2 Kor 8
8
Kad nya kï nõbe Luwah
1Ngankom kï ndig kad i gerïn girr kamkë lo Luwah'n ða kïla kam ngékawnagt kam døning Masedøant. 2În dan kamkølgt kï ngãi, kamkølg'n non nád ngãi tø. Titbe kaa ðan ronel ngãi kïdumbit, adïn nyag lod kï nõbe, ke neni în kam ndot kï ngãi. 3M'ndï m'mãd naj døt, adïn kïgo tøgdt hã kïða be al, na adïn tøi tøgd kï kamndig tø. 4Køjïn kï rotîd kad kï nyad kad n'adïn kadkarig lod nat kï ngékawnag kï kam logt kïðang, kïtakad ðan ne kï deg kïjaþat lo Luwah kam døning Judet. 5Ðan nya 'nten tit'n kï ndan kamj døt hã kïðabe al; na ðan maj tøi; adïn rod Bïraþe, kamla adjïn rod tø ho ye, kïgo ndigt lo Luwah. 6Kïtø 'nten kï kø Tit kad aw rosït kad ða sesï kïtakad i tølïn køn kïla kamkë'n non, în Tit mbagirra kete. 7Kadkarig lo Ndil ton mbuj kusït, ad kadkam kï kadkari kelta, kï nyager, kï la ro kïnat kïkanj kør, kï tar losï kï rojt. Kïtø 'nten, oon maj kad kïla kamkë'n non bãin dansït tø. 8I mberkïnda hã m'ndï m'ndasï al, na m'elsï ta 'nten kad i gerïn ne titbãi hã ngékawnag kïmadg lan ne rod kïnat kad øjïn kamkë lo Luwah. I titbe la m'elsïn kad m'nán tar losï m'oo ke i jeje a? 9Kïtø i gerïn kamkë lo Bïraþe loj Jeju Krist, ke neni i ngemaj kaa, tel ngendo kïtatøsï, kïtakad kïtakul ndo loa, kï i telïn ne ngémajg. 10M'elsï ta ga lom dø nyat 'nten: Nya kaw kï i mbã girra kale ye, sumba kad i tølïn kona tajigla. În deg kïdasa kï ðan titbe, în deg kïdasa kï ndigïn ða titbe tø kïta ngékawna kï Jerusalem. 11Kïtø 'nten i tølïn køn kïla kadkari 'nten kï kamndig tit'n i mbã ne girra kï kamndig kïgo nyagt kï ton jisït. 12Kïtø îla kamndig i kam det kï ngekadnya a ne, Luwah ta kadkari loa kïgo nyat kï to jiat, na kïgo nyat kï goto jiat al. 13M'elta 'nten kad m'ndan nya kï køi døsït kïtakad lo deg madg i soodt a? Be al, na m'elta 'nten kïtakad kï ðan nya kï asïna. 14Tajigla nyag losï i ngãi, kïta 'nten asïn ða kï deg'n nya lod goto kamla îla ndø madt nya losï goto a ne, deg'n nyag lod i ngãi ye, a asïn ða sesï tø ho, 'nten i ðob kï asïna kïtasï tube. 15Kïgo tat kï ndangïn kam maktubt lo Luwah an: În kaw nya ngãi kï nat a ne, ndega a nãi al. În kaw tëbe kï nat tø a ne, a nal nya mad al.
Ta lo Tit kï madkïlaag
16Tit la ron kï nat kad n'ða sesï titj be, na kï ða mersi Luwah'n ða kïla kamat titbe. 17Jî taa kï ndïjea kad ða kïla 'nten, î tø ndig, kïtai 'nten þaitø î kïþe kïdøn la ron kï nat, nda kamïnt kete woi kï n'aw rosït. 18Kï la ngonkõ mad nat sia, ngonkõ'n non ngékawnag tube hitïn na kïta kïla la mber hoita kïmaj tube'n ða. 19'Nten hã kïðabe al, na ngékawnag køtïna tø kad aw mbah nat sej; kad i madkïlaj dø kïla kamkët'n ndï kï j'oo go kïtakad tø Bïraþe kon, kïtakad j'øj'n deg roj kï tîkat kad kï ðan sed.
20Kï ndï kï j'oo go roj maj kïtakad de mad la ta døjt al, dø tat lo koo go nar kadkari kï ngãi 'nten. 21Kïtø kï ndï kï sah ða nya kïgoðobat takum Bïraþet hã kïðaþe al, na takum degt tø ho.
22Kï la ngonkõj mad nat sed tø. I de'n kï náa nja ngãibe, j'ooa ad i de'n la ron kï nat be kad n'ðakïla. Tajigla tø ndï tîron kat kï tøi, kïta nda kamïn døsït kï þakul kï ngãi. 23Tit i madkïlam, ndï ðakïla nat sem kïtø maj losï; ngankõjg'n non, în ngombangkïlag lo ngékawnag'n ndï ðan kïla kïtakad Krist ngahn tøko. 24M'køsï kad øjïnd kad gerïn i tarïnd kï rota, kïtakad ngékawnag gerïn tø, burokïga'n ndï kï ga kïtatøsï i kï jeje.
Currently Selected:
2 Kor 8: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.