ᓘᑲᓯᐅᑉ ᐊᒡᓚᖏᑦ 1
1
ᐱᒋᐊᕈᑎᖏᑦ ᓱᖕᒪᓪᓗ ᑖᒃᑯᐊ ᑎᑎᕋᖅᑕᐅᓯᒪᖕᒪᖔᑕ
1ᐊᒥᓱᑦ ᑎᑎᖅᑲᑎᒍᑦ ᐋᖅᑭᒃᓱᑦᓯᐊᖅᓯᒪᓗᑎᒃ ᐅᓂᒃᑳᕋᓱᐊᖅᓯᒪᖕᒪᑕ ᐱᓂᐊᕐᖕᓂᐅᓯᒪᔪᓂᒃ ᐊᑯᓐᓇᑦᑎᓐᓂ. 2ᑍᒃᑯᐊ ᑎᑎᕋᓚᐅᖅᐳᑦ ᓇᖕᒥᓂᖅ ᐱᒋᐊᕐᖕᓂᖓᓂᒃ ᖃᐅᔨᓚᐅᖅᑕᒥᖕᓂᒃ ᓇᖕᒥᓂᕐᓗ ᑕᑯᖃᑦᑕᓚᐅᖅᑕᒥᓂᒃ, ᐅᕙᑦᑎᓐᓄᑦ ᐅᖃᐅᓯᖃᖅᓯᒪᕗᑦ ᐊᔪᕆᖅᑐᐃᑦᔪᑎᖃᕐᓗᑎᒃ. 3ᑕᕝᕙᓕ ᑎᐅᐱᓘᓰ, ᑕᒪᒃᑯᐊ ᖃᐅᔨᓇᓱᐊᑦᓯᐊᓚᐅᕐᓗᒋᑦ ᐱᒋᐊᕐᖕᓂᕕᓂᖏᓐᓂᑦ, ᐱᐅᓂᖅᓴᐅᓇᓱᒋᓕᕋᒃᑯ ᑎᑎᕋᐅᓯᕆᒍᒃᑭᑦ, ᐱᕙᓪᓕᐊᓯᒪᓂᖏᓪᓗ ᐅᓂᒃᑲᐅᓯᕆᓗᒋᑦ ᐃᓕᖕᓄᑦ. 4ᑐᑭᓯᑦᓯᐊᕐᖕᓂᐊᕋᕕᑦ ᓱᓕᑦᓯᐊᖅᑐᒥᒃ ᑕᒪᒃᑯᓂᖓ ᑐᓴᖅᑎᑕᐅᑦᔪᑎᒋᓯᒪᔭᕐᖕᓂᒃ.
ᐂᖏᓕᐅᑉ ᐅᖃᕆᐊᖅᑐᕐᖕᓂᖓ ᔪᐊᓇᓯᐅᑉ ᐃᕐᖕᓂᐊᖑᔪᒫᕐᖕᓂᖓᓂᒃ
5 #
ᑯᕉᓂᑲ ᓯᕗᓪᓖᑦ 24:10. ᑍᑦᓱᒪᓂ ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ ᔫᑎᐊᒥ, ᑐᓂᕐᕈᓯᖅᑎᑦᓯᔨᑕᖃᓚᐅᖅᐳᖅ ᓴᑲᕅᐊᒥᒃ ᐊᑎᓕᖕᒥᒃ, ᑐᓂᕐᕈᓯᖅᑎᑦᓯᔨᓄᑦ ᓇᓪᓕᐅᑎᖃᑦᑕᖅᑐᓄᑦ ᐊᐰᔭᒃᑯᓐᓄᑦ ᐃᓚᒋᔭᐅᓪᓗᓂ; ᓄᓕᐊᖓ ᐃᓕᓴᐱᒥᒃ ᐊᑎᖃᖅᐳᖅ ᐂᕉᓂᒃᑯᑦ ᑭᖑᕚᖓᑦ; ᑐᓂᕐᕈᓯᖅᑎᑦᓯᔨᓄᑦ ᑭᖑᕚᕆᔭᐅᒋᓪᓗᓂ. 6ᑖᒃᑯᐊᒃ ᐃᓅᓯᖃᓚᐅᖅᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᖅᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ. 7ᕿᑐᕐᖓᖃᓚᐅᓐᖏᓚᒡᓕ, ᐃᓕᓴᐱ ᕿᑐᕐᖏᓱᐃᑦᑑᓚᐅᕐᖕᒪᑦ, ᐅᐃᒌᒃ ᑕᒪᕐᖕᒥᒃ ᐃᓄᑐᖃᐅᓕᓚᐅᖅᐳᒃ.
