YouVersion Logo
Search Icon

ᐃᓕᓯᒪᓃᑦ ᐃᒃᓖᓯᐊᓯᑏᔅ 1

1
ᐃᓅᓯᖅ ᓱᕙᓕᑭᐊᖑᕗᖅ
1ᐊᔪᕆᖅᑐᐃᔫᑉ ᐅᖃᐅᓯᖏᑦ, ᑍᕕᑎᐅᑉ ᐃᕐᖕᓂᖓᑕ, ᔨᕉᓴᓕᒥ ᐊᖓᔪᖅᑳᕐᔪᐊᖑᔫᑉ.
2“ᓱᕙᓕᑭᐊᖅ! ᓱᕙᓕᑭᐊᖅ!” ᐊᔪᕆᑐᐃᔪᖅ ᐅᖃᖅᐳᖅ, “ᑕᒪᕐᖕᒥᒃ ᓱᓇᑐᐃᓐᓁᑦ ᓱᕙᓕᑭᐊᖑᕗᑦ.” 3ᐃᓄᒃ ᓱᓇᒥᒃ ᐱᕚᓪᓕᕈᑎᖃᖅᐹ ᐊᒃᓱᕈᕈᑎᒋᔭᒥᓂᒃ? ᓴᓇᓂᕐᖕᒥᓄᑦ ᓯᕿᓂᐅᑉ ᐊᑖᓂ? 4ᑭᖑᕚᕆᑦ ᐊᓂᒍᖅᐸᓪᓕᐊᕗᑦ, ᐊᒻᒪ ᑭᖑᕚᕆᑦ ᐊᓯᖏᑦ ᑭᖑᕝᕕᐅᑎᒋᕗᑦ; ᓄᓇᓕ ᓱᖁᓯᕈᓐᓇᓐᖏᓚᖅ ᐃᓱᖃᖏᑦᑐᒧᑦ. 5ᓯᕿᓂᕐᓗ ᓄᐃᕙᒃᐳᖅ, ᓂᐱᕙᒃᓗᓂᓗ, ᑐᐊᕕᖅᓗᓂᓗ ᓄᐃᕕᒋᕙᒃᑕᒥᓄᑦ ᐂᓕᕆᕗᖅ. 6ᐊᓄᕆ ᓯᕿᓂᕐᖕᒧᑦ ᐃᖏᕐᕋᕗᖅ. ᓴᖑᓪᓗᓂᓗ ᐅᑎᓕᕆᕗᖅ ᐅᓐᓄᐊᓪᓗᐊᒧᑦ; ᑕᕝᕙ ᐅᐃᑦᔮᖃᑦᑕᓕᕆᕗᖅ ᑍᒪᓐᖓᑦ, ᐊᒻᒪ ᐅᑎᓕᕆᓪᓗᓂ. 7ᑰᑦ ᑕᒪᕐᖕᒥᒃ ᐃᒪᖅᐱᖕᒧᑦ ᑰᒃᐳᑉ, ᑭᓯᐊᓂᓕ ᐃᒪᕐᔪᐊᑦ ᑕᑕᑉᐸᓪᓕᐊᓐᖏᓚᑦ; ᑰᓕᕆᐊᕐᕕᒋᔭᒥᖕᓂᓪᓕ, ᑕᕝᕙ ᐅᑎᓕᕆᓪᓗᑎᒃ. 8ᑭᓱᑐᐃᓐᓁᑦ ᑕᖃᓇᖅᑐᐃᓐᓇᐅᕗᑦ, ᐅᖃᐅᓯᕆᔭᐅᔪᐃᓐᓇᐅᕙᒐᑎᒃ, ᐃᔩᒡᓗ ᑕᑯᔭᒥᖕᓂᒃ ᓈᒻᒪᒃᓯᔪᓐᓇᓐᖏᓛᒃ, ᓯᐅᑏᒡᓗ ᑐᓴᖅᑕᒥᖕᓂᒃ ᓈᒻᒪᒃᓯᔪᓐᓇᖏᓐᓂᕘᒃ. 9ᐱᑕᖃᓚᐅᖅᑐᑦ ᐱᑕᕾᓐᓇᕐᖕᓂᐊᕐᖕᒪᑕ, ᖃᓄᐃᓕᐅᖅᑕᐅᓚᐅᖅᑐᓪᓗ ᐱᔭᕆᐊᖃᒃᑲᓐᓂᖃᑦᑕᕆᕗᑦ, ᓄᑖᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ. 10ᓱᓇᒥᒃ ᐱᑕᖃᖅᐸ ᐅᖃᐅᓯᐅᔪᓐᓇᖅᑐᒥᒃ, “ᑕᑯᒍᒃ ᐅᓇ ᓄᑖᖅ”? ᒪᑯᐊᓕ ᐱᑕᖃᕇᓚᐅᖅᑐᑦ ᐃᑦᓴᕐᔪᐊᖅ ᐱᑕᖃᓚᐅᓐᖏᑎᓪᓗᑕ. 11ᐱᔭᕇᖅᑐᑦ ᐃᖅᑲᐅᒪᔭᐅᔪᓐᓇᓐᖏᓚᑦ. ᓯᕗᓂᑦᑎᓐᓂᓗ ᕾᔪᑦ ᐃᖅᑲᐅᒪᔭᐅᔪᓐᓇᕐᖕᓂᐊᖏᓐᓂᕗᑦ, ᑭᖑᓪᓕᑦᑎᓐᓂᑦ.
