1 Petero 1
1
1 #
Yak 1:1. Petero, ekiyakia loka Yesu Kristo, Mama ejaas luseuna luesiarakinos luiboiororos kotoma Ponto, ka Galatia, ka Kapadokia, ka Asia, ka Bisunia, 2#Rom 8:29; Bur 12:24. kwape kolo esiaunia Edeke Papa ajenun, kotoma aitalaunio naka Emoyo, kiton arimanut ka abwatakinio aokot nuka Yesu Kristo:
Kiyatanakin asianut ka ainapakin mamakus.
3 #
Yak 1:18. Kituritete Edeke ka Papa loka Ejakaitiwok Yesu Kristo! Kwape ejaar akeitim naepol abu kouri oni irwan nakiareit, tetere kija kamun naejari, kanuka ajarun naka Yesu Kristo kokatwak, 4#Kol 1:12. kadumut airumet namam edaun, naemamei elos, namam erinyori naiŋadakinitai yes toma akuj;, 5#Yok 10:28; 17:11; Rom 5:3,4; Gal 3:23; 1 Kor 2:5. yes lukigalikinit apedor naka Edeke kanuka aiyuun kiton naidumuniata aitajario naitemokino apukorio kapak nakawasia. 6#1 Pet 5:10; Bur 12:11; Yak 1:2; 2 Kor 4:17. Iyalamasi noi kotomakeŋ, karaida ibusakinit diat aitakadikinio kwana apak naedit, kanuka acodunio naka iponesio luipu, 7#Awa 17:3; Mal 3:3; Rom 2:7,10; Yak 1:3. tetere aitemio naka aiyuunikus naitelekarit noi etiai loka esabu loedaun karaida kitemio kakim, kotakanu ituritoi, itopoloorio, ka aitubusikinio da, kotoma apukorio naka Yesu Kristo. 8#Yok 17:20; 20:29; 2 Kor 5:7; 2 Tim 4:8. Iminasi ŋes karaida mam ipotu koanyut ŋes; karaida mam ianyunito ŋes kwana konye iyuunito ŋes, iyalamasi noi kaiyalama namam inerio naitepolooritai. 9#Rom 6:22. Idumunete esaŋe loka aiyuunikus ŋes aitajario naka aijarakus.
10 #
Mat 13:17; Luk 10:24. Apotu inabin, luadwarenenete nuka asianut naekot abunore mamakus, komoenenete ka aiŋic akiro nuka aitajario kaŋin; 11#Sab 22:1; Isa 52:13–53:12; Luk 24:26. koŋicata ani bo apak, arai ali bo epone lokikwenyaria Emoyo loka Kristo lokejai tomakec, nakegeia aitejen aiticanio naka Kristo ka aibuses naetupakin ŋin. 12#Pes 3:10; Luk 2:13. Aponi kes! kopukokinai ebe mere kanukec bonik, dimarai kanukus, apotu kijaanaki! ŋun nukidaun alimokin yes kwana, kama kaŋul lukilimonokinete yes Akiro Nukajokak, kanuka Emoyo Lokalaunan loejukunio kotoma akuj, akiro ŋun imielas imalaikan aireonokin.
13 #
Luk 12:35; Pes 6:14. Kanuka ŋun koenata aŋabes nuka acoakus, kinyeis amer, komunosi cut asianut nakiinunio kotoma apukorio naka Yesu Kristo, 14#Rom 12:2; Pes 2:3; 4:17. Kwape idwe luerimaka, sirituputoro keimiel loka apak nakaolitekus nakolo, 15konye kwape eraar lokinyarit yes lokalaunan, koraut yesi da lukalaunak koponesio kus kere, 16#Leb 11:44-45; 19:2; 20:7. naarai iwadikatai ebe, “Iraunos yesi lukalaunak, naarai arai eoŋ lokalaunan,” 17#Sab 89:26; Yer 3:19; Mal 1:6; Mat 6:9; Rom 2:11. Arai inyarito Papa ŋol loetubokini ŋinituŋanan kwape ejaatar aswamisioke, komam etiaki ituŋa, kolosenenete kakurian kapali nairaatar ikalotok, 18#Isa 52:3; 1 Kor 6:20; 7:23. Kojenete ebe mam aponi kolakun yes kiboro luedaunos, kwape epuesa arai esabu, koponesiokus lutai lukirokunete kama kalukapapaakus, 19#Isa 53:7; Bur 9:14. dimarai kaokot nuketiai Ioepol nuka Kristo, kwape nuka imerekek yenemamei aŋwal, karaida akemer. 20#Rom 16:25; Pes 1:4. Aponi kisiaunai ajenun ŋes koriŋa akwapin kesuba, konye aponi kitakanunai kawasia naka apakio kanukus. 21#Yok 14:6; Rom 4:24; Kol 1:27. Kotomakeŋ iraut luiyuunito Edeke, loetajaruni ŋes kokatwak, koinak da aibuses, kosodi aiyuunikus ka amunokus ajaut mama ejai Edeke.
22 #
1 Yok 5:1. Naarai idaut aitalaun aijarakus kotoma arimarite abeit, kiton amin iinacan namam esoswai, kodunyakis noi aminanara kotoma otauon, 23#Dan 6:26; Yok 1:13; Yak 1:18. Naarai aponi kourii yes irwan nakiareit, mere kikinyom luebosete, dimarai kalumam ebosete, kanuka akirot naka Edeke naejari naeperonori, 24#Isa 40:6-8; Yak 1:10,11. Naarai
“Akuan kere esubit bala anya,
Ka aibusesuke kere da kwape aturot naka anya, Erinyorete anya, aturot da eraraar,
25 #
Isa 40:8. Konye akirot naka Ejakait eperonori ikar kere.”
Akirot ŋin da kes Akiro Nukaiokak nuaponi kolimokin yes.
Currently Selected:
1 Petero 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.