Kagai 1
1
1 #
Esr 4:24–5:2; 6:14; 1 Siit 3:17; 6:15. Kokaru lokiareit loka ekabaka Daŋo, kolap lokikanyetekape, kapaaran nasodit naka elap, kobu akirot naka EJAKAIT mama ejai Kagai enabi, ka Serubabel okoku loka Sealutiel, ekayaiton loka Yuda, ka Yosua okoku loka Yekosadak, esasedoti lopeti, ehe, 2“Inera EJAKAIT loka ajoresjo kwanata ebe: Ebalas ituŋa lu ebe, Eroko apak naduket etogo loka EJAKAIT edolo,” 3#Esr 5:1. Kosodi kobu akirot naka EJAKAIT mama ejai Kagai enabi ebe, 4“Erai kereka na apak naibojoto yesi kotogoikus luitubusitai, kwabo asiljor etogo lo? 5Aso do inera EJAKAIT loka ajoresjo kwanata ebe: Koomoomata ikusiponesjo, 6Ipotu koyeata luipu, isakete luikidjoko; inyamete konye mam imonikinos; imasete, konye mam numatan kiupete; inapitoa igoen, konye emamei yenemwana; ŋin yenedumununei eropit, edumununei eropit aibwaikin oriagi loepedopedo,
7“Inera EJ AKAIT loka ajoresjo kwanata ebe: Koomoomata ikusiponesjo, 8Ebala EJAKAIT ebe, Kodokasi oroŋat, koyaut akito, kodukoto etogo; eoŋ da esiyalamikini ŋes, ketubusikinere, 9Ipotu koomito adumun luipu, ido keany, koraunos luikidjoko; naiyauniata kes ore, abu kakuta. Ebala EJAKAIT loka ajoresjo ebe, Kanukinyo? Kanuka ekatogo loasiljor, kwabo ikerete yesi ŋinituŋanan togoke, 10#Ikis 28:23; 2 Siit 6:26; Yer 3:3; Yok 1:18,19. Kanuka ŋun etikoki akuj akopyo, etikoki da akwap akeraito kanukus, 11#1 Ika 17:1; Kag 2:17. Abu kanyarak akamu toma akwap, ka iroŋan, ka akima, ka ebino, ka akinyet, ka lueraete kalup, ka ituŋa, ka ibaren, ka aitaaritoi da kere naka akanin,”
12 #
Esr 5:2; Isa 55:11; Sab 111:10; Awa 1:7; Lim 12:13. Kosodi Serubabel okoku loka Sealutiel, ka Yosua okoku loka Yekosadak, esasedoti lopeti, ka luedeuna kotuna, arimar eporoto loka EJAKAIT Ekecedeke, ka akiro nuka Kagai enabi, kwape abu EJAKAIT Ekecedeke kijukaria ŋes; koyonata ituŋa EJAKAIT. 13#2 Siit 15:2; Isa 41:10; Mat 28:20; Rom 8:31. Kosodi Kagai, ekiyakia loka EJAKAIT atemar kakirot naka EJAKAIT mama ejaas ituŋa atiar, “Ebala EJAKAIT ebe, Ajai eoŋ kayes.” 14#2 Siit 36:22; Sab 110:3; Kag 2:21; 1 Kor 15:58. Kisidik EJAKAIT emoyo loka Serubabel okoku loka Sealutiel, ekayaiton loka Yuda, ka emoyo loka Yosua okoku loka Yekosadak, esasedoti lopeti, ka imoyon da luka luedeuna kere kotuŋa; kopotu kiswamata aswam kotogo loka EJAKAIT loka ajoresjo, Ekecedeke, 15kapaaran naka akaisaarei ka nuoŋon naka elap, kolap lokikanyetekape.
Currently Selected:
Kagai 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.