ᐃᓯᑭᐊᓕᐅᑉ ᐊᒡᓚᖏᑦ 1
1
ᐃᓯᑭᐊᓕᐅᑉ ᑕᑯᑎᑕᐅᓂᖓ ᓯᕗᓪᓕᖅᐹᖅ ᒎᑎᒥᒃ
(1:1—7:27)
ᒎᑎᐅᑉ ᐃᒃᓯᕙᐅᑕᕐᔪᐊᖓ
1 #
ᑕᑯᑎ 19:11. ᐊᕐᕌᒍᑦ 13ᒋᓕᖅᑕᖏᓐᓂ, ᑕᖅᑮᑦ ᓯᑕᒪᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᐅᓪᓚᕈᑦᔭᐅᓯᒪᔪᓂ ᓄᓇᖃᖃᑕᐅᑎᓪᓗᖓ ᑰᑉ ᓰᐸᕆᒥᒃ ᐊᑎᓕᐅᑉ ᖃᓂᒋᔮᓂ ᐹᐱᓘᓂᐅᑉ ᓄᓇᖓᓂ, ᕿᓚᒃ ᐊᖕᒪᖅᑐᖅ ᑕᑯᕙᕋ ᑕᑯᑎᑕᐅᓪᓗᖓᓗ ᒎᑎᒥᑦ. 2#ᐊᑕᓃᑦ ᐂᑉᐸᖏᑦ 24:10-16; ᑯᕉᓂᑲ ᐂᑉᐸᖏᑦ 36:9,10.ᑕᖅᑭᐅᑉ ᐅᓪᓗᖏᑕ ᑕᓪᓕᒪᖓᓐᓂ. (ᐊᕐᕌᒍᐃᑦ ᑕᓪᓕᒪᒋᓕᖅᑕᖓᓐᓂ ᐊᖓᔪᖅᑳᕐᔪᐊᑉ ᔨᕼᐅᐃᐊᑭᓂᐅᑉ ᐊᐅᓪᓚᕈᑦᔭᐅᓂᖓᑕ ᑭᖑᓂᖓᓂ.) 3ᐊᑕᓂᖅ ᐅᖃᖅᐳᖅ ᐃᓯᑭᐊᓕᒧᑦ ᑐᓂᕐᕈᓯᖅᑎᑦᓯᔨᒧᑦ, ᐳᔾᔧᑎᐅᑉ ᐃᕐᖕᓂᖓᓄᑦ, ᑲᐅᓪᑎᐊᒥᐅᑦ ᓄᓇᖓᓂ ᑰᑉ ᓰᐸᕆᐅᑉ ᖃᓂᒋᔮᓂ; ᐱᔪᓐᓇᕐᖕᓂᖓᓄᓪᓗ ᓇᔪᖅᑕᐅᓕᖅᐳᖅ ᑕᕝᕙᓂ.
4ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᖅᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᖅᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᖅᑐᖃᖅᐳᖅ ᓴᕕᕋᔭᒃᑐᑦ ᕿᓪᓕᖅᑐᒥᒃ. 5#ᑕᑯᑎ 4:6.ᑖᑦᓱᒪᓗ ᐊᓄᕆᕐᔪᐊᑉ ᕿᑎᖓᓃᑦᑐᖃᖅᐳᖅ ᐆᒪᔪᐊᓗᖕᓂᒃ ᓯᑕᒪᓂᒃ. ᑖᒃᑯᐊᓗ ᐃᓄᒃᑎᑐᑦ ᑕᐅᑦᑐᖃᖅᐳᑦ. 6ᐊᑐᓂᓪᓗ ᑖᒃᑯᐊ ᓯᑕᒪᓂᒃ ᑮᓇᖃᖅᐳᑦ, ᓯᑕᒪᓂᒡᓗ ᐊᑐᓂᑦ ᐃᓴᕈᖃᖅᓗᑎᒃ. 7ᓂᐅᖏᑦ ᐃᓯᕕᖓᓪᓗᐊᖅᐳᑦ, ᐊᓗᖏᓪᓗ ᑐᒃᑐᕙᐅᑉ ᓄᕐᕋᖏᑕ ᐊᓗᖏᑎᑐᑦ ᐊᓗᖃᖅᐳᑦ; ᑲᓐᓄᔭᑎᑐᑦ ᕿᓪᓚᕆᒃᓴᖅᓯᒪᔪᑎᑐᑦ ᕿᓪᓕᖅᑎᒋᔪᓂᒃ. 8ᓯᑕᒪᓂᒃ ᑮᓇᖃᖅᐳᑦ ᓯᑕᒪᓂᒡᓗ ᐃᓴᕈᖃᖅᓗᑎᒃ; ᓯᑕᒪᓂᒡᓗ ᐊᑐᓂᑦ ᐊᒡᒐᖃᖅᐳᑦ ᐃᓴᕈᕐᖕᒥ ᐊᑖᒍᑦ. 9ᐃᓴᕈᖏᑦ ᐃᒻᒥᖕᓄᑦ ᐊᒃᑐᐊᖃᑦᑕᐅᑎᕗᑦ; ᐊᐅᓚᑦᔭᒑᖓᒥᒃ ᐊᑕᐅᑦᓯᒃᑯᑦ ᐃᖏᕐᕋᓯᖃᑦᑕᖅᐳᑦ, ᑎᒥᖏᑦ ᓴᖑᔭᕆᐊᖃᕋᑎᒃ.
