦᑕᐅᖅ. 30#ᐋᐴᓯᑕᓖᑦ 16:19-40.ᓵᓚᐅᑦᑍᓕᔭᕆᐊᖃᖅᐳᓯ ᓲᕐᓗ ᐅᕙᓐᓂᒃ ᑕᑯᓚᐅᕋᑦᓯ ᓵᓚᐅᓚᐅᖏᓐᓇᒪ ᑐᓴᐅᒪᒐᑦᓯᓗ ᓱᓕ ᑍᒤᓕᐅᖅᑕᐅᒐᒪ ᐅᖃᐅᓰᑦ ᑐᓴᕈᒥᓇᖅᑐᑦ ᐱᓪᓗᒋᑦ.
Currently Selected:
ᐱᓕᐱᒥᐅᓄᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.