PĀ GƏ̄ 149
149
Kɔsə gɔn yā de kə́ sew gə̄
1 Aleluya!
Ə̄nīī pā kə́ kijə ī-rɔyīneé Kɔ́ɔ̄ɓē.
Ī-tɔ̄yī Kɔ́ɔ̄ɓē loo kán̄ naā yā deē yān gə̄ tə́!
2Ādə̄ Israel rāā rɔ̄nel̄ nge kəndān.
Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄
yā mban̄g yādə́ tə́.
3Ādə̄ ɔsən̄ gɔnən kə ndāmāá ō,
əndan̄ kɔdə ō, ugən̄ kənde ō, tām̄ yān tə́.
4Tɔdɔ̄ Kɔ́ɔ̄ɓē rāā majə kə gír deē yān gēé,
ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.
5Ādə̄ deē yān gə̄ tḭ́ḭ̄n̄ bal walya ɔsən̄neé gɔn Nə́ɓā!
Ādə̄ túrə̄n̄ kɔĺ rɔ̄nel̄ dɔ tə̄rá todə́ gə̄ tə́!
6Ādə̄ teēn̄ tadə́ tɔ̄ȳn̄neé Nə́ɓā ō,
ādə̄ əhɔn̄ kaskar kə́ kumən atə dām̄ jōó jīdə́ tə́ ō!
7I gáŕ kadə̄ rāān̄ ba̰ā̰ dɔ nápar de gə̄ tə́,
kadə̄ tə̄ndān̄ gír de gə̄ tām̄ majaĺ yādə́ tə́,
8kadə̄ tṵ́ṵ̄n̄ mban̄g yādə́ gə̄ kə súĺ ō,
kadə̄ tə́nīn̄ kángə́lá gə̄ nja de kə́ bo yādə́ gə̄ tə́ ō.
9I gáŕ kadə̄ rāān̄ yá̰á̰ ń Nə́ɓā əda dɔdə́ tə́ á i kə́ ndang ní sedə́.
I kɔsə gɔn kə́ tām̄ yā deē yān gə̄ tə́ malang.
Aleluya!
Currently Selected:
PĀ GƏ̄ 149: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.