ᓯᓚᑐᓂᐅᑉ ᓱᓇᐅᖏᓐᓂᖓ
12ᐅᕙᖓ, ᐊᔪᕆᖅᑐᐃᔪᖓ, ᐊᖓᔪᖅᑳᕐᔪᐊᖑᓚᐅᖅᐳᖓ ᐃᓴᕆᐊᓕᑎᓄᑦ ᔨᕉᓴᓕᒥ. 13ᐃᓕᓐᓂᐊᓚᐅᖅᐳᖓ, ᕿᓂᖅᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ! 14ᖃᐅᔨᓯᒪᕙᒃᑲ ᑕᒪᕐᖕᒥᒃ ᓯᕿᓂᐅᑉ ᐊᑖᓂ ᐱᓇᓱᐊᖅᑕᐅᔪᑦ; ᑐᑭᓯᕙᒃᑲ ᓱᕙᓕᑭᐊᖑᖕᒪᑕ, ᓲᕐᓗ ᐊᓄᕆᒥᒃ ᐊᓐᖑᑎᓇᓱᐊᖅᑐᑐᑦ. 15ᓂᐅᖓᔪᑦ ᑐᑭᓕᐊᖅᓯᑎᑕᐅᔪᓐᓇᓐᖏᓚᑦ, ᐱᑕᖃᖏᑦᑐᓪᓗ ᓈᓴᖃᓯᐅᑎᔭᐅᔪᓐᓇᓐᖏᓚᑦ.
16 # ᐊᑕᓃᑦ ᓯᕗᓪᓖᑦ 4:29-31. ᐃᒫᒃ ᐃᓱᒪᓕᓚᐅᖅᐳᖓ, “ᑕᑯᒋᑦ, ᓯᓚᑐᓂᕐᔪᐊᓕᐊᓘᓕᖅᐳᖓ, ᓯᓚᑐᓂᖅᓴᐅᓕᖅᓗᖓᓗ ᑕᒤᓐᓂᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᓚᐅᖅᓯᒪᔪᓂᑦ ᓯᕗᓂᓐᓂᑦ; ᓯᓚᑐᓂᕐᖕᒥᒃ ᖃᐅᔨᒪᓂᕐᖕᒥᒡᓗ ᐊᖏᔪᒥᒃ ᐊᑐᖅᓯᒪᓕᖅᐳᖓ.” 17ᐃᓕᓐᓂᐊᓚᐅᖅᐳᖓᓗ ᓯᓚᑐᓂᕐᖕᒥᒃ, ᐃᓱᒤᕈᑎᓂᕐᖕᒥᒡᓗ, ᓯᓔᑦᑑᓂᕐᖕᒥᒡᓗ. ᑐᑭᓯᕗᖓᓕ ᑕᒪᒃᑯᐊ ᐊᓄᕆᒥᒃ ᓲᕐᓗ ᐊᓐᖑᑎᓇᓱᒃᑐᑐᑦ ᑍᒤᑐᐃᓐᓇᖅᐳᑦ. 18ᓯᓚᑐᓂᕐᖕᒥᒃ ᖃᐅᔨᕙᓪᓕᐊᓪᓗᓂ ᐊᖏᔪᒥᒃ ᕿᒃᓵᖕᓇᕐᖕᓂᖃᕐᖕᒪᑦ. ᖃᐅᔨᒪᓕᖅᐸᓪᓕᐊᓪᓗᓂ ᕿᒃᓵᖕᓇᖅᑐᑦ ᐊᖏᓕᕙᓪᓕᐊᒋᕗᑦ.

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy