YouVersion Logo
Search Icon

ᔪᐊᓇᓯᐅᑉ ᐊᒡᓚᖏᑦ 14

14
ᔩᓱᓯᐅᑉ ᐊᖅᑯᑕᐅᓂᖓ ᐊᑖᑕᒧᑦ
1“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ. 2ᐊᑖᑕᒪ ᐃᒡᓗᖓᓂ ᐃᓂᒃᓴᖃᖅᐳᖅ ᐊᒥᓱᓂᒃ; ᐂᓂᐊᖅᐳᖓ ᐃᓂᒃᓴᓕᐅᕆᐊᖅᑐᕐᓗᓯ, ᑍᒤᖏᑉᐸ ᑕᒪᑐᒥᖓ ᐅᖃᐅᑎᒐᔭᓐᖏᓚᑦᓯ. 3ᐂᓂᐊᕈᒪᓕ ᐃᓂᒃᓴᓕᐅᕆᐊᖅᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ. 4ᐊᖅᑯᑦ ᖃᐅᔨᒪᕙᓯ ᐂᕕᒋᓂᐊᖅᑕᓐᓄᑦ ᑐᕌᖓᔪᖅ.”
5ᑑᒪᓯᐅᑉ ᐅᖃᐅᑎᕚ, “ᐊᑕᓃᖅ ᖃᐅᔨᒪᓐᖏᓚᒍᑦ ᓇᒧᑦ ᐂᓂᐊᕐᖕᒪᖔᖅᐱᑦ; ᖃᓄᕐᓕ ᐊᖅᑯᒻᒥᒃ ᖃᐅᔨᒪᔪᓐᓇᖅᐱᑖ?”
6ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᖅᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ. 7ᖃᐅᔨᒪᒍᑦᓯᓐᖓ, ᐊᑖᑕᒐ ᖃᐅᔨᒪᒐᔭᕆᕙᓯ; ᒫᓐᓇᓕ ᖃᐅᔨᒪᓕᖅᐸᓯ ᑕᑯᓯᒪᕙᓯᓗ.”
8ᐱᓕᑉᐴᓯᐅᑉ ᐅᖃᐅᑎᕚ, “ᐊᑕᓃᖅ, ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ; ᓈᒻᒪᒃᓯᓂᐊᖅᐳᒍᑦ ᑕᕝᕙ.”
9ᔩᓱᓯᐅᑉ ᐅᖃᐅᑎᕚ, “ᐊᑯᓂᐊᓗᒃ ᓇᔪᓕᖅᐸᑦᓯ, ᓱᓕ ᖃᐅᔨᒪᓐᖏᓚᕐᖕᒪ ᐱᓕᑉᐴᓯ? ᐅᕙᓐᓂᒃ ᑕᑯᓯᒪᔫᑉ ᐊᑖᑕ ᑕᑯᓯᒪᒋᕚ; ᓱᖕᒪᓪᓖ ᐅᖃᖅᐱᑦ, ‘ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ’? 10ᐅᒃᐱᕈᓱᓐᖏᓚᑏᑦ ᐊᑖᑕᒦᓐᓇᒪ, ᐊᑖᑕᓗ ᐅᕙᓐᓃᒻᒪᑦ? ᐅᖃᐅᓰᑦ ᐅᖃᐅᓯᕆᔭᒃᑲ ᐃᓕᑦᓯᓐᓄᑦ ᐅᕙᓐᓂᑦ ᓇᖕᒥᓂᓐᓂᑦ ᐱᓯᒪᓐᖏᓚᑦ; ᐊᑖᑕᐅᓪᓕ ᐅᕙᓐᓃᑦᑑᑉ ᐱᓂᐊᕐᖕᓃᑦ ᐱᓂᐊᕐᖕᓂᕆᕔᑦ. 11ᐅᒃᐱᕆᓯᓐᖓ ᐊᑖᑕᓐᓃᓐᓇᒪ, ᐊᑖᑕᓗ ᐅᕙᓐᓃᒻᒪᑦ; ᐊᔪᕈᑦᓯᓕ, ᐱᓂᐊᕐᖕᓂᕆᔭᒃᑲ ᐱᓪᓗᒋᑦ ᐅᒃᐱᕆᓯᓐᖓ. 12ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᖅᑑᑉ ᐱᓂᐊᕐᖕᓃᑦ ᐱᓂᐊᕐᖕᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᖅᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᖅᐳᖅ, ᐊᑖᑕᒧᑦ ᐂᓂᐊᕋᒪ. 13ᓱᓇᒥᒡᓘᓐᓃᑦ ᑐᒃᓯᐊᕐᖕᓂᐊᕈᑦᓯ ᐊᑎᓐᓂ, ᐱᓇᓱᐊᕐᖕᓂᐊᖅᐳᖓ, ᐊᑖᑕ ᓂᖅᑐᕐᖕᓇᖅᑎᑕᐅᖁᓪᓗᒍ ᐃᕐᖕᓂᕐᖕᒥᒍᑦ; 14ᑐᒃᓯᐊᕈᑦᓯ ᓱᓇᑐᐃᓐᓇᕐᖕᒥᒃ ᐊᑎᓐᓂ, ᐱᓇᓱᐊᕐᖕᓂᐊᖅᐳᖓ.”
