Iromayon 1
1
1 #
Asw 9:15; 13:2; Gal 1:15. Paul ebulesit loka Kristo Yesu, Iokenyaraunio araun: ekiyakia, Iokegitakinio alimonokin Akiro Nukajokak nuka Edeke, 2#Tit 1:2; Rom 16:25,26. nuesumunit Edeke kolo kama ka inabinoke kotoma nukiwadikatai nukalaunak, 3#Rom 9:5; 2 Sam 7:12; Mat 22:42; 2 Tim 2:8. kes akiro nuka okokuke Yesu Kristo Ejakaitiwok, lokeurio kaur naka Daudi kwape ejaar akuan, 4#Asw 13:33. loedakakinitai araut Okoku loka Edeke kapedor kwape ejaar Emoyo loka Alaunit, kanuka ajarun kokatwak, 5#Asw 26:16-18; Rom 15:18; Gal 2:7,9. kotomakeŋ ŋes kipou kadumuniata asianut ka eiyakiane tetere erimarete lukatekerin kere aiyuun kanuka ekekiror, 6kotomakec yes da kinyaritai araut luka Yesu Kristo;
7 #
1 Kor 1:2; 2 Kor 1:1; Pes 1:1; Mar 6:25,26. Mama ejaas ŋul kere luejaas Rome luminan luka Edeke luenyaritai araut ikalaunak:
Asianut kojai mamakus ka ainapakin nuepote kama ejai Edeke Papawok ka Ejakait Yesu Kristo.
8 #
Rom 16:19; 1 Ses 1:8. Esiauni aimal Ekadeke kotoma Yesu Kristo kanukus kere, naarai elimonokinio akusiiyuun anatar akwapin kere. 9#Pil 1:8; Pes 1:16. Naarai Edeke, loamai komoyoka kotoma Akiro Nukajokak nuka Okokuke, ŋes ekajenanika ebe alimununei yes kailipika komam apalari. 10#Asw 19:21; Rom 15:23,32. Ecebokinit ailip arai motoko kanuka akoteke kesipedori Edeke arurukun mama ijaas. 11#Asw 28:31. Naarai kemuit aanyun yes tetere kekopakin yes adioinakinet naka emoyo nakiticasi yes, 12#2 Pet 1:1. ŋes atemar ebe aitalakanario bonik ka bonik kanuka aiyuunikus, ka nakaŋ da. 13#Asw 19:21; Yok 15:16. Konye iinacan, akoto yes ajenun ebe irwan ipu alosikinit abunore mamakus, tetere adumuni adioraito kamakus kwape kama kImo ice, konye ketikokinitai kiton kwana. 14Keburaete Iyonanin ka lukacekwapin da, keburaete lukacoa ka lueolito da: 15kanuka ŋun akapakina eoŋ kowaika alimonokin Akiro Nukajokak kiton mamakus da luijaas Rome.
16 #
Mk 8:38; Sab 119:46; 1 Kor 1:18,24; Asw 13:46. Naarai mam Akiro Nukajokak kesurumito ileic: naarai erai apedor naka Edeke ainun aitajario mama ejai ŋinituŋanan yeniyuuni, mama ejai Eyudayat ber, ka Eyonanit da. 17#Kbk 2:4; Rom 3:21,22. Naarai tomakec epukoritai adolit naka Edeke, anyoun kaiyuun kiton aiyuun; kwape iwadikatere ebe, “Ebusi ikadoliton kanuka aiyuun.”
18 #
Yok 16:9; 2 Ses 2:12. Naarai epukoritai anyunyura naka Edeke abunore kokuju mama ejai epali kere ka amamus adolit naka ituŋa luitikokinete abeit kanuka amamus adolitekec, 19#Asw 14:15-17; 17:24-28. Naarai ejenas akiro nuka Edeke ideleleete kotomakec, naarai abu Edeke kisideleleu mamakec. 20#Sab 19:1; Bur 11:3; Yob 12:7-9. Naarai ameun kaisub akwap, atakanut iboroke lumam etakanete, ŋes atemar akepedor namam enaŋi, ka Eidekeoneke, kotoma oboro lukesubi. Aso emamei kes aiyar: 21#Pes 4:17-18; Apu 14:7. naarai apotu kojenut Edeke, mam kes itubusikinito ŋes kwape Edeke, karaida aima ŋes, dimarai kooliosi kotoma aomisiokec, kitumutoroi ikecetauon luemamei ajenun. 22#Yer 10:14; 1 Kor 1:20. Kineras ebe eraas lukacoa, kobaŋaakaros, 23#Ikis 4:16-18; Sab 106:20. kisiecata aibuses naka Edeke lomam etwani aituputoor aputosia nuka ituŋa kaluetwakete, arai nuka akweny, arai nuka itiaŋ, arai nuka lueliatos.
24 #
Asw 14:16. Kanuka ŋun abu Edeke kojalak kes toma oraŋasia luka itauonokec mama ejai amamus aila, ka aitisilio da naka awatekec bonik ka bonik, 25#Rom 9:5. naarai apotu kisiecata abeit naka Edeke araun aiŋal, koyoŋito komaata da isubat itia Ekasuban loituritoi ikar kere! Amen.
26Kanuka ŋun abu Edeke kojalak kes ainekit naka ileic, naarai apotu aŋorokec da kilocokis einono lokaurunet aituluor lomere lokaurunet, 27#Leb 18:22; 20:13; 1 Kor 6:9. ikiliok da kwape kwaŋin kinyeis einono lokaurunet loka aberu kibworo kotoma oraŋakec ŋolituŋanan mama ejai locekeŋ, ikiliok kiswamanakis ikiliok nukileic, ido koinanakinos eropit loebusakinit apaarikec.
28Ido kwape mam apotu kocamuniata ajenun Edeke, abu Edeke kojalak kes aomisio numam ajokis, kiswamata numam ibusakinito. 29Ileleba amamus adolit kere, nukaronok, airaŋaanut, ameŋeranut; ileleba ekokote, earit, aŋolopa, aiŋal, aomisio nueroko, ikedeideok, 30ikasiomak, luelaito Edeke, lukepali, luepogaka, luituros, ikapwakak nueroko, luiulakinito ikauriakakec, 31luemamei acoa, luejalete aitutuket, lumam eminanara, luemamei aitim, 32luejenete aitepesenit naka Edeke, ebe luiswamaete nuikote nen ibusakinit atwanare, mam bon iswamaete ŋun, konye itojokito da ŋul lukiswamaete ŋun.
Currently Selected:
Iromayon 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.