2 Kor 11
11
Pol ørr girr ta lo ngombangkïlag kï ngom
1M'køsï kad i ndïn bá døt sem, kad m'elta kïgo lo þoodt ngonsî. Ãã maj kad i ndïn døt sem. 2M'tarsï ad m'ða jang kïtasï tit'n Luwah ðan jang kïtasï, kïta m'hø døsï tit ngon kïmand kïjaþat be, m'ad ngaw kïðabedo ad i Krist. 3Na tit kan li goolïn Hawa kï ndøkïnda ye, m'ndï m'þool, na þeta deg tujïn tagahsï kad i nyan go tar'n i ndï i tarïn Krist kï kam kïmaj kï kïjanjoi.
4Kïtø îla de mad ðe rosït ndï la mber Jeju mad kïðang kï în kï lasï mbera, ke îla ndig kad i taan ndil mad kïðang kï în i taan maði, ke hoita kïmaj mad kïðang kï în i taan maði a ne, i ndï i ndïn døt sia. 5Na ngombangkïlag'n oon ndaad kad în ngombangkïlag kïbo tøi ye, mî kï du tøid kam nyat mad al bat. 6Na ke îla takelïm i tit de'n oo goosï kelta al kaa ne, m'nal nyager al; j'øjsï nya 'nten kï ðob kïðen, kï kaglog tube. 7Lon m'lasï mber Hoita Kïmaj ye, m'la mber'n non kari kïkanj taa nya mad jisït. M'søl døm titbe kïtakad, m'tøisïn kïdõ. 'Nten i majale? 8Lon m'ða kïla kusït ye, m'taa nyabaji ro ngékawnagt kïðang, m'øi nar lod m'ðan sesï. 9Lon mî nat sesï ye, m'kø de mad nar kad ðan sem do nyageegt lom al, kïta ngankõg'n ðen ko døning Masedøant ye, ðan sem dø nyageegt lom tube. M'oo go rom maj dø nyagt kad m'øisï al. Na m'a m'hø ða titbe kï nõmt. 10M'elta kïgo tat kïrota lo Krist kï kammt, m'an: de mad kï a øgïm gaburo 'nten goto kam døning Akayt kïtaagbe. 11M'elta 'nten kïtøði a? Kïtø tar hã m'tarsï ale? Na Luwah ger, m'tarsï. 12Na nya'n m'ndï m'ða ye, m'a m'ða baitø, kïtakad m'øgïn ta ðob deg'n ndï sahn lo kad deg oond titj be, kam nyagt'n ndï gan buro kï tø. 13Kïtø deg kï titbe'n non ndï telïn rod ngombangkïlagt lo Krist, na în ngombangkïlag kï ngom, kïlaðad i kïla gool deg. 14Nya 'nten i nya kï ya al, kïta sitan kïdøn ndï tel ron malaikat lo kunj tø. 15Kïtø 'nten ngang ngãi al kad ngékïlaþerg lo sitan ðan rod tit ngéðakïlaþer kad Luwah kï ðob kïdene be. Kam kaglot kïdøboit a taan nyabajid kï asï ta kïlaðadg.
Kõg'n Pol ngah
16M'ndï m'el gog tø, kï de mad oo an: Mî þood de al; na îla i ndï oomïn titbe a ne, i hømïn kï rosït tit þood de be, kïtakad mî tø m'gan buro ngonsî. 17Ta'n m'ndï m'el ye, m'ndï m'el tit'n Bïraþe ndigïn al, na m'elta tit þood de be. Na îla m'ndï m'gaburo kaa ne, m'ger kamt jeje girr nya'n m'ndï m'gan buro. 18Tit'n deg ngãibe ndï gan buro kïgo dãrot ye, mî kaa ne m'am m'gaburo ho. 19Îgïn oon rosï ngéterrgt ye, i ndï i ndïn døt sed þood deg kï kamndig. 20Kïtø îla de mad telsï þert, îla de mad sanya losï tïga, îla de mad høsï kïgo ndokumt, îla tøi døn kï dõ, îla nda køtsï kaa ne, i ndï i ndïn døt sia. 21Rom ndï sølïm kad m'elta 'nten; kï j'øj roj tit deg kï tõgbe. Titbe, m'ndï m'elta tit þood de be; îla de mad ndig gaburo kïta nya mad a ne, mî kaa m'ndig gaburo hø. 22Deg'n non în Hebreg e? Mî titbe ho. În Israelag e? Mî titbe ho. În ngakaa Abraham a? Mî titbe ho. 23În ngékïlaþer lo Krist e? M'ndï m'elta tit de kï døa goto be: Kïlaþer lom tøid. M'ða kïla ngãi m'tøid, lamïn dangãit tøid, ndamïn kï ndeh ngãi tøid, nja ngãibe m'to ta koit. 24Nja mî Juipg ndamïn kï ndeh jid dømïta gidai jikïða. 25Nja mïta Romag ndamïn kïkagg, tïlamïn kï mbal nja kïða; too kïbo tø girrïmt, nja mïta; m'ða ndø kïða kï kàd kïða dø bul bahbot. 26M'aw mbah kï nja natnatbe, na lo kawïm mbahg'tn non, mî ta koit kam mankõt, mî ta koit ji girrdegt kïdangdang, mî ta koit kam þebogt, mî ta koit kam mut, mî ta koit kam bahbot, mî ta koit ku ngankõt kïngom. 27M'ða kïla kï kõ, m'ørr røkï; m'ngah lo þi al, þo tølïm ho, kïnda ðam ho m'hø rom dønyasat kï nja natnatbe; kul tølïm; kub rom goto. 28Kïkanj kelta dø nya madgt'n ðamïn, nya madg ton nõ þaitø, ndï mbon na kïdømt kïndøgndøg, ad i soolg lom kïta ngékawnag tube. 29Îla de mad i tõ a ne, mî tø rom oi yelïl nat sia. Îla de mad so kam majalt a ne, mî tø ta õ kamm ngãibe kïtaa. 30Îla sumba kad m'gaburo a ne, m'gaburo kïta nyag'n øjïn kad mî tõ. 31Luwah kï bøw Bïraþe Jeju'n tøa asï ta ndub kï mbãkïnõt ger þet, m'ndï m'eltakïbal al. 32Lon mî kam þebot kï Damasï, ngekõþe girr tøgt lo ngar Aretas ndah ngéngom de dangãig tabitgt kad hømïn. 33Na deg madg ndamïn kam jangt, na tuimïn kï buro ndogbørr kïber ad m'tee jiat.
Currently Selected:
2 Kor 11: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.