8ᓴᑲᕅᐊ ᐱᓇᓱᐊᖅᑎᓪᓗᒍ ᑐᓂᕐᕈᓯᕐᖕᓂᕐᖕᒥᒃ ᒎᑎᐅᑉ ᓵᖓᓂ ᖃᐅᑕᒫᑦ ᐊᑐᖅᑕᐅᕙᒃᑐᒥᒃ ᑐᒃᓯᐊᕐᕕᒡᔪᐊᒥ; ᐱᓇᓱᐊᕐᕕᒃᓴᖓ ᓇᓪᓕᐅᑎᓯᒪᓕᕐᖕᒪᑦ. 9ᑐᓂᕐᕈᓯᖅᑎᑦᓯᔨᐅᑉ ᐃᓕᖅᑯᓯᕆᕙᒃᑕᖏᑦ ᒪᓕᒡᓗᒋᑦ, ᓇᓚᐅᑦᓵᕈᑎᒃᑯᑦ ᓇᓚᐅᑕᐅᒐᒥ ᐱᓇᓱᐊᓕᓚᐅᖅᐳᖅ ᑎᐱᑦᓯᐊᕆᒃᑐᒥᒃ ᐳᔫᖅᑎᑦᓯᔭᕆᐊᖃᓕᕐᓗᓂ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᓯᓚᐅᖅᐳᖅ. 10ᐃᓄᒋᐊᒃᑐᕐᔪᐊᑦ ᓯᓚᑖᓂ ᑐᒃᓯᐊᖅᑎᓪᓗᒋᑦ ᑎᐱᑦᓯᐊᕆᒃᑐᖅ ᐳᔫᖅᑎᑕᐅᑎᓪᓗᒍ, 11ᐊᑕᓂᐅᑉ ᐂᖏᓕᖓᑕ ᓴᑲᕅᐊ ᓴᖅᑭᕝᕕᒋᕚ ᑐᓂᕐᕈᓯᕐᕕᐅᑉ ᑎᐱᑦᓯᐊᕆᒃᑐᒥᒃ ᐳᔫᖅᑎᑦᓯᕕᐅᑉ ᑕᓕᖅᐱᐊᓂ ᓇᖏᕐᓗᓂ. 12ᓴᑲᕅᐊᐅᑉ ᑕᑯᒐᒥᐅᒃ ᖁᐊᖅᓵᖅᐳᖅ, ᑲᑉᐱᐊᓱᑐᐊᓘᓕᕐᓗᓂ. 13ᐂᖏᓕᐅᑉ ᐅᖃᐅᑎᕚ, “ᓴᑲᕅᐊ ᑲᑉᐱᐊᓱᖏᓪᓗᑎᑦ, ᒎᑎᐅᑉ ᑐᒃᓯᐊᕐᖕᓃᑦ ᑐᓴᖅᐹ, ᓄᓕᐊᑦ ᐃᓕᓴᐱ ᐃᕐᖕᓂᖅᑖᓛᖅᐳᖅ, ᑖᓐᓇ ᔪᐊᓇᓯᒥᒃ ᐊᑎᖅᑕᑎᑕᒃᓴᕆᕙᑦ. 14ᖁᔭᓕᓂᕐᖕᒧᑦ ᖁᕕᐊᓱᒍᒫᖅᐳᑎᑦ, ᐅᓄᖅᑐᓄᑦ ᓄᑕᕋᖅ ᐃᕐᖕᓂᐊᖑᒃᐸᑦ ᖁᕕᐊᓲᑕᐅᔪᒫᖅᐳᖅ; 15#ᒨᓯᓯ ᓯᑕᒪᖏᑦ 6:3.ᐊᔪᖏᑦᑐᕐᔪᐊᖑᔪᒫᕐᖕᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᐃᓗᒻᒥᖅᑕᐅᔪᒫᖅᐳᖅ. 16ᐅᑎᖅᑎᑦᓯᔪᒫᖅᐳᖅ ᐃᓴᕆᐊᓕᒥᐅᓂᒃ ᐊᒥᓱᓂᒃ ᐊᑕᓂᕐᖕᒧᑦ ᑖᒃᑯᐊ ᒎᑎᖓᓐᓄᑦ. 17#ᒪᓚᑬ 4:5,6.ᐊᓂᕐᖕᓂᖃᕐᓗᓂ ᐱᔪᓐᓇᕐᖕᓂᖃᕐᓗᓂᓗ ᓇᓚᐅᑦᑍᔪᑐᑦ ᐃᓔᑦᔭᑐᑦ, ᐊᑖᑕᐅᔪᑦ ᐃᓱᒪᒋᔭᖃᑦᓯᐊᓕᖅᑎᑦᓱᒫᖅᐰᑦ ᕿᑐᕐᖓᒥᖕᓂᒃ; ᓈᓚᖏᑦᑐᓪᓗ ᐅᑎᖅᑎᑦᓱᒫᕐᓗᒋᑦ ᓯᓚᑐᔪᒥᒃ ᐃᓱᒪᖃᓕᖅᑎᓪᓗᒋᑦ; ᐊᑕᓂᐅᑉ ᐃᓄᖁᑎᖏᑦ ᐅᐸᓗᖕᒊᔭᕐᓗᒋᑦ ᑖᑦᓱᒧᖓ.”
