YouVersion Logo
Search Icon

1 Tim 1

1
Lapia
1Mî Pol, mî ngombangkïla lo Jeju Krist kïgo mberkïndat lo Luwah kï Ngekaj'j, kï Krist Jeju'n kï ndah kamj døat, 2m'ndang maktub 'nten m'ad Timote, ngonïm kïjeje kïgo kadkam Luwaht. Kï Luwah kï Bøw, kï Krist Jeju Bïraþe loj adïn majkurr, kï kookumtondo kï kamkïsokïber.
Koo go ro maj dø nyandoot kï ngom
(Oo 1 Tim 6:3 teen 5; Gal 3:10 teen 12,19 teen 24; 2 Tim 2:10 teen 18; Knk 16:9 teen 20)
3Tit'n m'ndïjein, lon m'ndï m'awïn døning Masedøant ye, maj kad i ndï kam þebot kï Epesï. Deg madg ndïn nõ ndï ndoon nya kï ngom, sumba kad i ndamber deg'n non kad nyan ta ða nya kï titbe. 4Maj kad eld kï ot kørrïn go sukïdag kï girr kahg kï ngal, kïta nyag'n non ndï teen kï deg kï gakïnagt koon, na ndï øgïn ða kïla'n Luwah la jijt kad aw kï ketekete, ad i kïla lamber ta kïmaj kad deg adïn kamd Luwah. 5Na sumba kad i ndad mber titbe, kïtakad tøgïn kam tart, tar kï tee kam ngarkamt kïjanjoi, kï ndï hø de kï ta al, kïtakad teen kï kadkam Luwaht kïkanj ndokum. 6Deg madg mbetïn ðob kïmaj, ad udïn mut kam tamajgt kï ta kï kel kï pãbe. 7Ndigïn kad nîn ngéndoo deg mberkïnda lo Luwah, na în kïþe kï død gerïn girr ta lod'n ndï elïn nõ al ho, gerïn girr nyandoo'n ndï ndoon deg kï kam kï misïmisï nõ al ho tø. 8Na jî kï ger mberkïnda lo Moij køikøi, i nya kïmaj; îla de ndï ðan kïla kï goðobat. 9J'oo maj, mberkïnda i kïta deg kïro nõ Luwaht al, na i kïta ngétøidøtag, kï ngémbikoodøtalg, kïta ngéðanya kïgo lo Luwaht al, kï ngéðamajalg, kïta ngékøsïgon Luwah al, kï ngékid nya kïjaþat, kïta ngétøl bøwdg kï kõdg, kïta ngétøl deg. 10Mberkïnda i kïta ngéðakayag, kï ngéþi kï dekïdïngãg, kïta ngéðaw deg, kï ngékeltakïbalg, kï ngémanajg kï ngom, kï deg kï ngéðanyag tube ngankõdang kïgo lo nyandoot kïjaraw al; 11nyandoo kïjaraw'n Luwah la jimt i Hoita Kïmaj lo Luwah kï Ngekøsïgon kï Ngekasï ta ndub.
Pol ða mersi Luwah kïta ða maj loa
(Oo Knk 26:9 teen 20; 1 Kor 15:9 teen 10)
12M'ndï m'ða mersi Krist Jeju Bïraþe loj, în adïm tøg'n asï kad m'ðan kïla'n non. M'ndï m'ðaa mersi tø dø koot'n oo'm ad m'asï kad ndahm ta kïlaþert lon, 13ke neni, maði m'elta kïmal døat, m'da roa ndo, m'tajaa kaa ne, Bïraþe oo kumtondo lom, kïta kaglot'n non m'ad kamm Krist al þaitø, ad m'ger nya'n m'ða nõ al. 14Na majkurr lo Bïraþe i kïbo kïtam ad m'adkam Krist ho, adïm tar kï þai kokïro Krist't ho. 15Ta 'nten i ta kï jeje, asï kad deg taan kï log tube kï kan: Krist Jeju ðe duniat kïta kaj deg kï ngéðamajalg. Na mî taa, mî ngeðamajal m'tøi deg tube, 16na i kïta 'nten la Luwah oon kumtondo lom ye, ndig kad Krist øjïm kamkë lon, mî'n mî de kïdasa lo ngéðamajalg, kïtakad i nyandaj kï ro degt tube'n a adïna kamd nëbe kï nõt ho, na ngahn kumkajir kï mbãkïnõt ho. 17Tajigla, kï dø Ngart kï ngendï mbãkïnõt, kï dumkoi, kï dum kookïkum, kï dø Luwaht kïðabe, kï køsïgon kï tøko i kï døat kohgt lo kohg. Amin. 18Ngonïm Timote, nyandoo'n m'ndï m'la jiit laten, kïgo tat'n ngékelta kï ta Luwaht elïn dan ne døi maði ye, maj kad i taa tag kï ta Luwaht'n non kïtakad i ngah tøg kamt ad în nyakatg kad i ðøøn ðøø kïmaj, 19kad i hø go kadkam Krist loi jøgum kïkanj kad kami høi kï ta dø majalt mad. Deg madg mbetïn koo dø ta'n kamd ndï hød kï ta døt nõ, ad kadkam Krist lod nuj kø. 20Hymene kï Alegjandïr în ku degt'n non. M'lad ji sitant kïtakad în kï ndakøj kad elïn ta kïmal dø Luwaht gog al.

Currently Selected:

1 Tim 1: MB80

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy