Yokana 6
6
1 #
Mat 14:13-21; 15:32-39; Mk 6:32-44; 8:1-10; Luk 9:10-17. Akaulo kaŋun kolot Yesu okekwa juwai loka aŋolol naka Galilaya, naerai naka Tiberia. 2Kotupa ekodet loepol, naarai apotu koanyut aanyuneta nukiswamakini lukadekak. 3Kodoka Yesu oroŋat, kiboikin nen nepepe kikekesisiak. 4#Yok 2:13; 11:55; Luk 22:1. Keapie Aleleŋ, epucit loka Iyudayan. 5Aso kikeu Yesu akekonye, koany ekodet loepol ebunit mama ejai, kotema ŋesi Pilip atiar, “Kigweli kai inyamat, konyamata lu?” 6Kinera ŋun aitem ŋes: naarai ajeni ŋesi elopet nuelosi aswam. 7Koboŋok Pilip ebe, “Inyamat luka adenarin akwat aarei mam ilosikinos kes, arai kenyam ŋinituŋanan idis tai.” 8Ediopet kokesisiakake, ŋes Anderea onace loka Simon Petero, kotema ŋes atiar, 9#2 Ika 4:42,43. “Ejai ne isapat, yenejaas imugatin ikany lukesairi, ka agaria aarei: konye epedorete inyo ŋul kotuŋa luetia nen?” 10Kotema Yesu atiar, “Kisiboikis ituŋa.” Kejaas anya nuipu aibois ŋin, Aso kiboikinos ikiliok, kwaka ilukumin ikany. 11Kosodi kolem Yesu imugatin; kedau aimal, kokorak lukiboiete; kikonak nen agaria, koinak kwape akototor. 12Nakimonikinotor, kolimok ikekesisiak ebe, “Kotukonokisi atutubeta nuabilibila nuesalito, sirikedepar imodiobore.” 13Kosodete kotukonokis, kilelebata ibukito itomon ka luarei atutubeta nuabilibila nuka imugatin ikany lukesairi, nukitasalete kwi lukenyamete. 14#Ikis 18:15. Kosodete nakeanyuniata ituŋa aanyunet naeswamai, kobalas ebe, “Abeit lo ŋes enabi loebunit akwapin.”
15 #
Yok 18:36. Kosodi kejenu Yesu ebe kekotosi aponare aikamun ŋes tetere itaraunete ekabaka, kogitar kolot bobo oroŋan ŋes elopet bon.
16 #
Mat 14:22-33; Mk 6:45-52. Nakitiboŋia kijesaros ikekesisiak aŋolol, 17kodokas ataker, kogeut aikwaŋar alosit Kaparanaum. Komutonor akwap, komam ber Yesu ebunit mamakec. 18Kogeu aŋolol akulaun kanuka aikut naka ekwam loepol. 19Nakikwaŋarotor bala amairon auni arai aoŋon, koanyut Yesu itorit aŋolol, ikunyunit ataker; kokuriakaros. 20Konye kotema kes atiar, “Eoŋ lo: sirikikuriakaros.” 21Aso kokotosi aisukunyuun ŋes ataker; atipet kodol ataker akwap naabeete kesi.
22Apaaran naatupakini keany ekodet loabwoi kokekwa kaŋolol ebe emamei acetaker, dimarai adiopet bon, bobo da ebe mam Yesu adokarit ataker ŋin nepepe kikekesisiak, konye alosito ikekesisiak bonik. 23#Yok 6:11. (Konye kopotu atakerin ace anyoun koTiberia koapias kaibois nakenyamiata imugatin kedau Ejakait aimal.) 24Aso nakeanyunia ekodet ebe emamei Yesu kanen, karaida ikekesisiak, kodokasi kesi ikulepek atakerin, koloto Kaparanaum, emooto Yesu.