18ᓴᑲᕅᐊ ᐅᖃᖅᐳᖅ ᐂᖏᓕᒧᑦ, “ᖃᓄᕐᓕ ᑕᒪᓐᓇ ᖃᐅᔨᒪᔪᒫᖅᐸᕌ? ᐃᑦᑑᓕᕋᒪ, ᓄᓕᐊᕋᓗ ᓂᖏᐅᖑᓕᕆᓪᓗᓂ.”
19 #
ᑖᓂᐊᓕ 8:16; 9:21. ᐂᖏᓕᐅᑉ ᑭᐅᕚ, “ᒊᐳᕆᐅᓕᐅᕗᖓ, ᒎᑎᐅᑉ ᓇᔪᒐᖓᓂᓐᖔᖅᐳᖓ; ᑖᑦᓱᒪ ᑎᓕᕚᖓ ᐃᓕᖕᓄᑦ ᐅᖃᕆᐊᖅᑐᖁᓪᓗᖓ; ᑕᒪᑐᒥᖓ ᑐᓴᕈᒥᓇᖅᑐᒥᒃ ᐅᖃᐅᑦᔭᐅᖁᖕᒪᑎᑦ. 20ᑕᑯᒋᑦ, ᐅᖃᕈᓐᓁᓪᓕᓂᐊᖅᐳᑎᑦ ᓂᓪᓕᕈᓐᓁᓪᓕᓗᑎᓪᓗ ᐅᓪᓗᖅ ᑍᓐᓇ ᐅᖃᐅᓯᕆᔭᕋ ᓇᓪᓕᐅᑎᓚᐅᖅᑳᖅᑎᓐᓇᒍ, ᐅᖃᐅᓯᒃᑲ ᐅᒃᐱᕆᖏᓐᓇᕕᒋᑦ, ᓇᓪᓕᐅᑎᕝᕕᓴᖓ ᑎᑭᑉᐸᑦ ᓇᓚᐅᑦᓯᓛᖅᐳᑦ.”
21ᐃᓄᐃᑦ ᐅᑕᖅᑭᓚᐅᖅᐳᑦ ᓴᑲᕅᐊᒥᒃ, ᐃᓱᒪᓪᓗᑎᒃ ᓱᖕᒪᑦ ᐊᑯᓂᐅᓗᐊᓕᕐᖕᒪᖔᑦ. 22ᐊᓂᒐᒥ, ᐃᓄᖕᓄᑦ ᐅᖃᕈᓐᓇᓚᐅᓐᖏᓚᖅ, ᐃᓄᐃᑦ ᖃᐅᔨᓪᓗᑎᒃ ᑕᑯᑎᑕᐅᔪᕕᓂᐅᓂᖓᓂᒃ ᑐᒃᓯᐊᕐᕕᒃᔪᐊᕐᖕᒦᑎᓪᓗᒍ; ᓴᑲᕅᐊ ᐅᖃᕈᓐᓇᖏᓐᓇᒥ ᐃᓄᐃᑦ ᐆᒃᑐᕋᕐᕕᒋᕔᑦ ᐊᒡᒐᖕᒥᓄᑦ.
23ᓴᑲᕅᐊᐅᑉ ᐱᓇᓱᐊᕐᖕᓂᖓ ᑐᒃᓯᐊᕐᕕᒡᔪᐊᕐᖕᒥ ᐃᓱᓕᒻᒪᑦ, ᐃᒡᓗᒥᓄᑦ ᐊᖏᕐᕋᖅᐳᖅ. 24ᑭᖑᓂᖓᒍᑦ ᓄᓕᐊᖓ ᐃᓕᓴᐱ ᓄᑕᕋᒃᓴᖃᓕᖅᐳᖅ, ᐃᒡᓗᒥᓂᑦ ᐊᓂᓚᐅᓐᖏᓚᖅ ᑕᖅᑭᓂᒃ ᑕᓪᓕᒪᓂᒃ, ᐅᖃᕐᓗᓂ, 25“ᑕᕝᕙ ᐊᑕᓂᐅᑉ ᐃᑲᔪᖅᐹᖓ ᑕᑯᓐᓇᓕᕋᒥᖓ, ᕿᑐᕐᖓᖅᑖᕈᓐᓇᖏᓐᓂᕋ ᑲᓐᖑᓲᑎᒋᔭᕋ ᐃᓄᖕᓄᑦ ᐲᖅᐹ.”
