YouVersion Logo
Search Icon

Luk 1

1
Luk ndang maktub ad namïn Teopil
(Oo Mrk 1:1; Knk 1:1 teen 3)
1Deg ngãibe ndangïn hoi nyag'n ðan nya danjt kïgo tøgdt. 2Deg'n non ndangïn tag lo ngémanajg, kï ngékelta lo Luwah loyaþood kïlat lo Jeju, ad i tag'n elïn dø nyagt'n oon kï kumd. 3Mî tø m'nderr girr nyag'n non loyaþoodt mbã døboit. Kïtø 'nten m'oo maj kad m'ndang ta dødt kïgoagoa m'adi î Teopil ngemaj kï tøi. 4M'ndï m'ða titbe kïtakad i gerïn rota dø nyagt tube'n deg'n non ndooin.
Malaika elta kete dø kooj Jãt kï ngeða baptem
5Kaglot'n Herod în ngar kam døning Judet ye, ngejamosï kadkari mad ndï nõ tøa i Jakari, i kïkïða ku þut ngéjamosïkadkarigt kï bïra bøwd i Abia. Nëa i kïkïða ku ngan kïdëgt kï girrkooj Aarõ, tøa i Elijabet. 6În tujoo în deg kïdenesew nõ Luwaht, telïn rod go mberkïndagt lo Bïraþe kï tag loa kï tee, kïkanj ta dødt. 7Na oojïn ngon al, kïta Elijabet i kuj, în tujoo în deg kï telïn bïga bugum. 8Ndø mad Jakari ndï ta kïla jamosïkadkarit nõ Luwaht, kïta i kaglo lo ngékïþe lo Abia kad ðan kïla'n non. 9Kïgo nyabelþet lo ngéjamosïkadkari, yan yuk, na yuk'n non so dø Jakarit kad and lot kïjaþat lo Bïraþe kad la horr mbikamt kï kootmbî. 10Deg koosïg tube ðan tïga, ða elïn ta kï Luwah dø kàd la horr mbikamt kï kootmbî. 11Malaika lo Bïraþe mad tee høi kïro Jakarit, ða kad dïngïr la horr mbikam kï kootmbî ko kõt. 12Lon Jakari ooa ye, kama gang man ngalang ad þool ðaa tø. 13Malaika ela an: Jakari. Ot þool kïta Luwah oo dø kø loi, þet nëi Elijabet a ooj ngon adi, na a i ndah tøa Jã. 14A i ða ronel døat kï kamnda; deg ngãibe tø a ðan ronel dø koojat. 15A i de kïbo nõ Bïraþet, a ãi kasïnduu, ke kasï mad kï ngang al bat, a i kï Ndil kïkunjðang ndø koojat mbã tøgïn. 16A tel kï deg ngãibe ku Israelagt kï ro Bïraþe Luwaht lod, 17a ða kïlaþer lon nõ Luwaht kï ndil Eli. Kï tøg kï tit lo Eli, ngoni a tel ngarkam bøwg kï ro ngandgt, a ad ngételro gotat al telïn kï kam ðob terrt lo deg kïdenesew, a ðago deg lo Bïraþe kad ðan go rod kïtaa.
18Jakari el Malaika an: Kï ði m'a m'gerïn kad ta 'nten i rota a? Kïtø mî bïga, nëm tø tel bïga bugum.
19Malaika tura an: Mî Gabriel m'ða nõ Luwaht. Kïtø ða kïlaþer loa. Luwah lam kad m'eli ta ho, kï m'ørri hoita kïmaj 'nten. 20Oo maj þet a i tel mbo, a asï kelta al mbã ndøt'n nyag 'nten a ðan nya kamtã; kïta i taa ta lom al. A tølïn køntag dø kàdat.
21Deg ndï ngoon Jakari, ta yad kïta nãia kï nãi køkï kam lot kïjaþat. 22Lon tee tïga ye, asï kad elta al. Deg gerïn ta kad Jakari oo nyakookamndilt kam kuj ndub Luwaht. Î tø mbøjd kï jin, na ndï tan mbo. 23Lon ndø ða kïla ndub Luwah loa asï woi ye, Jakari aw þe lon. 24Go ndøgt 'nten ye, nëa Elijabet ndan ngon, na tee tïga kam kujt lon al asï nah mi, an: 25'Nten la i maj'n Bïraþe ða sem ye, dø ndøt'n oo kumtondo lom kad m'ørrïn rosøl dømt dan degt.
Malaika Gabriel elta Mari kete dø kooj Jejut
26Kam naht kïkïbojidet go naht'n Elijabet ndan ngon ye, Luwah la Malaika Gabriel þet mad kï døning Galilet, tøa i Najaret. 27Laa kï ro ngon kï mandt kï ger ngaw al, în de mad kï girrkooj Dabidt kï tøa i Jojep, hø døa. Tø ngon kïmand'n non i Mari. 28Malaika and goat, an: Lapia. Î ngemajkurrr, Bïraþe i nat sei.
29Ta lo malaika ad kam Mari gang ngalang; øj ta kamïnt, ke girr lapia loa i ði a? 30Malaika ela an: Ot þool, Mari, i ngah maj nõ Luwaht. 31Oo maj a i ndan ngon, a ooj kïdïngã, a i ndah tøa Jeju. 32Îla i kïbo ye, a kunïna ngon Ngetøitøi, Bïraþe Luwah tø a ada pong kõþe lo bøwa Dabid. 33A õþe dø ngékï þet lo Jakob mbãkïnõt, kõþe loa døboia goto.