ᐊᓂᕐᖕᓂᐅᑉ ᐃᑦᔪᕐᖕᓁᑦᑑᑉ ᑐᓂᔭᐅᔪᒫᕐᖕᓂᖓ
15“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᖅᐸᓯ. 16ᐊᑖᑕᓗ ᑐᒃᓯᐊᕐᕕᒋᓂᐊᖅᐸᕋ, ᐃᑲᔪᖅᑎᒋᑲᓐᓂᕐᓂᐊᖅᑕᑦᓯᓐᓂᒃ ᑐᓂᓯᖁᓪᓗᒍ ᐃᓕᑦᓯᓐᓄᑦ, ᐃᓕᑦᓯᓐᓃᑦᓮᓐᓇᕐᖕᓂᐊᖅᑐᒥᒃ ᐃᓱᖃᖏᑦᑐᒧᑦ, 17ᑖᓐᓇᐅᕗᖅ ᐊᓂᕐᖕᓂᖅ ᓱᓕᔪᒥᑦ ᐱᔪᖅ, ᓯᓚᕐᔪᐊᕐᖕᒥᐅᑦ ᐱᔪᓐᓇᓐᖏᑕᖓᑦ, ᑕᑯᔪᓐᓇᖏᓐᓇᒥᑦᔪᒃ ᖃᐅᔨᒪᖏᓐᓇᒥᑦᔪᒡᓗ; ᐃᓕᑦᓯᓕ ᖃᐅᔨᒪᕙᓯ, ᐃᓕᑦᓯᓐᓃᒻᒪᑦ, ᐃᓗᓯᓐᓃᓐᓂᐊᕐᖕᒪᓪᓗ.
18“ᐃᓕᐊᕐᔪᒃᑎᑐᑦ ᕿᒪᖕᓂᐊᓐᖏᓚᑦᓯ; ᐅᑎᓛᕆᕗᖓᓕ ᐃᓕᑦᓯᓐᓄᑦ. 19ᐊᑯᓂᐅᖏᑦᑐᖅ ᓯᓚᕐᔪᐊᕐᖕᒥᐅᑦ ᑕᑯᖃᑦᑕᕐᖕᓂᐊᕈᓐᓃᖅᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ. 20ᐅᓪᓗᖅ ᑖᓐᓇ ᓇᓪᓕᐅᑎᒃᐸᑦ ᖃᐅᔨᔪᒫᖅᐳᓯ ᐊᑖᑕᓐᓃᓐᓇᒪ, ᐃᓕᑦᓯᓗ ᐅᕙᓐᓃᓐᓇᑦᓯ, ᐅᕙᖓᓗ ᐃᓗᑦᓯᓐᓃᓐᓇᒪ.