ᐂᖏᓕᐅᑉ ᐅᖃᕆᐊᖅᑐᕐᖕᓂᖓ ᒥᐊᕆᒧᑦ ᐃᕐᖕᓂᖅᑖᓛᕐᖕᓂᖓᓂᒃ
26ᑕᖅᑮᑦ ᐱᖓᓲᔪᖅᑐᑦ ᐊᓂᒍᖅᑎᓪᓗᒋᑦ ᒎᑎᐅᑉ ᐂᖏᓕᖁᑎᓂ ᒊᐳᕆᐅᓪ ᑎᓕᕚ ᓄᓇᓕᖕᓄᑦ ᓈᓴᕇᑎᒥᒃ ᐊᑎᓕᖕᒧᑦ ᒐᓕᓕᐊᒦᑦᑐᒧᑦ, 27#ᒫᑎᐅᓯ 1:18.ᐊᕐᖕᓇᒧᑦ ᐊᖑᒻᒧᑦ ᐊᒃᑐᖅᑕᐅᓚᐅᖅᓯᒪᖏᑦᑐᒧᑦ ᒥᐊᕆᒥᒃ ᐊᑎᓕᖕᒧᑦ; ᐊᖏᕈᑕᐅᓯᒪᔪᒧᑦ ᐅᐃᒃᓴᖃᖅᖢᓂ ᔫᓯᐱᒥᒃ ᐊᑎᓕᖕᒥᒃ, ᑍᕕᑎᐅᑉ ᑭᖑᕚᖓᓄᑦ. 28ᐂᖏᓕᐅᑉ ᒥᐊᕆ ᓴᖅᑭᕝᕕᒋᕚ ᐅᖃᐅᑎᓪᓗᒍ, “ᖁᕕᐊᓱᓕᕆᑦ, ᒎᑎᒧᑦ ᖁᕕᐊᒋᔭᐅᒐᕕᑦ, ᐊᑕᓂᐅᑉ ᐃᓚᒋᕚᑎᑦ!”
29ᒥᐊᕆᓕ ᖁᐊᖅᓵᖅᐳᖅ ᐅᖃᐅᓯᕆᔭᖏᓐᓄᑦ, ᐃᓱᒪᓪᓗᓂ ᖃᓄᖅ ᓂᓪᓕᐅᑦᔭᐅᓂᖓ ᑐᑭᖃᕐᖕᒪᖔᑦ. 30ᐂᖏᓕᐅᑉ ᐅᖃᐅᑎᕚ, “ᒥᐊᕆ ᑲᑉᐱᐊᓱᖏᓪᓗᑎᑦ, ᒎᑎᐅᑉ ᖁᕕᐊᒋᖕᒪᑎᑦ. 31#ᒫᑎᐅᓯ 1:21.ᑕᑯᒋᑦ, ᓄᑕᕋᒃᓴᖃᓕᕐᖕᓂᐊᖅᐳᑎᑦ ᐃᕐᖕᓂᖅᑖᕈᒫᕐᓗᑎᓪᓗ, ᑖᓐᓇ ᔩᓱᓯᒥᒃ ᐊᑎᖅᑖᖅᑎᓛᖅᐸᑦ. 32#ᓴᒧᐃᓕ ᐂᑉᐸᖏᑦ 7:12,13,16; ᐂᓮᐊᓯ 9:7.ᑖᓐᓇ ᐊᖏᓂᖅᐹᖑᔪᒫᖅᐳᖅ, ᑍᔭᐅᔪᒫᕐᓗᓂᓗ ᖁᓪᓕᖅᐸᐅᔫᑉ ᐃᕐᖕᓂᖓᓂᒃ; ᐊᑕᓂᐅᑉ ᒎᑎᐅᑉ ᐊᖓᔪᖅᑳᕐᔪᐊᓐᖑᖅᑎᑦᓱᒫᖅᐹ ᓯᕗᓕᕕᓂᖓᑐᑦ ᑍᕕᑎᑐᑦ. 33ᐊᖓᔪᖅᑳᕐᔪᐊᖑᔪᒫᖅᐳᖅ ᔧᑰᑉ ᑭᖑᕚᖏᓐᓂᑦ ᐃᓱᖃᖏᑦᑐᒧᑦ; ᐊᑕᓂᐅᓂᖓ ᐃᓱᖃᕈᒫᓐᖏᓚᖅ.”
34ᒥᐊᕆᐅᑉ ᐂᖏᓕ ᐅᖃᐅᑎᕚ, “ᖃᓄᖅ ᑕᒪᓐᓇ ᐱᓛᖅᐸ, ᐅᐃᖃᖏᓐᓇᒪ?”
