1 Ikorinton 1
1
1Paul, lokenyarao araut ekiyakia loka Kristo Yesu kanuka akot naka Edeke, ka Sosetene onace,
2 #
Asw 18:1; 1 Kor 6:11; Asw 9:14. Mama ejai ekanisa loka Edeke loejai Korinto, ŋul lukitalaunio kotoma Kristo Yesu, lukenyarao koraut lukalaunak, nepepe kaŋul kere luiwoneto ekiror loka Ejakaitiwok Yesu Kristo kaŋiniibois, loerai Ejakaitikec ka lowok da:
3 #
Rom 1:7. Kojai asianut mama ijaas, ka ainapakin nuepote kama ejai Edeke Papawok ka Ejakait Yesu Kristo.
4Emalaenenei Edeke tiritir kanukus, kanuka asianut naka Edeke nakiinakinio yes, kotoma Kristo Yesu. 5Naarai aponi kitabari yes kaŋolipone kotomakeŋ, kotoma akiro kere ka aijen da kere 6kwape kitogogoŋere aitejenunet naka Kristo kotomakus, 7#Luk 17:30; 2 Ses 1:7; Tit 2:13. tetere mam itwakiarete amodioinakinet kere, idarete apukorio naka Ejakaitiwok Yesu Kristo; 8#Pil 1:6; 1 Ses 3:13; 5:23. loitogogoŋi yes kiton awasia, komamei aitoronio kapaaran naka Ejakaitiwok Yesu Kristo. 9#1 Ses 5:24; 1 Yok 1:3. Erai Edeke lomunot, lokinyarauni yes alomun oidicane loka Okokuke, Yesu Kristo Ejakaitiwok.
10 #
Pil 2:2; 3:16. Aso iinacan, keŋaiŋait yes, kokiror loka Ejakaitiwok Yesu Kristo, ebe kinerata kere adiopekirot, kinye atiakatiakaun ajaun kidiŋikus, konye kidicakina ketau ediopet ka ainerun da adiopet. 11Naarai, ikainacan, kalimokis eoŋ lukokale loka Kloe, ebe ejai aŋolopa kidiŋikus. 12#Asw 18:24,27; 1 Kor 3:4; Yok 1:42. Aso naabala nata ebe, ebala ŋinidiopet kayesi ebe, “Arai eoŋ yenika Paul,” ice da ebe, “Konye eoŋ yenika Apolo,” ka ice da ebe, “Arai eoŋ yenika Kepa,” ka ice da ebe, “Arai eoŋ yenika Kristo.” 13Okwe, etiakatiaka kereka Kristo? Ibubukinitoi kereka Paul kanukus? Arai bo iponi kibatisai kokiror loka Paul? 14#Asw 18:8; 19:29; Rom 16:23. Emalai naarai mam ebatisat idio kayesi dimarai Keresipo ka Gaio; 15kinyek idiotuŋanan atemar ebe aponi kibatisai kokirorikaŋ. 16#1 Kor 16:15. (Abu kebatis da lukokale loka Sitepan, Alemar ŋul mam ajeni arai abu kebatis ice kere.) 17#Yok 4:2; Mat 28:19. Naarai mam Kristo keyakit aibatis, dimarai alimonokin Akiro Nukajokak, kwabo mere kacoa naka akirot, kinyek emusalaba loka Kristo araun aamameak.
18 #
2 Kor 4:3; Rom 1:16. Naarai akirot naka emusalaba erai abaŋaanut kama ejaas lueoliorete, konye mama kija oni lukitajario erai apedor naka Edeke, 19#Isa 29:14. Naarai iwadikatai ebe,
“Amudiari acoa naka lukacoa,
Etapalauni da apirianut naka luepiriaka.”
20 #
Yob 12:17; Isa 19:12; 33:18; 44:25. Ai bo ejai lokacoa? Ai bo ejai ekewadikan? Ai bo ejai eketepegan loka ikar kalu? Mam kereka Edeke abu kitababaŋ acoa naka akwap? 21#Mat 11:25; Luk 8:12. Naarai kotoma acoa naka Edeke, mam akwap abu kojen Edeke kanuka acoa, abu kisiyalamik Edeke aitajar luiyuunito kotoma abaŋaanut naka akirot naelimonokinio, 22#Mat 12:38; Yok 4:48; Asw 17:18,32. Naarai ekotosi Iyudayan aanyuneta, Iyonanin da emootos acoa, 23#1 Kor 2:14; Rom 9:32. konye sio kilimonokini Kristo loebubukinitoi, loerai aitiguikinet mama ejaas Iyudayan, abaŋaanut da mama ejaas Imo, 24#Kol 2:3. konye mama ejaas ŋul luenyaritai, Iyudayan ka Iyonanin da, erai Kristo apedor naka Edeke, ka acoa da naka Edeke. 25#2 Kor 13:4. Naarai abaŋaanut naka Edeke erai acoa aitelekarit naka ituŋa, akalanyanut da naka Edeke egogoŋ aitelekarit naka ituŋa.
26 #
Mat 11:25; Yok 7:48; Yak 2:1-5. Naarai, iinacan, koomito anyarauniokus, ebe mam luipu kayesi keraas lukacoa kwape ejaar aitemis naka akwap, mam ipu lukapedor, mam ipu lukapolou da luenyaraunitai, 27konye abu Edeke koseu lukabaŋaanut luka akwap tetere isurumi lukacoa ileic; bobo da abu Edeke koseu luekalanyaka luka akwap tetere isurumi lukagogoŋok ileic; 28bobo da abu Edeke koseu imukopin, ka luemwaŋitai kotoma akwap, eebo, ka iboro da luemameete, tetere itamamauni ŋul luejaas, 29#Rom 3:27; Pes 2:9. kinyek idiotuŋanan aolobobot kakonyen nuka Edeke. 30#Yer 23:5,6; 2 Kor 5:21; Yok 17:19. Konye kanukeŋ ijaut yes toma Kristo Yesu, loabu Edeke kituluo awokocoa, ka adolit, ka aitalaunio, ka alakunio da; 31#Yer 9:23,24. kanuka ŋun kwape iwadikatere ebe, “Yeneolobobot, koolobobote kotoma Ejakait.”
Currently Selected:
1 Ikorinton 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.