10 #
ᐃᓯᑭᐊᓕ 10:14; ᑕᑯᑎ 4:7. ᐊᑐᓂᓪᓗ ᑮᓇᖏᑕ ᓯᑕᒪᑦ ᑕᐅᑦᑐᖏᑦ ᐃᒤᓕᖓᕗᑦ, ᓵᖓᓃᑦᑐᑦ ᐊᑐᓂᑦ ᐃᓄᒃᑎᑐᑦ ᑮᓇᖃᖅᐳᑦ, ᑕᓕᖅᐱᐊᓃᑦᑐᑦ ᓛᔭᑎᑐᑦ, ᓴᐅᒥᐊᓃᑦᑐᑦ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᑎᑐᑦ, ᑐᓄᐊᓃᑦᑐᓪᓗ ᓇᒃᑐᕋᓕᒃᑎᑐᑦ. 11ᑍᒫᒃ ᑕᕝᕙ ᑮᓇᖃᖅᐳᑦ. ᐊᑐᓂᓪᓗ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ ᐊᒃᑐᐊᖃᑦᑕᐅᑎᓪᓗᑎᒃ, ᐃᓴᕈᖏᑕᓗ ᐂᑉᐸᖏᓐᓄᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ. 12ᑖᒃᑯᐊᓗ ᐊᑐᓂᑦ ᓇᒧᑐᐃᓐᓇᖅ ᓵᓐᖓᔭᒥᖕᓄᑦ ᐃᖏᕐᕋᔪᓐᓇᖅᐳᑦ; ᐊᓂᕐᖕᓂᖅ ᓇᒧᑐᐃᓐᓇᖅ ᐃᖏᕐᕋᓯᑐᐊᕌᖓᑦ, ᐃᖏᕐᕋᓯᖃᑦᑕᖅᐳᑦ, ᓴᖑᓇᓱᒋᐊᖃᕋᑎᒃ.
13 #
ᑕᑯᑎ 4:5. ᐆᒪᔪᐊᓗᐃᓪᓗ ᐊᑯᕐᖓᓐᓃᑦᑐᖃᖅᐳᖅ ᐊᐅᒪᐅᔮᖅᑐᓂᒃ ᐃᑯᐊᓚᔪᓂᒃ, ᓇᓂᕈᐊᑎᑐᑦ ᑍᒤᑦᑐᒥᒃ ᐃᖏᕐᕋᔪᖃᖅᐳᖅ ᐆᒪᔪᐊᓗᐃᑦ ᐊᑯᕐᖓᓐᓂ; ᐃᑯᒪᖓᓗ ᖃᐅᒻᒪᕆᒃᐳᖅ, ᐃᑯᒪᔪᒥᓪᓗ ᑕᕝᕙᓐᖓᑦ ᖃᐅᒻᒪᓪᓚᒃᑐᖃᖃᑦᑕᖅᐳᖅ. 14ᐆᒪᔪᓪᓗ ᑖᒃᑯᐊ ᓱᒃᑲᔪᐊᓘᓪᓘᑎᒃ ᐊᕙᒻᒧᑲᐅᖅᑐᕈᓐᓇᖅᐳᑦ, ᖃᐅᒻᒪᓚᒃᑎᑐᑦ ᓱᒃᑲᑎᒋᔪᒥᒃ.