35ᐂᖏᓕᐅᑉ ᐅᖃᐅᑎᕚ, “ᐊᓂᕐᖕᓂᐅᑉ ᐃᑦᔪᕐᖕᓁᑦᑑᑉ ᑎᑭᕝᕕᒋᓂᐊᖅᐹᑎᑦ, ᖁᑦᓯᖕᓂᖅᐸᐅᔫᓪᓗ ᐱᔪᓐᓇᕐᖕᓂᖓᑕ ᐅᓕᖕᓂᐊᖅᐹᑎᑦ; ᑍᒤᒻᒪᑦ ᕿᑐᕐᖓᖅᑖᕆᓛᖅᑍᑦ ᐃᑦᔪᕐᖕᓁᓐᓂᕋᖅᑕᐅᔪᒫᖅᐳᖅ, ᒎᑎᐅᑉ ᐃᕐᖕᓂᖓᓂᒃ ᑍᔭᐅᓗᓂ. 36ᑕᑯᒋᑦ, ᐃᓚᒋᔧᑦ ᐃᓕᓴᐱ ᐃᓄᑐᖃᐅᓕᕋᓗᐊᕐᓗᓂ ᐃᕐᖕᓂᖅᑖᕈᒫᓕᖅᐳᖅ; ᑕᖅᑭᓂᒃ ᐱᖓᓲᔪᖅᑐᓂᒃ ᓄᑕᕋᒃᓴᖃᓕᖅᐳᖅ ᑖᓐᓇ ᕿᑐᕐᖏᓱᐃᑦᑑᓂᕋᖅᑕᐅᔪᖅ. 37#ᒨᓯᓯ ᓯᕗᓪᓖᑦ 18:14.ᒎᑎᒥ ᐊᔪᕐᖕᓇᖅᑐᖃᖏᒻᒪᑦ.”
38ᒥᐊᕆ ᐅᖃᖅᐳᖅ, “ᑕᑯᒋᑦ, ᐊᑕᓂᐅᑉ ᐱᔨᒋᕚᖓ; ᐅᖃᐅᓯᕆᔧᑦ ᒪᓕᒡᓗᒍ ᑍᒤᓕᕐᓚᖓ.” ᐂᖏᓕᐅᑉ ᑕᕝᕙ ᕿᒪᒃᐹ.
ᒥᐊᕆᐅᑉ ᐳᓛᕆᐊᕐᖕᓂᖓ ᐃᓕᓴᐱᒧᑦ
39ᐅᓪᓗᐃᑦ ᑖᒃᑯᐊ ᑭᖑᓂᑦᓯᐊᖓᑦᑎᒍᑦ ᒥᐊᕆ ᐸᕐᖕᓇᓕᖅᐳᖅ ᑐᐊᕕᕐᓗᓂ ᐂᓕᖅᐳᖅ ᓄᓇᒧᑦ ᖃᖅᑲᓕᖕᒧᑦ, ᔫᑕᐅᑉ ᐃᒡᓗᒐᓴᖏᓐᓄᑦ, 40ᑎᑭᓐᓇᒥ ᓴᑲᕅᐊᒃᑯᑦ ᐃᒡᓗᖓᓐᓄᐊᖅᐳᖅ ᐃᓕᓴᐱᓗ ᓂᓪᓕᐅᑎᕚ. 41ᐃᓕᓴᐱᐅᑉ ᒥᐊᕆᐅᑉ ᓂᐱᖓ ᑐᓴᕋᒥᐅᒃ, ᓄᑕᕋᒃᓴᖓ ᓈᖓᓂ ᐊᐅᓚᑦᔭᒃᐳᖅ; ᐃᓕᓴᐱᓗ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᐃᓗᒻᒥᖅᑕᐅᕗᖅ. 42ᓂᐱᖅᑯᖅᑐᓪᓗᓂ ᐅᖃᖅᐳᖅ, “ᑐᓱᓐᓇᕐᖕᓂᖅᐹᖑᔪᑎᑦ ᐊᕐᖕᓇᓕᒫᓂᑦ ᓄᓇᒦᑦᑐᓂᑦ, ᓄᑕᕋᒃᓮᑦ ᐃᒡᓕᐊᕐᖕᓃᑦᑐᖅ ᑐᓱᓐᓇᕐᖕᓂᖅᐸᐅᒋᕗᖅ. 43ᑕᒪᓐᓇ ᐱᐅᔪᕐᔪᐊᖅ ᐅᕙᓐᓄᑦ ᐅᒃᐱᕐᖕᓇᑦᓯᐊᖏᒻᒪᕆᒃᐳᖅ, ᐊᑕᓂᕐᖕᒪ ᐊᓈᓇᖓᑕ ᐅᐸᖕᒪᖓ? 44ᑕᑯᒋᑦ, ᓂᐲᑦ ᑐᓴᕋᒃᑯ, ᓄᑕᕋᒃᓴᕋ ᐃᒡᓕᐊᓐᓂ ᖁᕕᐊᓱᖕᓂᕐᖕᒧᑦ ᐊᐅᓚᓕᖅᐳᖅ. 45ᖁᕕᐊᓱᖕᓃᑦ ᑐᓱᓐᓇᒻᒪᕆᒃᐳᖅ ᐅᒃᐱᕈᓱᒃᑲᕕᑦ ᐊᑕᓂᕐᖕᒧᑦ ᐅᖃᐅᑦᔭᐅᓯᒪᓂᕐᖕᓂᒃ ᓇᓪᓚᐅᑦᓯᔪᒫᖅᑐᒥᒃ.”