25Nakedumuniata ŋes kokekwa kaŋolol, kotemasi ŋes atiar, “Rabi, kibuni ijo ne wori?” 26Koboŋok Yesu ebe, “Abeit, abeit, katemari yes atiar, kimoete eoŋ, mere kanuianyuniata aanyuneta, konye naarai ipotu konyama imugatin kimonikinos. 27#Yok 4:14; 5:36; Mat 16:12. Siritaaritos kanuka inyamat luedaunos, konye kanuka inyamat luikuniasi kiton aijar naka ikar kere, lukiinakini Okoku loka etuŋanan; naarai ŋol ŋes loepucakinit Papa.” 28Kosodete kotemasi ŋes atiar, “Kikonakini ai tetere kiswamai aswamisio nuka Edeke?” 29#1 Yok 3:23. Koboŋok Yesu kotema kes atiar, “Na Ŋes aswam naka Edeke, kiyuut ŋol lokijukuni ŋesi.” 30#Yok 2:18; Mk 8:11. Kosodete kotemasi ŋes atiar, “Aso ca iswamai aanyunet anyoin, tetere kianyun keyuutu jo? Iswamai aswam anyoin? 31#Any 16:4,15; Sab 78:24. Apotu lukapapaakosi konyama emanu kamodiŋ; kwape iwadikatere ebe, ‘Koinak kes inyamat lukepote kotoma akuj ainyam.’” 32#Yok 6:49. Kotema Yesu kes atiar, “Abeit, abeit, katemari yes atiar, Mere Musa kiinakini yes inyamat ŋul lukepote kotoma akuj; konye Papaka ŋes kiinakini yes inyamat lukabeit luepote kotoma akuj. 33#Yok 6:51. Naarai inyamat luka Edeke ŋes ŋin yenijesuni kotoma akuj, ka ainakin akwapisinei aijar.” 34Kotemasi ŋes atiar, “Ejakait, koinakinai inyamat lu apaarasia kere.”
35 #
Yok 4:14; 6:48; 7:37. Kotema Yesu kes atiar, “Arai eoŋ inyamat luka aijar; ŋin yenebuni mamakaŋ mam cut eriebi eteŋei, ŋin da yenikeyuuni eoŋ mam cut ejakenenei akur, 36#Yok 6:26,29. Konye katema yes atiar kianyut eoŋ, komam iyuunito, 37#Yok 17:6-8; Mat 11:28. Kere lukainakini Papa epote mama ajai; ŋin da yenebuni mamakaŋ mam cut ereŋeari, 38#Yok 4:34; Mat 26:39. Naarai ejesuna kotoma akuj, mere aswam nuakoto eoŋ, dimarai nuekot lokejukuni. 39#Yok 10:28,29; 17:12. Nuekot lokejukuni kes nu ebe, Kotoma kaŋul kere lukainakini siriketoolio idiopet da, konye ketajar kapaaran nakawasia. 40#Yok 5:29; 11:24. Naarai nuekot Papaka kes nu ebe, Yeneanyuni Okoku ka aiyuun ŋes kojaut kaijar naka ikar kere; etajaruni eoŋ ŋes kapaaran nakawasia.”
41Kosodete kirurumakis ŋes Iyudayan, naarai abala ebe, “Arai eoŋ inyamat lukijesunos kotoma akuj.” 42#Luk 4:22. Kobalas ebe, “Mere kereka lo Yesu, okoku loka Yosep, lokijeni papake ka totoke? Ikwaikini ai ebala ebe, Ejesun eoŋ kotoma akuj?” 43Koboŋok Yesu kotema kes atiar, “Sirikirurumata bonik ka bonik. 44#Yok 6:55. Emamei ituŋanan yenepedori abunore mamakaŋ arai mam eriunit Papa lokeiukuni; eoŋ da etajaruni ŋes kapaaran nakawasia. 45#Isa 54:13; Yer 31:33,34. Iwadikatai kotoma onabin ebe, ‘Isisianakini Edeke kes kere.’ Ŋin yeniirarit, ka aisisiaun kaneejai Papa, ebuni mamakaŋ. 46#Yok 1:18. Mere ebe eanyunit ituŋanan Papa, dimarai ŋol loabuu kama ejai Edeke; ŋol ŋes eanyunit Papa. 47#Yok 3:16. Abeit, abeit, katemari yes atiar, Yeniyuunit ejaas kaijar naka ikar kere. 48#Yok 6:35. Arai eoŋ inyamat luka aijar. 49#Yok 6:31,32; 1 Kor 10:3,5. Apotu lukapapaakus konyamata emanu kamodiŋ, kotwaka da. 50Lu kes inyamat luijesunos kotoma akuj, tetere enyami ituŋanan kes komam etwani. 51#Bur 10:5,10. Arai eoŋ inyamat lukajarak lukijesunos kotoma akuj; arai kenyam ituŋanan inyamat lu, ebusi ikar kere; inyamat da luainakini eoŋ kanuka aijar naka akwapisinei ŋes akakuan.”
