Obadia 1
1
1 #
Isa 21:11; Esk 25:12-14; Yok 3:19; Mal 1:3. Aitapoet naka Obadia,
Inera kwanata Ejakait EDEKE nuka Edom ebe:
Kipupu akiro kaneejai EJAKAIT,
Ejukunitai ekiyakia alimokin atekerin ebe:
“Konyoutu yesi!
Kanyoutu oni aitiji ŋes!”
2Koany, ketidisiari jo katekerin:
Kimwaŋio noi.
3 #
2 Ika 14:7; 2 Siit 25:12; Isa 14:13; Apu 18:7. Kimodo jo eitur loka etaukon,
Okwe jo loiboie kaciŋeta nuka emoru,
Loiboie kaneicelelei; Loibala kotaukon ebe,
“ŋai ca epedori aitodokun eoŋ kwap?”
4 #
Yob 20:6; Isa 14:14,15; Yer 49:16; Amo 9:2; Kbk 2:9. Ebala EJAKAIT ebe,
Karaida kidir kuju bala emorukaalet,
Karaida kejaun akaikon kidiŋ aacer,
Ketodokuni jo kaŋina.
5Arai kibunokinito ikokolak jo,
Arai kibunokinito ikerurwok kuare,
(Mere kimudiario jo!)
Mam tikekokwata aitodol naeupiata?
6Arai kibunokinito ikedeak emusabibu
Mam tikideutu imusabibun lueroko bon?
Eŋanyiŋanyi ca ma iboro luka Esau!
Aŋici ca ma aiŋadisiake nuibwaa!
7Kireŋeut ituŋa kere lukitutukito kajo orotokon, Kiton oikor:
Kimodata ituŋa luinapakina kajo, kipikosi da; ŋul luenyamete akonitap kilokata jo katacit:
Emamei aijen kotomakeŋ.
8Ebala EJAKAIT ebe, Mam kereka eoŋ kapaaran kaŋin Amudiari lukacoa ko Edom,
Ka aijen komoru loka Esau?
9 #
Sab 76:5; Yer 49:22; Amo 2:16; Nak 3:13. Iyaloŋoŋoete ikagogoŋokokon, jo Teman,
Ŋes ainakini ŋinituŋanan emudiario
Komoru loka Esau kaario.
10 #
Age 47:21; Sab 137:7; Esk 35:5,15; Amo 1:11; Mal 1:4. Kirumete jo ileic kanuka adedeŋ
Naibu kiswamak onacekon Yakob,
Kimudiario ikar kere.
11 #
Nak 3:10. Kapaaran naibu kobwoia kawai,
Kapaaran naejoreoritotor imo ikeboro,
Naalomariata lukaeekwap oruteike, Kilamilamata eroet kanuka Yerusalem, Kosubite ijo bala ediopet kakesi.
12 #
Mik 4:11; Awa 24:17. Konye sirikite apaaran naka onacekon Kapaaran naka icanike,
Siriyalama kanuka idwe luka Yuda Kapaaran naka amudiariokec; Karaida einer nuka eitur
Kapaaran naka aiyaloŋoŋ.
13Sirikiloma orute loka ikatuŋa Kapaaran naka epolakec;
Eebo, sirikite aiticanitoikec Kapaaran naka epolakec,
Karaida aidokokin akonikanin oborokec Kapaaran naka epolakec.
14 #
Isa 34:5-17; 63:1-6; Yer 49:7-22; Esk 25:12-14; 35:1-15; Amo 1:11-12; Mal 1:2-5. Sirikibwo kopidin amudiar luke luekuete; Sirikijaik luke luideunos kapaaran naka aiyaloŋoŋ,
15 #
Tub 1:7; Sab 137:8; Esk 35:15; Yok 3:7,8. Naarai eapie apaaran naka EJAKAIT katekerin kere.
Kwape ibu kiswamaa, kiswamakinio jo da kwaŋin, Eboŋokini akoniswam akoukon elopet.
16Naarai kwape ibu komasia koronataka lokalaunan, Emasete kwaŋin atekerin kere tiritir;
Eebo, emasete, kilikorete,
Ejaunos bala mam lem ejauna.
17Konye ejaunos luekuete Moru Sion, Eraun lokalaunan;
Irumi ekek loka Yakob airumetake.
18Eraun ekek loka Yakob akim,
Ekek loka Yosep da aŋajepa nuka akim,
Ka ekek da loka Esau ariaŋ;
Enokete kesi, enyamari kes:
Emameun yenideun kokek loka Esau;
Naarai ener EJAKAIT.
19 #
Sep 2:7. Irumete luka ari naka Eŋalakimak emoru loka Esau;
Irumete luka apuutona da Ipilisitian:
Irumete emanikor loka Epuraim, ka emanikor da loka Samaria;
Irumi Benyamin da Gilead.
20 #
1 Ika 17:9. Luijoreoritai luka ajore na naka idwe luka Isirael Luajaas koKanaanin, irumete aitodol Sarepat; Luijoreoritai da luko Yerusalem, luejaas Separad, Irumete ireria luka ari naka Eŋalakimak.
21 #
Isa 19:20; Dan 2:24; Sek 14:9; Apu 11:15. Epote iketaiarak Moru Sion atubokin Emoru loka Esau; Eraun ajakanut naka EJAKAIT.
Currently Selected:
Obadia 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.