Sekaria 1
1
1 #
Kag 1:1; Esr 4:24–5:1; 6:14. Toma olap lokikanyetekauni, kokaru lokiareit loka Dario, kobu akirot naka EJAKAIT mama ejai Sekaria okoku loka Berekia, okoku loka Ido, enabi, kobala ebe, 2“Anyunyuriki noi EJAKAIT lukapapaakus. 3#Yer 25:5; Mik 7:19; Mal 3:7; Luk 15:20. Kanuka ŋun kolimok kes ebe, Inera EJAKAIT loka ajoresio kwanata ebe: Ebala EJAKAIT loka ajoresio ebe, Koboŋutu neajai eoŋ, Ebala EJAKAIT loka ajoresio ebe, Eoŋ da aboŋuni mama ijaas, 4#Isa 1:16,17; Yer 3:12; Esk 33:11; Kos 14:1; Mat 3:8,9; Asw 3:19. Sirikiputokinos kalukapapaakus, luamonyanakinete inabin lusek mamakee ebe, ‘Inera EJAKAIT loka ajoresio kwanata ebe, Koboŋutu ca yesi anyoun koponesiokus lueroko, ka aswamisiokus da nueroko.’ Konye ebala EJAKAIT ebe, Mam apotu kopuput, karaida akiirar eoŋ. 5Ai bo ejaas lukapapaakus? Inabin da, ejarenenete kereka kesi ikar kere? 6#Isa 55:1; Aku 1:18. Konye akakiro ka ikakisila lueeorakinit ikakejaanakinak inabin, mam kes apotu kodolokis lukapapaakus? Kibelokis kotemasi atiar, Kwape keomitor EJAKAIT loka ajoresio aiswamakin oni, kwape ejaatar iponesiowok, kwape ejaatar da aswamisiowok, abu kiswamak oni kwape kwaŋin.”
7Kapaaran naka akaisaarei ka nuoŋon naka elap lokitomonet ka lodiopet, ŋes elap Sebat, kokaru lokiareit loka Dario, kobu akirot naka EJAKAIT mama ejai Sekaria okoku loka Berekia, okoku loka Ido, enabi. Kobala Sekaria ebe, 8#Yos 5:13; Sek 6:2; Apu 6:2-4. “Abu kaany kuare, ido koany, etuŋanan ibwanenit ebalasit lokareŋan, kobwo ŋesi kaneajaas ikito luka ekadas luajaas ajesa; kauke da ajaas ibalasin lukareŋak, ka lukomolik, ka lukakwaŋak. 9Kasodi atemar ebe, ‘Wu ekajakait, inyoika bo lu?’ Kabala emalaika lokinera keoŋ ebe, ‘Etodikini jo kwape ejaatar.’ 10#Sab 91:11; Bur 1:14. Koboŋok etuŋanan loabwoi neejaas ikito luka ekadas kotema atiar, ‘Lu kes luejukarit EJAKAIT alosit lailo ka laije kakwap.’ 11#Sab 102:20. Kobŋokis kesi emalaika loka EJAKAIT loabwoi neajaas ikito luka ekadas, kotemasi atiar, ‘Kipou kaloto lailo ka laije kakwap, ido koany, iboie akwap kere iyamakina.’ 12#Sab 103:13; Apu 6:10; Dan 9:2; Sek 7:5. Kosodi emalaika loka EJAKAIT aboŋokin ebe, ‘Wu EJAKAIT loka ajoresio, itodoli ai mam itimi Yerusalem, ka ireria luka Yuda, luinyunyurikinit ijo ikar lu akaisakanykaarei?’ 13#Isa 40:1,2; Yer 29:10. Koboŋok EJAKAIT emalaika lokinera keoŋ kakiro nuejok, kes akiro nuitalakarete, 14#Yok 2:18; Sek 8:2. Katema do emalaika lokinera keoŋ ebe, ‘Kiworo ijo ebe, Inera EJAKAIT loka ajoresio kwanata ebe: Ekokotikin noi Yerusalem ka Sion kekokote loepol. 15#Isa 47:6. Anyunyurik noi atekerin nuebwalara; naarai abu kanyunyurikin edit, kiyatakis kesi aitieanet. 16#Isa 12:1; Sek 2:1,2. Kanuka ŋun inera EJAKAIT kwanata ebe: Aboŋu eoŋ Yerusalem kaitim; ebala EJAKAIT loka ajoresio ebe, Edukokinio nen ekatogo, eriorio auno nakitemis ko Yerusalem. 17#Isa 51:3; Sek 3:2. Kiworo bobo ebe, Inera EJAKAIT loka ajoresio kwanata ebe: Ilaparos bobo ireriaka kanuka akerianut; italakari bobo EJAKAIT Sion, eseuni bobo Yerusalem.’’’
18Keteluo akakonye kete, ido koany, amumwar aoŋon. 19#Esr 4:1; Kbk 3:14. Katema emalaika lokinera keoŋ atiar, “Anyoika bo nu?” Kaboŋok ebe, “Nu kes amumwara nukisiarisiarete Yuda, ka Isirael, ka Yerusalem da.” 20Ketodik EJAKAIT eoŋ ikatatak iwoŋon. 21#Sab 75:4,5. Kasodi atemar ebe, “Anyoika nueponitos lu aswam?” Kiner ebe, “Nu kes amumwara nukisiarisiarete Yuda, tape emameun ituŋanan yenitonyouni akouke: konye eponito lu aitukurian kes, aiket amumwara nuka atekerin nuadakakis amumwarakee akwap naka Yuda aisiarisiar ŋes.”
Currently Selected:
Sekaria 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.