15 #
ᐃᓯᑭᐊᓕ 10:9-13. ᑖᒃᑯᓂᖓ ᐆᒪᔪᓂᒃ ᑕᑯᓐᓇᖅᑎᓪᓗᖓ, ᑕᑯᓕᕆᕗᖓ ᐊᒃᓴᓗᐊᓂᒃ ᓯᑕᒪᓂᒃ ᓄᓇᒧᑦ ᐊᒃᑐᐊᔪᓂᒃ ᐆᒪᔪᑦ ᓴᓂᐊᓃᑦᑐᓂᒃ, ᐊᑐᓂᑦ ᑖᒃᑯᐊ ᐆᒪᔪᑦ ᓯᑕᒪᑦ ᐱᒋᔭᖏᓐᓂᒃ. 16ᐊᒃᓴᓗᐊᓪᓗ ᑖᒃᑯᐊ ᑕᐅᑦᑐᖏᑦ ᓴᓇᒪᓂᖏᓪᓗ: ᕿᓪᓕᖅᑐᐊᓘᕗᑦ ᐅᔭᕋᒃᑎᑐᑦ ᐱᐅᔪᒃᓴᔭᓪᓚᕆᒃᑎᑐᑦ; ᐊᑐᓂᓪᓗ ᓯᑕᒪᑦ ᐊᑦᔨᒌᒥᒃ ᑕᐅᑦᑐᖃᖅᐳᑦ, ᐊᒃᓴᓗᐊᓪᓗ ᓴᓇᓯᒪᓂᖏᑦ ᐃᓗᐊᒍᑦ ᐊᒃᓴᓗᐊᖃᒃᑲᓐᓂᖅᑑᔮᖅᐳᑦ. 17ᑖᒃᑯᐊ ᐊᒃᓴᓗᐊᑦ ᑍᒤᓕᖓᓂᕐᖕᒥᖕᓄᑦ ᓇᓪᓕᐊᓐᓄᑐᐃᓐᓇᖅ ᓯᑕᒤᓄᑦ ᓵᓐᖓᑐᐃᓐᓇᖅᑕᒥᖕᓄᑦ ᐃᖏᕐᕋᓯᔫᒥᔪᓐᓇᖅᐳᑦ ᓴᖑᔭᕆᐊᖃᕋᑎᒃ. 18#ᑕᑯᑎ 4:8.ᐊᒃᓴᓗᐊᓪᓗ ᓯᑕᒪᑦ ᓯᓇᕐᔪᖏᑦ ᐳᖅᑐᔫᕗᑦ ᑲᒪᓇᖅᑑᓪᓗᑎᒡᓗ; ᐊᒃᓴᓗᐊᓪᓗ ᓯᑕᒪᑦ ᓯᓇᕐᔪᓕᒫᖏᑦ ᐃᔨᓂᒃ ᓈᓯᒪᕗᑦ. 19ᐆᒪᔪᓪᓗ ᐃᖏᕐᕋᓯᔭᕌᖓᑕ, ᐊᒃᓴᓗᐊᑦᑕᐅᖅ ᐃᖏᕐᕋᓯᖃᑕᐅᕙᒃᑭᕗᑦ ᓴᓂᐊᓃᓪᓗᑎᒃ; ᐆᒪᔪᓪᓗ ᓄᓇᒥᑦ ᖃᖓᑦᑕᕌᖓᑕ, ᐊᒃᓴᓗᐊᑦᑕᐅᖅ ᖃᖓᑦᑕᖃᑕᐅᕙᒃᑭᕗᑦ. 20ᐊᓂᕐᖕᓂᖅ ᓇᒧᑐᐃᓐᓇᖅ ᐂᓕᕌᖓᑦ, ᐆᒪᔪᑦ ᒪᓕᖃᑦᑕᖅᐳᑦ, ᐊᒃᓴᓗᐊᓪᓗ ᒪᓕᖃᑦᑕᕆᓪᓗᑎᒃ; ᐆᒪᔪᑦ ᐊᓂᕐᖕᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ. 21ᐆᒪᔪᑦ ᐃᖏᕐᕋᓯᔭᕌᖓᑕ, ᐃᖏᕐᕋᓯᖃᑕᐅᕙᒃᑭᕗᑦ; ᓂᑯᕕᑉᐸᑕ, ᓂᑯᕕᖃᑕᐅᕙᒃᓗᑎᒃ; ᓄᓇᒥᑦ ᖃᖓᑦᑕᖅᐸᑕ, ᖃᖓᑦᑕᖃᑕᐅᕙᒃᑭᓪᓗᑎᒃ; ᐆᒪᔪᑦ ᐊᓂᕐᖕᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.
