PĀ GƏ̄ 129
129
Israel ənī gotə tápə̄ yān gə̄
1Pā kə́ yā kaw̄ń kə̄ loo kə́ táĺ tə́.
Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý,
əlan̄ gír rāā kumḿ ndoō tə́ i dan ń dɔḿ dūúnń ɓáý ní.
Ādə̄ Israel gə̄ malang ədan̄ ɓáý!
2Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý,
əlan̄ gír rāā kumḿ ndoō tə́ i dan ń dɔḿ dūúnń ɓáý ní,
banī asən̄ rāā yá̰á̰ kógə̄ḿ seḿ alé.
3Madə̄ ba̰ā̰ḿ gə̄ tə̄ndāmə̄n̄ kə ndéyé adə̄ gidəḿ tə́sō kə̄ naā tə́.
4Kɔ́ɔ̄ɓē i nge ra dɔ ndūn tə́,
ni-gán̄g kəlā ɓəlo yādə́ rɔ̄ḿ tə́ kɔ̄ɔ́.
5De gə̄ malang ń imə̄n̄ ɓē kə́ Siyo̰ ní
ādə̄ rɔ̄də́ sɔl̄də́ ō, ādə̄ télən̄ kə̄ gogə́ ō!
6Ādə̄ ton̄ tītə̄ mu ń əɓa dɔ kújə́ tə́
á tutə kɔ̄ɔ́ kanjə̄ kadə̄ tɔgə ní.
7Nge kəjan əhɔ a rosə kem jīn aĺ ō,
nge kɔyn ɔy a rosə kem jīn jōó aĺ ō,
8Najə̄ ń na: Ādə̄ Kɔ́ɔ̄ɓē rāā majə sesí ní,
ngé mān̄ róbə gə̄ ədan̄də́ aĺ ō.
Jə-tɔ́r̄ tají dɔsí tə́ kə rī Kɔ́ɔ̄ɓēé.
Currently Selected:
PĀ GƏ̄ 129: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.