34Mari el Malaika an: Mî'n m'ger ngaw al ye, titbãi nya 'nten a ða nya?
35Malaika tura an: Ndil kïkunjðang a ðe døit, tøg Luwah Ngetøitøi a uti kï Ndilïn. Kïtø 'nten ngon kïkunjðang'n a ooja, a kunïna ngon Luwah. 36Oo tø, nooji Elijabet ndan ngon dø bïgant, în deg a kunïna kuj ye, ndan ngon asï nah kïkïbojidet. 37Kïtø nya mad kï dum Luwah goto.
38Mari el an: Oo mî ber kïdë lo Bïraþe, kï ða sem kïgo tat loi. Malaika þai, na nyàa.
Mari aw oo Elijabet
39Kam ndøt'n non Mari þai kanangbe aw døning mbalbot, þet mad kï døning Judet, 40and kuju lo Jakari, ða lapia Elijabet. 41Lon Elijabet oo dø lapia lo Mari ye, ngon kï kamat þa ruru. Elijabet ðoosï kï Ndil kïkunjðang. 42Ko kï ndïn kïbobe an: Ila î ngemajkurr ku dekïdëgt ye, ngon kooji tø a i ngemajkurr. 43Titbãi m'ngahn maj titbe mbã kõ Bïraþe lom ðen romt a? 44Kïtø oo. Lon lapia loi so mbimt ye, tentenbe ngon kï kammt roa nela, ad þa ruru. 45Î ngeronel tø, în ad kami: Nyag'n eli'n kokïro Bïraþet, a ðan nya.
Pa lo Mari
46Mari el an: Rom ndï øsïgon Bïraþe. 47M'ða ronel kam ndilïmt dø Luwaht kï ngekajïm. 48Kïtø oo kumtondo lo þer lon kïdë. Oo, nëbe kï nõt ngakaa deg tube a kunmïn ngeronel. 49Kïtø Luwah kï Ngetøg tube ða sem nyag kïbobo, tøa i kïkunjðang. 50Oo kumtondo lo ngeþoolag kï dø ngakaat kï ngakaa. 51Øj deg tøg jin, tïnda îgïn ndïn kï tagahg kï go lo døsïrt ngarkamdt tî kø. 52Ørr ngékõþeg kø dø pong kõþegt lod, na tøi de kï sølg kï dõ. 53Ad deg'n þo ðad ndanïn kï nyag kïmaj, na ad ngénya awïn jid kari. 54Ða kï þer lon Israel, kïta gah dø kookumtondot lon, 55tit'n elïn bøwjg kïdø Abrahamt kï ngakaa mbãkïnõt.
56Mari ndï kï Elijabet asï nah mïta kamla tel kï þe lon.
Kooj Jã ngeða baptem
57Lon ndø kooj ngon asï ye, Elijabet ooj ngon kïdïngã. 58Madþeag kï noojag oon hoi maj kï Bïraþe ða sia, na ðan sia ronel tø. 59Dø ndøt kï kõ jijoo, ðen kad kï n'jan gaj ngon kï kasï, ða kï'n ndahn tøa Jakari go tø Bøwat. 60Na kõa tur an: I be al; na a ndahn tøa Jã.
61Elïna anan: De mad kï tøa i titbe ku noojgt goto.
62Mbøjïn bøwa kï jid kad ad'd gerïn tø'n ndig kad ndah. 63Jakari kø bar mad, ndang nya tit an: Tøa i Jã.
Taa ya deg tube. 64Tentenbe ta Jakari tee, ndõa tut, ad elta ndubïn Luwah. 65Þool ða madþeag tube, hoita nyag'n non tî kï log kï døning mbalbot tube kam døning Judet. 66Deg tube, îgïn oon hoi nyag'n non ye, gaan døt anan: Ngon 'nten ye, a tel ði a? Kïtø tøg ji Bïraþe î nat sia.
Pa lo Jakari dø nyagt kï a ðen
67Bøwa Jakari ðoosï kï Ndil kïkunjðang ad ndø ndil an: 68Ad kï ndubïn Bïraþe Luwah lo Israelag kïta ðe gen deg lon, na badød. 69Þai kï Ngekaj kï ngetøg kïtatøj ku degt kï girrkooj Dabidt. 70Luwah elta titbe kïta deg lon kïjaþat ngékelta kï tant, maði nu an: 71N'a n'aj'j ji madngétajgt kï ji degt tube'n ndï øsïjïn ta ho. 72N'a n'oo kumtondo lo Bøwjg, n'an ga kamïn dø kunkøt lon kïkunjðang. 73Un køn kï yokïnda ad Bøwj Abraham an: 74N'a n'aj'j ji madngétajgt kad kï ða kïla kï nduban kïkanj þool. 75Kam nyaðat kïgo lo Luwaht kï kïdenesew nõat kï ndøjg tube. 76Na î, ngon a kunin ngekelta kï ta Ngetøitøit kïta a aw kete nõ Bïraþet kad i ðago ðobg loa. 77Nya'n a i lambera ad girrdeg loa laten: Luwah ndï aj deg kïta ndï nyàgo majalg lod kø. 78Kïtø õ kam Luwah loj ad oo kumtondo loj. Kaj a ðe rojt kokïdõ tit kï kunj bijalo kï þa, 79a øsï dø degt ngéndï kam ðob lapiat.
80Ngon tøg, ngang kam ndilïnt. Ndï kam dïlambot mbã ndøt'n tee høi ku Israelagt.

Currently Selected:

Luk 1: MB80

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy