PĀ GƏ̄ 47
47
Əndaī jīsí gíŕ Kɔ́ɔ̄ɓē ń i mban̄g kə́ bo ní tə́
1Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.
2Sḭḭ̄ gír de gə̄ malang ə́ndaī jīsí.
Úriī kɔĺ rɔ̄nel̄ ī-tɔ̄yīneé Nə́ɓā.
3Tɔdɔ̄ Kɔ́ɔ̄ɓē Nə́ɓā kə́ dɔɔ́ sa̰y ngá̰ý to ɓōĺ ngá̰ý.
Ni i mban̄g kə́ bo dɔ dɔ nang tə́ malang.
4Ni-əla dɔ gír de gə̄ gíŕ tɔ́gə yājí tə́,
əla dɔ nápar de gə̄ gír njají tə́.
5Ni gə̄rā dɔ nang adə̄jí yá̰a̰ yājí tə́.
I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń
ni táŕjí ngá̰ý ní.
6Dan ń Nə́ɓā a aw̄ kə̄ Siyo̰ ní əgan̄ kɔŕ rɔ̄nel̄ dɔn tə́.
Kɔ̄rə́n̄ tōw̄ gō Kɔ́ɔ̄ɓē tə́.
7Ɔ́siī gɔn Nə́ɓā kə pāá, ɔ́siī gɔnən,
ɔ́siī gɔn mban̄g yājí kə pāá, ɔ́siī gɔnən!
8Tɔdɔ̄ dɔ nang malang ní, mban̄g kə́ dɔ tə́ i Nə́ɓā.
Ādə̄ kum pā yāsí rāā adə̄ de gə̄ gerə̄n̄ nge ń noō.
9Nə́ɓā o̰o̰ ɓē dɔ nápar de gə̄ tə́.
Ni-ndi dɔ kōr̄ kāgə̄ mbang yān kə́ yā ɓōĺ gidə tə́.
10Ngār gə̄ yā gír de gə̄ kánə̄n̄ naā:
I gír de gə̄ yā Nə́ɓā yā Abəraham.
Tɔdɔ̄ mban̄g kə́ dɔ nang tə́ gə̄
i de gə̄ yā Nə́ɓā ń ni i dɔ yá̰a̰ gə̄ tə́ malang ní.
Currently Selected:
PĀ GƏ̄ 47: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.