ᒥᐊᕆᐅᑉ ᓂᖅᑐᐃᓪᓗᓂ ᐃᓐᖏᕐᖕᓂᖓ
46ᒥᐊᕆ ᐅᖃᖅᐳᖅ,
“ᑕᕐᖕᓂᕐᖕᒪ ᐊᑕᓂᖅ ᐊᖏᔪᕈᖅᑎᑉᐹ;
47ᐊᓂᕐᖕᓂᕐᖕᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,
48 #
ᓴᒧᐃᓕ ᓯᕗᓪᓖᑦ 1:11. ᑍᒫᒃ ᐱᔭᐅᔪᒃᓴᐅᑎᓐᓇᖓ ᐱᑎᒻᒪᖓ,
ᑕᑯᒋᑦ, ᒫᓐᓇᒥᑦ ᐱᒋᐊᕐᓗᒍ ᖁᕕᐊᓱᖕᓂᕋ ᐃᓄᖕᓄᑦ ᐅᖃᐅᓯᐅᕙᒍᒫᓕᖅᐳᖅ;
49ᐊᖏᔪᕐᔪᐊᒥᒃ ᐱᑦᓯᐊᕐᕕᐅᒐᒪ ᒎᑎᒧᑦ ᐊᔪᒐᖃᖏᑦᑐᒧᑦ,
ᐊᑎᖓ ᐃᑦᔪᕐᖕᓁᑦᑑᕗᖅ.
50ᓂᑲᒍᓱᒃᐳᖅ ᓯᕘᕋᒋᔨᒥᓄᑦ,
ᑭᖑᕚᕇᓂᑦ ᑭᖑᕚᕇᓄᑦ.
51ᑕᓕᕐᖕᒥᓄᑦ ᓲᖑᔪᒧᑦ ᐱᔪᓐᓇᕐᖕᓂᓂ ᓴᖅᑭᑎᓚᐅᖅᐹ,
ᐃᓱᒪᒥᒍᑦ ᐱᐅᔪᕆᔪᑦ ᓯᐊᒻᒪᖅᑎᑉᐰᑦ.
52 #
ᔫᐱ 5:11; 12:19. ᐊᖓᔪᖅᑳᕐᔪᐊᑦ ᐱᔪᓐᓇᕐᖕᓂᖏᓐᓂᑦ ᐅᕐᕈᑎᑉᐰᑦ,
ᐱᔪᓐᓇᕐᖕᓂᖃᖏᑦᑐᓪᓗ ᓂᑯᕕᑎᑉᐰᑦ.
53ᑳᒃᑐᑦ ᓂᕿᒃᓴᖏᓐᓂᒃ ᑐᓂᓯᕕᒋᕔᑦ ᐱᐅᔪᓂᒃ,
ᐊᔪᖅᓴᖏᑦᑐᑦ ᓱᓇᑖᖅᑎᓐᓇᒋᑦ ᐊᐅᓪᓚᖅᑎᑉᐰᑦ.
54ᓂᑲᒍᓱᖕᓂᓂ ᓯᕗᓪᓕᕕᓂᑦᑎᓐᓄᑦ ᑲᔪᓯᑎᑉᐹ,
ᐃᓄᖁᑎᓂᓗ ᐃᓴᕆᐊᓕᒥᐅᑦ ᐃᑲᔪᖅᐰᑦ.
55 #
ᒨᓯᓯ ᓯᕗᓪᓖᑦ 17:7. #
ᓴᒧᐃᓕ ᓯᕗᓪᓖᑦ 2:1-10. ᐃᖅᑲᐅᒪᒐᒥ ᓂᑲᒍᓱᖕᓂᕐᖕᒥᓂᒃ ᐂᑉᕋᕼᐋᒻᒧᑦ,
ᑭᖑᕚᓕᒫᖏᓐᓄᓪᓗ ᐃᓱᖃᖏᑦᑐᒧᑦ.”
56ᒥᐊᕆ ᓇᔫᑎᓚᐅᖅᐳᖅ ᐃᓕᓴᐱᒥ ᑕᖅᑭᓂᒃ ᐱᖓᓱᓂᒃ, ᑭᖑᓂᖓᒍᑦ ᐊᖏᕐᕋᖅᐳᖅ.