21“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᖅᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᖅᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”
22ᔫᑕᓯᐅᑉ ᐅᖃᐅᑎᕚ (ᐃᔅᑲᕆᐊᑎᐅᖏᑦᑑᑉ), “ᐊᑕᓃᖅ, ᓱᖕᒪᑦ ᐃᓕᖕᓂᒃ ᖃᐅᔨᔭᐅᑎᑦᓱᒪᕕᑦ ᐅᕙᑦᑎᓐᓄᑦ, ᓯᓚᕐᔪᐊᕐᖕᒥᐅᓄᓪᓗ ᖃᐅᔨᔭᐅᑎᑦᓱᒪᓇᒃ?”
23ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᖅᐰᑦ, ᐊᑖᑕᒪᓗ ᓇᒡᓕᒋᓂᐊᖅᐹ, ᐊᑖᑕᒐᓗ ᐅᕙᒍᒃ ᑎᑭᓛᖅᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ. 24ᐅᕙᓐᓂᒡᓕ ᓇᒡᓕᒍᓱᖏᑦᑑᑉ ᐅᖃᐅᓯᒃᑲ ᒪᓕᓐᖏᓔᑦ; ᐅᖃᐅᓰᑦ ᑐᓴᖅᑕᓯ ᐱᒋᓐᖏᓚᒃᑲ ᐊᑖᑕᒥᓪᓕ ᑎᓕᔨᓐᓂᑦ ᐱᕗᑦ.
25“ᑕᒪᒃᑯᓂᖓ ᐅᖃᓪᓚᒡᕕᒋᕙᑦᓯ ᓱᓕ ᐃᓕᑦᓯᓐᓂ ᓇᔫᑎᓂᓐᓂ. 26ᐃᑲᔪᖅᑎᒃᓴᕐᓕ, ᐊᓂᕐᖕᓂᖅ ᐃᑦᔪᕐᖕᓁᑦᑐᖅ, ᐊᑖᑕᐅᑉ ᑎᓕᓛᖅᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᖅᑐᕈᒫᖅᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᖅᑕᓕᒫᓐᓂᒃ ᐃᓕᑦᓯᓐᓄᑦ.
27“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᖕᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ. 28ᑐᓴᖅᐳᓯ ᐅᖃᐅᑎᒐᑦᓯ, ‘ᐊᐅᓪᓚᕐᖕᓂᐊᕋᒪ, ᐅᑎᕈᒫᕆᕗᖓᓕ ᐃᓕᑦᓯᓐᓄᑦ.’ ᓇᒡᓕᒋᒍᑦᓯᓐᖓ, ᑕᕝᕙ ᖁᕕᐊᓱᒃᑲᔭᖅᐳᓯ, ᐊᑖᑕᒧᑦ ᐂᓂᐊᕐᖕᓂᕋ ᐱᓪᓗᒍ; ᐊᑖᑕ ᐊᖏᓂᖅᓴᐅᖕᒪᑦ ᐅᕙᓐᓂᑦ. 29ᑕᒪᓐᓇ ᐃᓕᑦᓯᓐᓄᑦ ᐅᖃᐅᓯᕆᕙᕋ ᓇᓪᓕᐅᑎᖅᑳᖅᑎᓐᓇᒍ, ᑕᒪᓐᓇ ᓇᓪᓕᐅᑎᒃᐸᑦ ᐅᒃᐱᓕᖁᓪᓗᓯ. 30ᐊᑯᓂ ᐅᖃᓪᓚᕕᒋᓂᐊᕈᓐᓃᖅᐸᑦᓯ, ᓯᓚᕐᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᖕᒪᑦ. ᐅᕙᓐᓄᓪᓗ ᐱᔪᓐᓇᕐᖕᓂᖃᕋᓂ; 31ᓯᓚᕐᔪᐊᕐᖕᒥᐅᑦ ᑐᑭᓯᓕᖁᓪᓗᒋᑦ ᐊᑖᑕ ᓇᒡᓕᒋᒐᒃᑯ; ᑍᒤᒻᒪᑦ ᐱᓇᓱᐊᖅᐳᖓ ᐊᑖᑕᒪ ᐱᓇᓱᐊᖅᑕᐅᖁᓚᐅᖅᑕᖏᓐᓂᒃ.
“ᒪᑭᓪᓗᓯ, ᑕᒫᓐᖓᑦ ᓅᓕᖅᑕ.”

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy