Nge 1
1
Nyag tube în kari pãbe
1Tag lo Ngelamberta, ngon Dabid, ngar kï Jerusalem. 2Kari pãbe, kel Ngelamberta, kari pãbe, nyag tube în kari pãbe. 3Ði de a ngah dø kïlat in ða girr kàdt a? 4Girrka mad tøi, girrka mad kïðang ðe gootat na døning to lotont. 5Kàd þa, kàd ud, na aw kanangbe lot'n þa tit dasa. 6Nél la kokõ kamla tel la kogel, kïndøgbe nél a tur ron, na a tel ðe gootïnt kïkete. 7Bahg tube nün kï bahbot, na bahbo ðoosï al. Bahg awïn þaitø kï lot'n ndï nü kïtit. 8Nyag tube awïn kï kïla kïkør røkï kïdum kørr girra. Koo lo kï kum a ndan kum de al, koo dø ta a ðoosï mbi de al tø. 9Nya'n i nõ maði, nya'n non la a tel tee gog, na nya'n ða nya maði, nya'n non la a tel ða nya gog tø ye. Nya mad kïkij goto girr kàdt. 10Îla nya mad i nõ kï deg elïn taa anan: Oo, nya 'nten i kïkij ye. Nya'n non ndï nõ maði kam kohgt kï tøin kete nõjt. 11Ga kam dø nyagt kïmaði goto. Titbe deg kï oojïnd al þaitø ye, a gan kamd dø nyagt'n ðan nya woi kete nõdt al tø.
Terr lo de i kari pãbe
12Mî Ngelamberta, mî ngar dø Israelag Jerusalemt.
13M'nda kammt kï m'sah go terr na m'nder girr nyag tube în deg ðan girr dørãt. I kïla kï ngang ngãi la Luwah ndah dø degt kad ørïn røkï. 14Mî tø, m'oo nyag tube kï ðan nya girr kàdt, na m'oo nyag tube în nyag kïkari pãbe, tit sah hø nél be.
15Nya kï ðug woi ye, de asï mbaja al, nya'n goto ye de asï tïda al tø.
16M'øj kammt m'an: Oo, m'ngah terr ngãi tøi îgïn õnþe
Jerusalemt kete nomt. M'ngah terr ngãibe kamt, na m'ger girr nyag kï øj dø ndï kï dø dõ lo de. 17M'ndah kammt kï m'ger terr kï nya kï tel dø wãri kï nya kï tel de þoodt, na m'oo m'an: Nya 'nten i nya kï kari pãbe.
18Teert kïngãi a ad de kï ngãi tø, na de'n nyager loa ðe kïdøtdøt a ne, kamkil loa ðe kïdøtdøt tø ho.
Koomajro kï nyamajg în nya kï kari pãbe.
Currently Selected:
Nge 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.