ᔪᐊᓇᓯ ᐹᑉᑎᑎᕆᔨᐅᑉ ᐃᕐᖕᓂᐊᖑᓂᖓ
57ᐃᓕᓴᐱᐅᑉ ᐃᕐᖕᓂᕕᒃᓴᖓ ᓇᓪᓕᐅᑎᖕᒪᑦ, ᐃᕐᖕᓂᖅᑖᖅᐳᖅ. 58ᓄᓇᖅᑲᑎᖏᑕ ᐃᓚᒋᔭᖏᑕᓗ ᑐᓴᕋᒥᑦᔪᒃ ᐊᑕᓂᐅᑉ ᓂᑲᒍᓱᖕᓂᕐᖕᒥᓂᒃ ᐊᖏᔪᒥᒃ ᓴᖅᑭᑎᑦᓯᕕᒋᖕᒪᒍ, ᖁᕕᐊᓱᖃᑎᒋᕚᑦ.
59 #
ᒨᓯᓯ ᐱᖓᔪᖏᑦ 12:3. ᓄᑕᕋᑯᓗᒃ ᐅᓪᓗᖃᓕᕐᖕᒪᑦ 8ᓂᒃ ᑭᐱᔭᐅᔭᖅᑐᖅᐳᖅ; ᐊᑎᖃᖁᔭᐅᓕᕐᓗᓂ ᐊᑖᑕᖓᑐᑦ ᓴᑲᕅᐊᒥᒃ. 60ᐊᓈᓇᖓᓕ ᐃᓕᓴᐱ ᐅᖃᖅᐳᖅ, “ᑍᒫᒃ ᐊᑎᖃᖁᓐᖏᓚᕋ, ᔪᐊᓇᓯᒥᒡᓕ ᐊᑎᖃᕆᐊᖃᖅᐳᖅ.”
61ᑖᒃᑯᐊ ᐃᓕᓴᐱᒧᑦ ᐅᖃᖅᐳᑦ, “ᑍᒫᒡᓕ ᐊᑎᓕᖕᒥᒃ ᐃᓚᖃᖏᑦᑐᑎᑦ.” 62ᐊᑖᑕᖓ ᓴᑲᕅᐊᓯ ᐆᒃᑐᕋᕐᕕᒋᕚᑦ, ᖃᓄᖅ ᓄᑕᕋᑯᓗᒃ ᐊᑎᖃᖁᖕᒪᖔᒍ.
63ᓴᑲᕅᐊᓯ ᑎᑎᕋᕐᕕᒋᓂᐊᖅᑕᒥᓂᒃ ᕾᑕᐅᖁᔨᕗᖅ, ᑎᑎᕋᕐᓗᓂ, “ᔪᐊᓇᓯᒥᒃ ᐊᑎᖃᖅᐳᖅ.” ᑕᕝᕙᓃᑦᑐᓕᒫᑦ ᑲᒪᔪᐊᓘᕗᑦ. 64ᑕᕝᕔᓐᓇᖅ ᓴᑲᕅᐊᓯ ᐅᖃᕈᓐᓇᖅᓯᒋᕗᖅ, ᒎᑎ ᓂᖅᑐᕐᓗᒍ ᐅᖃᓪᓚᓕᖅᐳᖅ. 65ᓄᓇᖃᑎᓕᒫᖏᓪᓗ ᖁᐊᖅᓵᖓᓕᖅᐳᑦ, ᑕᒪᓐᓇ ᐅᖃᐅᓯᐅᓕᖅᐳᖅ ᔫᑎᐊᒥ ᖃᖅᑲᓂ ᓄᓇᖃᖅᑐᓕᒫᓄᑦ. 66ᑐᓴᖅᑐᓕᒫᑦ ᐃᓱᒪᒃᓴᖅᓯᐅᓕᖅᐳᑦ, ᐅᖃᕐᓗᑎᒃ, “ᖃᓄᐃᓕᐅᖅᑎᒃᓴᐅᒑᒦᓐᓇ ᓄᑕᕋᑯᓗᒃ?” ᓇᓗᓇᓚᐅᖏᒻᒪᑦ ᐊᑕᓂᐅᑉ ᐱᔪᓐᓇᕐᖕᓂᖓᑕ ᓇᔪᕐᖕᒪᒍ.
ᓴᑲᕅᐊᓯᐅᑉ ᒎᑎᒥᑦ ᐅᖃᖅᑎᑕᐅᓂᖓ
67ᔪᐊᓇᓯᐅᑉ ᐊᑖᑕᖓ ᓴᑲᕅᐊ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᐃᓗᒻᒥᖅᑕᐅᒐᒥ, ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓕᖅᐳᖅ:
68“ᐊᑕᓂᖅ ᓮᒻᒪᖅᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ,
ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᖅᑐᕐᖕᒪᒋᑦ,
69ᐱᐅᓕᔨᕐᔪᐊᒥᒃ ᑐᓂᓯᕕᒋᖕᒪᑎᒍᑦ,
ᐱᔨᒥ ᑍᕕᑎᐅᑉ ᑭᖑᕚᖏᓐᓂ.