22 #
ᑕᑯᑎ 4:6. ᐆᒪᔪᑦ ᓂᐊᖁᖏᑕ ᖁᓛᓂ ᐃᒡᓗᕕᒐᐅᔨᖓᔪᒥᒃ ᓴᖅᑭᔮᖅᑐᖃᖅᐳᖅ, ᕿᓪᓚᕆᒃᑐᒥᒃ ᓂᓚᒃᑎᑐᑦ, ᓂᐊᖁᖏᑕᓗ ᖁᓛᓃᑦᑐᑦ ᑲᒪᓇᖅᑐᐊᓘᕗᑦ. 23ᐃᒡᓗᕕᒐᐅᔨᖓᔫᓪᓗ ᐊᑖᓂ ᐆᒪᔪᑦ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ, ᐃᒻᒥᖕᓄᑦ ᐊᒃᑐᐊᖃᑦᑕᐅᑎᓪᓗᑎᒃ; ᐃᓴᕈᖏᑕ ᐂᑉᐸᖏᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ. 24#ᑕᑯᑎ 1:4-15; 19:6.ᐃᓴᕈᖅᓱᓕᕌᖓᑕᓗ ᐃᓴᕈᖅᓱᕐᕙᓗᖏᑦ ᐃᒪᕐᕕᐅᑉ ᒥᕿᑦᑕᕐᖕᓂᖓᑕ ᐃᒃᑑᓕᔮᕐᖕᓂᖏᑎᑐᑦ ᑐᓴᖅᓴᐅᖃᑦᑕᖅᐳᑦ, ᐊᔪᒐᖃᖏᑦᑑᑉ ᓂᐱᕐᔪᐊᖓᑐᑦ, ᐅᓇᑕᖅᑎᒐᓴᒡᔪᐊᓪᓗ ᓂᐱᕐᔪᐊᖏᑎᑐᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ. 25ᓂᐱᒥᒡᓕ ᓂᓪᓕᖅᑐᖃᕐᖕᒪᑦ ᐃᒡᓗᕕᒐᐅᔮᖅᑐᒥᑦ ᓂᐊᖁᖏᑕ ᖁᓛᓃᑦᑐᒥᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ.
26 #
ᐃᓯᑭᐊᓕ 10:1; ᑕᑯᑎ 4:2,3. ᐃᒡᓗᕕᒐᐅᔮᖅᑑᓪᓗ ᓂᐊᖁᖏᑕ ᖁᓛᓃᑦᑑᑉ ᖁᓛᓂ ᐃᒃᓯᕙᐅᑕᕐᔪᐊᖑᔮᖅᑐᖃᖅᐳᖅ, ᐅᔭᕋᒃᑎᑐᑦ ᓴᐰᕋᐅᔮᖅᑐᒥᒃ; ᐃᒃᓯᕚᖅᑐᕐᓗ ᐃᒃᓯᕙᐊᑕᕐᔪᐊᖑᔮᖅᑐᒥ ᐃᓄᒃᑎᑐᑦ ᑕᐅᑦᑐᖃᖅᑑᔮᖅᐳᖅ. 27#ᐃᓯᑭᐊᓕ 8:2.ᕿᑎᕆᔫᔮᖅᑕᖓᑕᓗ ᖁᓛ ᑕᑯᕙᕋ ᑲᓐᓄᔭᑐᑦ ᕿᓪᓕᖅᑎᒋᔪᖅ, ᐃᑯᐊᓚᔫᔮᖅᑐᒧᑦ ᐃᓗᔭᐅᓯᒪᓪᓗᓂ; ᕿᑎᕆᔫᔮᖅᑕᖓᑕᓗ ᐊᑖᓂ ᐃᑯᒪᔪᑎᑐᑦ ᑕᑯᒃᓴᐅᔪᖃᖅᐳᖅ, ᖃᐅᒪᔪᕐᔪᐊᒧᓪᓗ ᐊᕙᓗᔭᐅᓯᒪᓪᓗᓂ. 28aᐊᔭᒍᑕᖅᑎᑐᑦ ᑕᐅᑦᑐᖃᖅᐳᖅ ᓄᕗᔭᒥ ᓯᓚᓗᒃᑎᓪᓗᒍ, ᖃᐅᒪᔪᕐᔪᐊᑉ ᐊᕙᑖᓃᑦᑐᖅ.
ᑖᓐᓇ ᖃᐅᒪᔪᕐᔪᐊᖅ ᓴᖅᑭᔮᖅᑎᑦᓯᕗᖅ ᐊᑕᓂᐅᑉ ᐱᓐᓇᕐᖕᓇᕐᖕᓂᖓᓂᒃ.
ᒎᑎᐅᑉ ᑎᓕᓯᓂᖓ ᐃᓯᑭᐊᓕᒥᒃ ᐱᔪᖃᓛᖅᑐᒥᒃ ᐅᖃᖅᑎᐅᖁᓪᓗᒍ
28bᑕᒪᓐᓇ ᑕᑯᒐᒃᑯ, ᐹᒻᒪᒃᐳᖓ ᑮᓇᕋ ᒪᓂᖅᑲᒧᑦ ᐊᒃᑐᖅᓗᓂ, ᓂᐱᒥᒡᓗ ᑐᓴᓕᖅᐳᖓ ᐅᖃᖅᑐᒥᒃ.
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.