Dan 1
1
Daniel kï namïng ndoon nyager lo Babiloniag
1Kam þalt kïkõmïta, kaglo kõþe lo Jehojakïm ngar kï Juda, Nebukadnesar ngar kï Babilon aw kï ngéðøøg lon, gugïn dø þebo kï Jerusalem. 2Bïraþe la Jehojakïm ngar kï Juda jiat, nat kï gaj nya ða kïla kïkam kuj ndub Luwaht. Nebukadnesar øi deg kï Judat aw sed þert kam døning Sinëart, na nya ða kïlag lo Luwaht'n øi ye, aw ndad kam kuj ngom nyamajgt lo luwah lon.
3Nebukadnesar nda mber Aspenaj, kïbo lo kùj dekïdïngãg kad køt ngan kïbasag, ad i ngan ngarg kï ngan ngéþeg ku Israelagt'n høn þert aw sed Babilont ye kï ðen sed, 4basag'n non kï în kïkanj nya mad kï majal rod, kï koo majd to kï tïga wakïsï, kï in ngégoosï kï ðoosï terr tube, kï in ngégernya, kï ngégoosï ger girrnya kïgo lo terrt, kad in deg kï asïn ða kïlaþer kam kuj kõþet lo ngar. Na kï in deg'n ndoond da maktubg kï ta þe lo Kaldeag maj. 5Ngar ndang mber maktubt kad adïnd ndeg nyasa kam nyasat kïmajmaj lon kï kasïnduu'n ngar a ãi nõ kïndøgndøg. A ndoond nya þal mïta, na go þalt kïmïta'n non a andïn kam kïlaþert lo ngar.
6Na ku ngan kï basagt'n køtïnd ye, ngan kï Judag în kudt nõ, ad i Daniel kï Hanania kï Misael kï Ajaria. 7Kïbo lo kùj dekïdïngãg ndah tød kïðang. Ad kun Daniel Beltisasar; kun Hanania Sadrak; kun Misael Mesak, na kun Ajaria Abed Nego.
8Daniel nda kamïnt kad kï'n yerr kï ron kïta nyasa kïmajmaj lo ngar al, ke kïta kasïnduu kï ngar a ãi al. Na kø kïbo lo kùj dekïdïngãg kad hød kï lo ngetøgt kad n'telïn kïyerrt kam sanyat nõn al.
9Luwah ða ad Daniel ngah maj kï kõkam takum kïbot lo kùj dekïdïngãg. 10Na kïbo lo kùj dekïdïngãg el Daniel an: M'þool kïta ngar kï ngeem la nda mber kad i san ho ãin nya 'nten ye, na m'þool kad takumsï tel kïmajal tøi lo basag în þalsï asïna sed. Îla i titbe a ne, kïta ta losï ngar a ad jan køm, kïta m'tøi dø ndia.
11Na Daniel el kïbo lo kùj dekïdïngãg kï ngekoogod sed Hanania kï Misael kï Ajaria, an: 12M'køi kï i ná þerg loi kam ndøt kïlah oo. Adj mbikám tãg ad i nyasaj, kï man kïta kãi koon. 13Goot a ne, a i nøl takumj kï takum ndeg basa namjg'n a san nyasa kïmajmaj lo ngar. Taa ne, þet a i ða nya kï þerg loi kïgo nyat'n i nøl oo. 14Kïbo lo kùj dekïdïngãg ndig ta lod dø nyat'n ndïjena, nád ndø kïlah oo. 15Go ndøt kïkïlah ye, oo takumd i kïmaj, rod tø to mbulmbul tøi ndeg basag tube kï ngésa nyasa kïmajmaj lo ngar. 16Kïtø 'nten la de kï ngekoogod ad'd nyasa kïmajmaj kï kasïnduu lo ngar al ta, na ad'd mbikámg koon.
17Luwah ad basag kïsøø'n non nyager, kï goosï, kï terr kam da maktubgt tube, na Daniel aw kï goosï ger girr nyakookamndilt kï niig tube.
18Go kaglot'n ngar øj ye, ðen sed nõat. Kïbo lo kùj dekïdïngãg aw sed nõ Nebukadnesart. 19Ngar elta sed, na ngah de mad kudt tube kï tit kï Daniel kï Hanania kï Misael kï Ajaria al, tøin ndeg namdg kï nyager tube. Kïtø 'nten la andïn ne kam kïlaþert lo ngar. 20Lon ngar ndïjed tag ye, kam tagt tube øjïn dø nyat kïðen kï ndet kad terr, ke goosï ger girrnya a ne, ngar ngahd kad gerïn tøi mboolig kï ngéndøndilg tube kï în kam kõþet lon nja kïlah.
21Daniel ndï kam kïlat lo ngar Nebukadnesar mbã þal kïdasa lo'n ngar Sirus õnþe.
Currently Selected:
Dan 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.