70ᐅᖃᖅᓯᒪᒐᒥ ᓇᓚᐅᑦᑍᔪᖁᑎᒥᒍᑦ ᐃᑦᔪᕐᖕᓁᑦᑐᑎᒍᑦ,
71ᓴᐳᑎᔪᒪᓪᓗᑕ ᐊᑭᕋᖅᑐᖅᑎᑦᑎᓐᓂᑦ,
ᖀᒥᒋᔨᑦᑕᓗ ᐊᒡᒐᖏᓐᓂᑦ.
72ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ,
ᐊᖏᖅᓯᒪᓂᓂᓗ ᐃᑦᔪᕐᖕᓁᑦᑐᖅ ᐃᖅᑲᐅᒪᓪᓗᒍ.
73ᐂᑉᕋᕼᐋᒻᒧᑦ ᓯᕗᓕᕕᓂᑦᑎᓐᓄᑦ ᐅᖃᕕᒃᓯᒪᒐᒥ,
74ᓴᐳᑎᔪᒪᓪᓗᑕ ᐊᑭᕋᖅᑐᖅᑎᑦᑕ ᐊᒡᒐᖏᓐᓂᑦ,
ᓯᕘᕋᒋᔭᖃᖏᓪᓗᑕ ᐱᔨᑦᓯᑦᓯᐊᕈᓐᓇᖁᓪᓗᑕ ᒎᑎᒥᒃ,
75ᐃᑦᔪᕐᖕᓁᓐᓂᕐᖕᒥ ᓈᒻᒪᒋᔭᐅᓂᕐᖕᒥᓗ
ᑖᑦᓱᒪ ᓵᖓᓂ ᐃᓅᓯᑦᑕ ᐃᓱᐊᓄᑦ.
76 #
ᒪᓚᑬ 3:1. ᐃᓛᒃ ᐃᕝᕕᑦ ᓄᑕᕋᖅ,
ᑍᔭᐅᔪᒫᖅᐳᑎᑦ ᖁᑦᓯᖕᓂᖅᐸᑉ ᓇᓚᐅᑍᔪᖁᑎᖓᓂᒃ;
ᐊᑕᓂᐅᑉ ᓯᕗᓕᕆᔪᒫᕐᖕᒪᑎᑦ ᐊᖅᑯᑎᒃᓴᖓᓂᒃ ᐋᖅᑭᒃᓱᐃᓗᑎᑦ,
77ᖃᐅᔨᑎᑦᓯᖁᓪᓗᑎᑦ ᐃᓄᖁᑎᖏᓐᓂᒃ ᐱᐅᓕᔭᐅᕕᒃᓴᒥᒃ,
ᐊᔪᕐᖕᓂᖏᑕ ᐃᓱᒪᒋᔪᓐᓁᖅᑕᐅᓂᖏᑎᒍᑦ.
78ᒎᑎᑦᑕ ᓂᑲᒍᓱᖕᓂᕐᔪᐊᖓᒍᑦ,
ᐱᐅᓕᔭᐅᓂᖅ ᖃᐅᓕᖅᑐᑐᑦ ᐅᓪᓛᑐᑦ ᓴᖅᑭᑎᑦᓱᒫᖅᐹ ᐅᕙᑦᑎᓐᓄᑦ.
79 #
ᐂᓮᐊᓯ 9:2. ᖃᐅᒻᒪᒃᑎᓪᓗᒋᑦ ᑖᖅᑐᒥ ᐃᓅᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ,
ᐃᑎᒐᕗᓪᓗ ᑕᓯᐅᕐᓗᒋᑦ ᐊᖅᑯᒻᒧᑦ ᓮᒻᒪᖅᑎᑕᐅᓇᖅᑐᒧᑦ.”
80ᓄᑕᕋᑯᓗᒃ ᐱᕈᖅᐸᓪᓕᐊᓕᖅᐳᖅ ᑎᒥᒥᒍᑦ ᐊᓂᕐᖕᓂᒃᑯᓪᓗ ᓴᓐᖏᔫᓕᕐᓗᓂ, ᐃᓄᖃᖏᑦᑐᒥ ᐃᓂᖃᓚᐅᖅᐳᖅ ᐅᓪᓗᖅ ᐃᓴᕆᐊᓕᒥᐅᓄᑦ ᐱᓇᓱᐊᕐᕕᒋᓂᐊᖅᑕᓂ ᑎᑭᓪᓗᒍ.
Currently Selected:
ᓘᑲᓯᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.