ᕼᐆᓯᐊᑉ ᐊᒡᓚᖏᑦ 1
1
1 #
ᐊᑕᓃᑦ ᐂᑉᐸᖏᑦ 15:1-7; ᑯᕉᓂᑲ ᐂᑉᐸᖏᑦ 26:1-23;
ᐊᑕᓃᑦ ᐂᑉᐸᖏᑦ 15:32-38; ᑯᕉᓂᑲ ᐂᑉᐸᖏᑦ 27:1-8;
ᐊᑕᓃᑦ ᐂᑉᐸᖏᑦ 16:1-20; ᑯᕉᓂᑲ ᐂᑉᐸᖏᑦ 28:1-27;
ᐊᑕᓃᑦ ᐂᑉᐸᖏᑦ 18:1—20:21; ᑯᕉᓂᑲ ᐂᑉᐸᖏᑦ 29:1—32:33;
ᐊᑕᓃᑦ ᐂᑉᐸᖏᑦ 14:23-29. ᐊᑕᓂᐅᑉ ᐅᖃᐅᓯᖓ ᕼᐆᓯᐊᒧᑦ ᑎᑭᑉᐳᖅ ᐲᕆᐅᑉ ᐃᕐᖕᓂᖓᓄᑦ, ᐅᑯᐊ ᔫᑕᒥ ᑭᖑᓕᕇᒃᓗᑎᒃ ᐊᖓᔪᖅᑳᕐᔪᐊᖑᑎᓪᓗᒋᑦ ᐅᓮᐊ, ᔫᑕᒻ, ᐂᕼᐊᔅ, ᕼᐃᓯᑬᐊᓗ, ᐊᖓᔪᖅᑳᕐᔪᐊᖑᑎᓪᓗᒋᑦ ᔫᑕᒥ, ᔨᕈᐳᐊᒻᓗ ᔪᐊᓯᐅᑉ ᐃᕐᖕᓂᖓ, ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥ.
ᕼᐆᓯᐊᑉ ᓄᓕᐊᖓ ᕿᑐᕐᖓᖏᓪᓗ
2ᐊᑕᓂᖅ ᓯᕗᓪᓕᖅᐹᒥᒃ ᐅᖃᖅᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᖅᐳᖅ ᕼᐆᓯᐊᒧᑦ, “ᓄᓕᐊᓂᒋᐊᖅᑐᓕᕆᑦ ᐊᖑᓐᓂᐊᖅᑎᒥᒃ ᕿᑐᕐᖏᐅᖅᓗᑎᓪᓗ ᐊᖑᓐᓂᐊᖅᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᖅᓯᒪᔪᕐᔪᐊᖑᖕᒪᑦ ᐊᑕᓂᕐᖕᒥᒃ ᕿᒤᓯᒪᓂᕐᖕᒥᒍᑦ.”
3ᑕᕝᕙ ᕼᐆᓯᐊ ᐂᕗᖅ ᓄᓕᐊᓂᒡᓗᓂᓗ ᒎᒪᒥᒃ ᑎᑉᓔᒥᐅᑉ ᐸᓂᖓᓂᒃ, ᑖᓐᓇᓗ ᕿᑐᕐᖓᒃᓴᖃᓕᖅᐳᖅ ᐃᕐᖕᓂᖅᑖᖅᓗᑎᒡᓗ. 4#ᐊᑕᓃᑦ ᐂᑉᐸᖏᑦ 10:11.ᐊᑕᓂᕐᓗ ᐅᖃᖅᐳᖅ ᕼᐆᓯᐊᒧᑦ, “ᐊᑦᓯᕈᒃ ᔨᔭᕆᐅᓪᒥᒃ; ᐊᑯᓂᐅᑦᔮᔪᓐᓁᕐᖕᒪᑦ, ᓱᒋᐊᖅᓯᓂᕆᓂᐊᖅᑕᕋ ᔨᕼᐆᑉ ᑭᖑᕚᖏᓐᓂᒃ ᔨᔭᕆᐅᑉ ᑐᖁᕋᖅᑕᐅᓯᒪᓂᖓᓄᑦ, ᐃᓴᕆᐊᓕᒥ ᐊᖓᔪᖅᑳᕐᔪᐊᖃᕐᖕᓂᖅ ᓄᖅᑲᖅᑎᓐᓂᐊᓕᕋᒃᑯ. 5ᔨᔭᕆᐅᓪᓗ ᓇᖅᓴᖓᓂ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ, ᐃᓴᕆᐊᓕᒥᐅᑦ ᐅᓇᑕᖅᑐᒃᓴᖁᑎᖏᑕ ᐱᑎᒃᓯᖏᑦ ᓇᐱᔪᒫᖅᐸᒃᑲ.”
6ᒎᒪᓗ ᕿᑐᕐᖓᖅᑖᒃᑲᓐᓂᖅᐳᖅ ᐸᓂᒃᑖᖅᓗᓂᓗ. ᐊᑕᓂᕐᓗ ᐅᖃᖅᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᕈᕼᐊᒪᒥᒃ,’ ᓂᑲᒋᓂᐊᕈᓐᓃᕋᒃᑭᑦ ᐃᓴᕆᐊᓕᒥᐅᑦ ᑭᖑᕚᖏᑦ, ᐃᓱᒪᒋᔪᓐᓁᕐᕕᒋᓂᐊᕈᓐᓃᖅᓗᒋᓪᓗ. 7ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᖅᐸᒃᑲ, ᐱᐅᓕᔪᒫᖅᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᖕᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”
8ᒎᒪ ᐊᒫᒪᒃᑎᑦᓯᔪᓐᓃᕋᒥ ᐸᓂᖕᒥᓂᒃ ᓘ-ᕈᕼᐊᒪᒥᒃ, ᓄᑕᕋᒃᓴᑖᕆᕗᖅ ᐃᕐᖕᓂᖅᑖᖅᓗᓂᓗ. 9ᐊᑕᓂᕐᓗ ᐅᖃᖅᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᐋᒥᒥᒃ,’ ᐃᓴᕆᐊᓕᒥᐅᑦ ᐃᓄᖁᑎᒋᖏᓐᓇᒃᑭᑦ ᑖᒃᑯᓄᖓᓗ ᒎᑎᒋᔭᐅᓇᖓ.”
ᐃᓴᕆᐊᓕᒥᐅᑦ ᐅᑎᖅᑎᑕᐅᔪᒫᕐᖕᓂᖏᑦ
10 #
ᕉᒪᒥᐅᓄᑦ 9:26. ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᖅᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᖅᑎᒋᔪᒫᖅᐳᑦ, ᐆᒃᑐᕋᖅᑕᐅᔪᓐᓇᖏᓪᓗᑎᒃ ᓈᓴᖅᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᖅᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.” 11ᔫᑕᐅᑉ ᐃᓄᖏᑦ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᒃᑲᓐᓂᕈᒫᕆᕗᑦ, ᓇᖕᒥᓂᕐᓗ ᓂᕈᐊᕈᒫᖅᐳᑦ ᓯᕗᓕᖅᑎᒃᓴᒥᖕᓂᒃ ᐊᑕᐅᓯᕐᖕᒥᒃ; ᓄᓇᒥᖕᓂᓗ ᒪᑭᑦᓱᒫᖅᐳᑦ, ᔨᔭᕆᐅᓪᓗ ᐅᓪᓗᖓ ᐊᖏᔪᕐᔪᐊᖑᓕᕈᒫᖅᐳᖅ.
Currently Selected:
ᕼᐆᓯᐊᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.