52 #
Yok 6:60. Kopegasi Iyudayan bonik ebe, “Epedori biai etuŋanan lo ainakin oni akekuan ainyam?” 53Aso kotema Yesu kes atiar, “Abeit, abeit, katemari yes atiar, Arai mam inyamete akuan naka Okoku loka etuŋanan, ka aimat da akeokot, emamei aijar kotomakus. 54Yenenyami akakuan ka aimat da akaokot ejaas kaijar naka ikar kere, eoŋ da etajaruni ŋes kapaaran nakawasia. 55Naarai akakuan kes inyamat lukabeit, akaokot da kes numatan nukabeit. 56#Yok 15:4; 1 Yok 3:24; 2:24. Yenenyami akakuan ka aimat da akaokot esalakini tomakaŋ, eoŋ da tomakeŋ, 57Kwape kejukunia Papa lokajaran eoŋ, ajari eoŋ da kanuka Papa, kwape kwaŋin yenikanyami eoŋ ejari kanukaŋ, 58Lu kes inyamat lukijesunos kotoma akuj, mere kwape kenyamiata lukapapaa kotwaka; yenenyami inyamat lu ejari ikar kere.” 59Enera ŋesi akiro ŋun kotoma atukos, naesisianakinia Kaparanaum.
60Nakiirariata ice luipu kokesisiakake kobalas ebe, “Etiono ca akirot na; iŋai bo epedori aiirar?” 61Konye kojeni Yesu kotauke ebe erurumata ikekesisiak kanuka akirot kaŋin, kotema kes atiar, “Kitiguiki ca yes akirot na? 62#Yok 3:13. Ikonakinete bo do ai arai ianyunete Okoku loka etuŋanan edokari nekolo kejai sek? 63#2 Kor 3:6. Emoyo ŋes einakini aijar, mam akuan epedori ibore; akiro nukalimokinit yes eraas emoyo, eraas da aijar. 64#Yok 13:11. Konye ejaas ice kotomakus lumam iyuunito.” Naarai kejeni Yesu ameun kageunet lumam iyuunito, ka ŋol da loebilakini ŋes ebotet. 65#Yok 6:44. Kobala ebe, “Kanuka ŋun katema yes ebe emamei ituŋanan yenepedori abunore mamakaŋ, dimikito einakinitai kama ka Papa.” 66Kanuka ŋun koboŋosi luipu kokesisiakake, komam bobo eupasi kaŋes. 67Aso kotema Yesu lutomon kaarei atiar, “Ikotosi kereka yesi da aboŋor?” 68#Mat 16:16; Mk 8:29; Luk 9:20; Yok 6:63. Koboŋok Simon Petero ebe, “Ejakait, kilosi mama ejai iŋai? Ijaas ijo kakiro nuka aijar naka ikar kere. 69#Yok 1:49; 11:27; Mat 14:33; 16:16. Kiyuunit isio, bobo da kijeni ebe irai ijo Lokalaunan loka Edeke.” 70Koboŋok Yesu kes ebe, “Mere kereka eoŋ kaseunit yes lutomon kaarei, ediopet da kayesi erai Satan?” 71Enera nuka Yuda okoku loka Isikariot, naarai ŋol loebilakini ŋes ebotet, ŋes da ediopet kotomon ka luarei.
Currently Selected:
Yokana 6: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.