1 Kor 9
9
Titbãi Pol la mber Hoita Kïmaj
1Mî de kï døm ale? Mî ngombangkïla ale? M'oo Jeju kï Bïraþe loj kï kum ale? În kand kïla lom kï m'ða m'ad Bïraþe ale? 2Îla deg madg ndï oon ta kîm ngombangkïla al kaa ne, în taa, mî ngombangkïla losï ðuba, kïta în kïdøsï'n în kïða kam Bïraþet ye, în najkïma dø kïla ngombangkïlat'n m'ða. 3'Nten taa i ta kï kørrdømt ro îgt'n ndï lan ta dømt. 4M'asï kad m'sa ho m'ai ho ale? 5M'asï kad m'un ngonkõ kïdë mad kam Krist't nëmt kad aw nat sem kïgo log tit'n ndeg ngombangkïla madg; kï ngankõ Bïraþe, ke Kepas ad i Pierr ðan ne ye ale? 6Ke jî kïkïðajbe ad i mî kï Barnabas koon la maj kad kï ða kïla kï jij tã kï ngahn nyasaj e? 7Nõ ndï ða kïla asïgar, na ba ron nja kïða a? Nõ hø ndøø nduu, na sa kanda al a? Nõ ndï ul þut batg, na ãi mbad al a? 8M'elta nyag 'nten kïgo takel degt koon a? Mberkïnda lo Moij elta titbe tø ale? 9Ndangïn kam Mberkïndat lo Moij anan: A i la kï ðund ta mangt lo'n a ndian dø nyakot ða sïran al.
I mangg hã Luwah ndï sool kïtad e? 10I kïtaj hã elïn ta 'nten ale? Rota ndangïn ta 'nten kam maktubt kïtatøj. Sumba kad ngendøø, kï ngendah nyako ðan kïla lod kï kam kï ndah døt kad n'a n'ngahn nya kamt. 11Îla kï dub nyamajg kïgo ndilt kusït a ne, i goðobat kad kï tet nyamajg losï kïgo dãrot ho. 12Îla sumba kad deg madg ngahn nya jisït a ne, kï loj tøi kï lod ale? Be kaa ne, kï tur go al, na kï ndï dø nyagt tube, kïtakad kï ndahn nya mad kï øg dø lamber Hoita Kïmaj lo Krist al. 13I gerïn kad ngéðakïlag kam kuj ndub Luwaht ndï ngahn nyasad kam kuj ndub Luwaht. Ngéjamosï kadkarig tø ndï ngahn gáj lod dø dingïr kadkarit kïjakø ale? 14Titbe tø Bïraþe ndan mber kad îgïn ndï lan mber Hoita Kïmaj ye, kï ngahn nyaþetrod kïtakul Hoita Kïmaj tø. 15Na mî taa, m'tur go nyag'n non al. Na m'ndang ta 'nten kad m'ngahn nya jisït al. Koim i soot. De mad kï a øgïm ga buro kï titbe goto. 16Ke neni m'ndï m'lamber Hoita Kïmaj kaa ne, m'ndï m'ga buro døt al, kïta i nya kï ndahn dømt kï lo ngetøgt. Ndøl i dømt, îla m'la mber Hoita Kïmaj al. 17Nî m'køt kïla 'nten kïgo kamndigt lom a ne, m'asï ta baji. Na îla m'ndï m'ða kïgo kamndigt lom al a ne, m'ða kïla'n non kïta lan jimt tit ngengomnya be. 18Ad nyabajim i ði a? Nyabajim laten: I lo'n m'lamber Hoita Kïmaj kari kïkanj taa nya loat, kïkanj tur go nya'n sumba kad ngelamber Hoita Kïmaj ngah.
19Mî de ta nyam, mî þer lo de mad al; titbe kaa ne, m'tel rom þert lo deg tube, kïtakad îla i root a ne, m'ngahn koosïdeg. 20Lon m'ndï m'ða kïla ku juipgt a ne, m'tel tit juipg be, kïtakad m'ngahn Juipg. Na lon m'ndï m'ða kïla ku degt ngendï girr tøgt lo Mberkïnda lo Moij ye, ke neni mî girr tøgt lo Mberkïnda al kaa ne, m'tel rom tit de kï ngendï girr tøgt lo mberkïnda be, kïtakad m'ngahn deg kï ngendï girr tøgt lo Mberkïnda. 21Titbe tø, lon mî ku degt kï ngéger mberkïnda lo Moij al, m'tel rom tit de kï ngeger mberkïnda al, kïtakad m'ngahn deg kï ngéger mberkïnda lo Moij al. Kïtø nya kï høm kïgo lo ngetøgt kad m'tel rom go mberkïndat lo Moij goto, kïta mî girr tøgt lo mberkïnda lo Krist woi. 22Ro de kï tõgt, m'tel tit de kï tõ be, kïtakad m'ngahn de kïtõg. M'tel nya tube ro degt tube kad kï titbãi kaa ne, m'ajïn kïmadg. 23M'ndï m'ða nyag tube kïta Hoita Kïmaj, kïtakad m'ngahn gaj lom tit. 24I gerïn kad ngékãingød dø bangt ãin ngød nat tube, na kïkïða kudt hã ngah nyandaduro ale? Ãin ngød titbe kad i ngahn ne nyandaduro. 25Dekïðen ndï hø ron ngang kad n'tel ngekãingød lo ndadurot tøi namïng a ne, ndï ire ron njirrirr dø nyagt tube. Deg ndï ðan titbe kïtakad n'ngahn ne jøg kï ðan kï mbikamg kï a nuj. Na jî taa, ndï kï j'ãin ngød kad kï ngahn ne jøg mad kï a nuj al mbãkïnõt.
26Kïtø 'nten la m'ndï m'ãin ngød ye, na tit ngekãi ngød kï nõbe al. Titbe tø la m'ða m'ðøøn ye, na tit de'n ur jin ða øsïn nél al. 27Na m'ndï m'ndah dø romt degir, m'laa girr tøgmt, na þeta goot'n m'la mber Hoita Kïmaj kïmadg a ne, ne mî kï døm Luwah mbetïm.
Currently Selected:
1 Kor 9: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.