PĀ GƏ̄ 140
140
Ndɔ̄ȳ yā de kə́ tetən̄ najə̄ dɔn tə́
1Pā kə́ kem makətūbə̄ yā ngār yā gōsə̄ gə̄ tə́. I pā yā Dabid.
2Kɔ́ɔ̄ɓē, ī-gān̄g dɔḿ jī ngé kem majaĺ gə̄ tə́,
ī-ngɔ̄mə̄m̄, ādə̄ m-ə̄sō kem jī ngé dɔ́nɔ gə̄ tə́ alé.
3Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy.
Nin̄ i ngé sāā tām̄ kə dɔ ndɔ̄ gə̄.
4Nin̄ tə́lan̄ ndo̰də́ lim lim tītə̄ yā lī beé.
Kong lī kakə́m rosə tadə́.
5Kɔ́ɔ̄ɓē, ī-ngɔ̄mə̄m̄ ādə̄ m-ə̄sō kem jī de kə́ nge kem ndul tə́ alé.
Ādə̄ m-ə̄sō kem jī de kə́ nge rāā yá̰a̰ kə dɔ́nɔ́ tə́ alé.
Nin̄ gírə̄n̄ i rāām̄ kadə̄ m-ə̄sō ngóy.
6Ngé kɔjə rɔ̄də́ gə̄ əyān̄ gūmbə̄ noḿ tə́,
ənīn̄ kəla ō, ənīn̄ réng ō, yā kəhɔm̄neé.
Nin̄ əyān̄ gūmbə̄ kadə róbə́ tə́ yā kəhɔm̄neé.
7M-ə́dá Kɔ́ɔ̄ɓē na: Ḭ̄ i Nə́ɓā yāḿ!
Kɔ́ɔ̄ɓē, ī-nēl̄ mbīí ōoń ndūḿ loo rāāī ɓɔ́ tə́.
8Nə́ɓā, Kɔ́ɔ̄ɓē, tɔ́gə́ kə́ nge kajəḿ,
ī-taā dɔḿ ndɔ̄ rɔ̄ɔ̄ tə́ adə̄ yá̰a̰ ɔdə alé.
9Kɔ́ɔ̄ɓē, yá̰á̰ ń ngé kem ndul gə̄ gḛyn̄ ní ɔ́də aĺ gōdə́ tə́.
Yá̰a̰ gə̄ ń a nómə̄n̄ yā rāā ní ādə̄ udə róbó alé,
na sōgə́ ɔsən̄ rɔ̄də́ kə̄ dɔɔ́.
10Ngé gə̄ ń gīrə̄n̄ gidəḿ yā rɔ̄ɔ̄m̄ ní,
ādə̄ yá̰á̰ ń sāān̄ rāā seḿ ní rāādə́ nin̄ kɔ́ gə̄.
11Ādə̄ bə̄gān̄ yā̰l̄ hor dɔdə́ tə́.
Ādə̄ Nə́ɓā mbə́rē tə́nīdə́ kum hor tə́,
kem bəlo kə́ lú ngá̰ý kə́ asən̄ teē tū tə́ aĺ tə́!
12Ngé tétə̄ najə̄ gə̄ a ndin̄ kem ɓēé alé.
A ngɔ̄də̄n̄ de kə́ nge rāā yá̰a̰ kə dɔ́nɔ́ ō, nge kem ndul ō,
i kanjə̄ taā koō.
13m̄-ger̄ kadə̄ Kɔ́ɔ̄ɓē a rāā sarya yā de kə́ nge rɔ̄ tō ndoō,
ni a gān̄g sarya yā ngé ndoō gə̄ kə gōó majə.
14A̰á̰ā̰, de kə́ gōtə́ gə̄ a tɔ̄ȳn̄ rīí ō,
de kə́ súmūú gə̄ a ndin̄ rɔ̄í tə́ ō.
Currently Selected:
PĀ GƏ̄ 140: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.